Þess vegna er saksóknari sérstakur

   Margir hafa velt því fyrir sér hvers vegna saksóknarinn Ólafur Þór Hauksson sé jafnan kallaður sérstakur þegar nafn hans ber á góma.  Í blöðum og útvarpi er hann iðulega kynntur til sögunnar sem sérstakur saksóknari.  Þetta hefur stundum verið útskýrt með getgátu um að aðrir saksóknarar séu ekkert "spes".  Jafnvel hálfgerðir aular.

 . Þarna er um misskilning að ræða.  Ástæðan fyrir því að þeir sem umgangast Ólaf dags daglega kalla hann sérstakan er sú að hann víkur aldrei framhjá hindrunum.  Sama hvort þær eru grindverk,  auglýsingatrönur,  reiðhjól,  bílar eða annað sem á vegi hans verður:  Hann skríður undir þessar hindranir,  klifrar yfir þær eða treður sér lipurlega í gegnum þær.  Nágrönnum og öðrum til undrunar og kátínu.  Ekki síst þeim sem vinna nálægt skrifstofu saksóknarans. Það eru til sögur af honum að klífa þverhnípta veggi eins og fjallageit. 

.

 

Athugasemdir

[Gudmundur Bjarnason (IP-tala skráð) 11.2.2011 kl. 00:59]

Mér finnst hann sérstakur fyrir að eyða nokkrum mannárum í rannsóknir án þess að neitt komi út úr því.
Ekkert sérstakt að hann láti auðvaldið hafa áhrif á störf sín. Það gera nánast allir í okkar þjóðfélagi.

[Jens Guð, 11.2.2011 kl. 01:04]

  Guðmundur,  þú segir nokkuð.  Þetta er reyndar allt dálítið snúið.  Eins og roð í hundskjafti.  Eða þannig. 

[Sigurjón Þórðarson, 11.2.2011 kl. 01:28]

Greining þín á sérstakri ljósmynd er einstök og algjör perla!

[Jens Guð, 11.2.2011 kl. 01:37]

  Sigurjón,  takk fyrir það.  Ég reyndi mitt besta. 

[Jóna Kolbrún Garðarsdóttir, 11.2.2011 kl. 01:42]

  Kannski mun einhver af fjölmiðlaeigendunum og bankaeigendunum á endanum þurfa að borga fyrir "glæpi" sína.  Flestir þeirra telja sig ekki hafa brotið nein lög...

[Jens Guð, 11.2.2011 kl. 01:45]

  Jóna Kolbrún,  þú ert bjartsýn í skammdeginu. 

[Ásthildur Cesil Þórðardóttir, 11.2.2011 kl. 08:16]

Flottur

[Sigurður I B Guðmundsson, 11.2.2011 kl. 10:50]

Ég held að hann sé "spes" vegna þess að hann var sá eini í sinni stétt sem var ekki háður eða múldýr fjárglæpamannanna.

[Jens Guð, 11.2.2011 kl. 11:38]

  Ásthildur Cesil,  sérstakur saksóknari er flottur.  Það vantar ekki.  Ég heyrði smáskífu með söngtríóinu Carlsons í Færeyjum.  Þar syngja þær systur ljómandi vel þekkta bandaríska guðspjallaslagara á borð við "Put your hand". 

[Jens Guð, 11.2.2011 kl. 11:39]

  Sigurður I.B.,  hann er kannski "spes" frá mörgum hliðum?

[Helga Kristjánsdóttir, 11.2.2011 kl. 13:29]

Sæll! Veistu nokkuð hvort sá fyrir aftan,gerði þetta líka?

[Jens Guð, 12.2.2011 kl. 00:39]

  Helga,  mér skilst að aðrir leiki þetta ekki eftir.  Nema mikið liggi við.

[DoctorE (IP-tala skráð) 12.2.2011 kl. 01:19]

Vonandi var hann að hlaupa á eftir útrásarvíking :)

[Jens Guð, 12.2.2011 kl. 01:40]

  DoctorE,  hann sprettir úr spori hvar sem hann kemur auga á bankaræningja.

[JR (IP-tala skráð) 12.2.2011 kl. 02:24]

Jens.

Þetta er hrein snild hjá þér !

Annars vonar maður að það verði eitthvað meira um minninguna um þennan mann en þetta !!!

[Ásthildur Cesil Þórðardóttir, 12.2.2011 kl. 08:38]

Takk fyrir þetta Jens, já ég hef heyrt þær syngja þetta lag líka. 

[Jens Guð, 12.2.2011 kl. 18:45]

  JR,  takk fyrir það.  Ég tek undir orð þín með að vonandi eigi sagan eftir að fara vel með manninn.

[Jens Guð, 12.2.2011 kl. 18:46]

  Ásthildur Cesil,  ég hefði keypt þessa plötu ef íslenska krónan væri sterkari.  Mér þótti of mikill peningur að borga 2500 kall fyrir 4 lög. 

[Ásthildur Cesil Þórðardóttir, 13.2.2011 kl. 01:28]

Jamm skil þig vel.

[Jens Guð, 13.2.2011 kl. 02:27]

  Ásthildur Cesil,  á tonlist.is kaupir maður eitt lag á 99 - 179 krónur.  Flestar færeyskar plötur koma þar inn þó Carlsons sé ekki þar í dag.  Enda held ég að 4ra laga plata þeirra sé ný.  Það tekur alveg upp í hálft ár fyrir þær að skila sér þar inn. Þetta þýðir að 4ra laga plata kosti í hæsta lagi um 700 kall á tonlist.is. 

  Upphafslagið (sem ég man ekki hvað heitir) er svakalega flott raddað án undirleiks hjá stelpunum.  Hin lögin eru meira "venjuleg".  Þetta er ljómandi vel flutt hjá þeim þó meira gaman væri að heyra frumsamið í stað útlendra slagara.  

[Ásthildur Cesil Þórðardóttir, 13.2.2011 kl. 14:18]

Já sammála þér í því að það væri betra að semja sjálfar eða láta semja fyrir sig, reyni að koma þessu á framfæri til þeirra gegnum dóttur mína sem þekkir þær afar vel.