Bjargið lífi ykkar og annarra á einfaldan og ódýran hátt

  Hvers vegna fer fólk í rándýrar lyfjameðferðir með ömurlegum aukaverkunum af öllu tagi þegar svo auðvelt er að verjast allskonar sjúkdómum,  þar á meðal krabbameini,  á ódýran og einfaldan hátt?  Svarið er einfalt:  Það eru lyfjafyrirtækin sem standa fyrir rannsóknum á virkni hinna ýmsu lyfja og græða trilljónir þegar lyfin eru keypt af heilbrigðisstofnunum.  Lyfjafyrirtækin græða ekki neitt ef fólk fær upplýsingar á borð við eftirfarandi:

  - Sítrusávextir (sítróna, lime) eru 10.000 sinnum kröftugri í að hægja á og stöðva vöxt krabbameinsfruma en þau krabbameinslyf sem mest eru notuð.

  - Sítrusávextir ráðast aðeins gegn illkynja frumum.  Ekki heilbrigðum.  Þess vegna eru engar aukaverkanir.

  - Sítrusávextir vinna kröftuglega gegn óæskilegum sveppum,  bakteríum,  sníkjudýrum og jafnvel ormum.  

  - Sítrusávextir jafna blóðþrýsting,  draga úr þunglyndi,  streitu og taugasjúkdómum. 

  - Safa úr sítrónum og lime má blanda út í allskonar aðra ávaxta- eða grænmetissafa og sterka áfenga drykki,  svo sem landa.  Það er einnig ágætt að setja sítrónusneið út í ískalt kranavatn. 

  - Það er upplagt að úða sítrónusafa yfir sjávarrétti.  Og reyndar rík ástæða til vegna þess að safinn kemur í veg fyrir matareitrun.  Skelfiskur og rækjur eru viðkvæm vara og vandgeymd.  Margur hefur fengið í magann eftir að hafa snætt blandaða sjávarrétti.          

  - Sítrónur og lime bragðbæta ýmsar kökur og ýmsa rétti.  Til að mynda er gott að úða sítrónusafa yfir kótelettur og kartöflusalat.

  - Góður vani er að vera alltaf með sítrónu og lime í sitthvorum buxnavasanum. 

  Uppistöðuna af þessum upplýsingum hef ég frá Institute of Health Sciences í Baltimore.  Þar á bæ segjast menn geta vitnað í 20 rannsóknir máli sínu til stuðnings.  Og fara létt með það.  Ég hvet ykkur til að leita frekari upplýsinga um þetta á netinu og bera síðan undir lækna.  Kannski geta þessar upplýsingar bjargað lífi.

Athugasemdir

[Óskar Arnórsson, 28.2.2011 kl. 09:15]

Ertu komin í ávaxtabransan?

[Óskar Þorkelsson, 28.2.2011 kl. 10:07]

þegar ég var smápolli og fékk njálg.. þá tróð amma gamla sítrónubát upp ú endaþarminn á mér við lítinn fögnuð af minni hálfu og enn minni hjá njálgnum :)

[Valdimar Samúelsson, 28.2.2011 kl. 10:24]

Já það er skrítið hve maðurinn er óviljugur að bjarga sér sjálfur. Þetta hefir maður vitað alla sína hundstíð og lesið mikið um en gerir ekkert í þessu. Edik virkar á sama hátt og þar sem ég bjó í Alaska þá var lax og annar fiskur alltaf þvegin upp úr edik blöndu áður en hann var frystur. Þakka áminninguna.

[Sigurður I B Guðmundsson, 28.2.2011 kl. 11:27]

Hvað með MYSU?

[Valdimar Samúelsson, 28.2.2011 kl. 12:17]

Ég er viss um að mysa er góð og ég drakk oft mysu í sveitinni kannski var það hún sem réði því að ég fékk aldrei pest þar.

[Ásthildur Cesil Þórðardóttir, 28.2.2011 kl. 12:38]

Skortur á magnesíum getur líka stuðlað að krabbameini, ég tek slíkar töflur daglega, og lýsi á hverjum morgni, en það er gott að vita þetta með læmið líka.  Takk fyrir það.

[Arnar Pálsson, 28.2.2011 kl. 15:13]

Skemmtilegur léttur andi yfir þessri sítrónumessu.

Ég greindi örlítið misræmi á milli fyrirsagnar og lokaorða, getur verið að þú hafir viljað egna fyrir fólk með æsandi titli?

Það er eitt að greina áhrif sítrónusafa á krabbameinsfrumur í rækt og annað að fá jákvæð áhrif þegar með því að sjúga eina slíka á dag.

Tók líka eftir "Lyfjafyrirtækin græða ekki neitt ef fólk fær upplýsingar á borð við eftirfarandi:" Það fyndna er að lyfjafyrirtækin hafa fjárfest gríðarlega í alternate medicine og bætiefnabransanum. Þau ætla að taka peningana ykkar - sama hvar þið verslið!

[Eyjólfur G Svavarsson, 28.2.2011 kl. 16:29]

En hvað með Eplaedik.!!

[Jens Guð, 28.2.2011 kl. 17:13]

  Óskar,  nei.  Og þó.  Ég er ekki að selja ferska ávexti.  Hinsvegar rek ég heildsölu,  Aloe Vera umboðið,  með Banana Boat og fleiri góðar snyrtivörur úr hráefnum jurtaríkisins:  Gel úr Aloe Vera,  bananaolíu,  kvöldvorrósarolíu,  gulrótarþykkni,  kókossmjöri,  hampi,  vanillu og svo framvegis.  Þetta eru ætar húðvörur og reyndar Aloe Vera djús líka.

  En ég hef engin tengsl við sítrónur eða sölu á sítrónum.  Mér þóttu þessar upplýsingar bara það áhugaverðar að ég fann mig knúinn til að deila þeim með fleirum.

[Jens Guð, 28.2.2011 kl. 17:15]

  Óskar,  sko þá gömlu.  Fyrir daga verksmiðjuframleiddra lyfja kunni fólk sitthvað fyrir sér í svona nokkru. 

[Jens Guð, 28.2.2011 kl. 17:18]

  Arnórsson og Þorkelsson,  afsakið að ég greindi ekki á milli nafna ykkar í "kommentunum" hér fyrir ofan:  #9 er svar til Arnórssonar og #10 til Þorkelssonar.

[Jens Guð, 28.2.2011 kl. 17:20]

  Valdimar,  ég vissi um eitthvað af þessum eiginleikum sítrónunnar.  En ekki að hún væri svona kröftug gegn krabbameini.  Edik er sótthreinsandi og áreiðanlega meinholt.

[Jens Guð, 28.2.2011 kl. 17:24]

  Sigurður I.B.,  hún er góð við þorsta.  Eiginlega það besta sem til er við þorsta.  Ég kaupi mér oft mysu.  Hún er líka kalkrík.  Það er gott fyrir bein og tennur.

[Jens Guð, 28.2.2011 kl. 17:30]

  Valdimar (#5),  þarna er komin skýring á því hvers vegna ég fékk aldrei pest í sveitinni.  Ég drakk mysu daglega.  Og þambaði hana ótæpilega á sólríkustu sumardögum.

[Jens Guð, 28.2.2011 kl. 17:31]

  Ásthildur Cesil,  takk fyrir upplýsingarnar um magnesíum.  Þetta vissi ég ekki.

[Jens Guð, 28.2.2011 kl. 17:47]

  Arnar,  ég viðurkenni ekki að um ósamræmi sé að ræða í fyrirsögn og lokaorðum færslunnar.  En vissulega er blæbrigðarmunur þar á.  Ég forðast að endurtaka langa fyrirsögn orðrétta í bloggfærslum. 

  Þannig er að ég byrjaði á að skrifa fyrirsögnina.  Síðan byrjaði ég að tína upp fróðleiksmola úr samantekt Institute of Health Sciences og bætti við nokkrum frá mér sjálfum.  Ég vildi ekki skilja færsluna eftir sem eitthvað eins og einhliða auglýsingu frá sölufyrirtæki sítrusávaxta,  en þannig hljóma upplýsingarnar frá Institute of Health Sciences.  Þegar um svo alvarlega sjúkdóma sem krabbamein ræðir er best að ráðfæra sig við lækna og skoða allskonar möguleika.  En skoða þá gagnrýnið og leita uppi á netinu (og víðar) allt um þessa hluti.

  Af og til rekst maður á fullyrðingar (misvel rökstuddar) um að sumir af stærstu lyfjaframleiðendum heims séu óheiðarlegir og svífist einskis.     

[Jens Guð, 28.2.2011 kl. 17:48]

  Eyjólfur,  það er sótthreinsandi og holt.  Ég hef heyrt fullyrðingu þess efnis að sé edik eða cider drukkinn með mat sé búið að girða fyrir hugsanlega matareitrun.

[Ómar Ingi, 28.2.2011 kl. 18:49]

Úr grasinu í Ávexti

[Jens Guð, 28.2.2011 kl. 22:01]

  Ómar Ingi,  þannig vinna menn sig upp metorðastigann.

[Númi (IP-tala skráð) 28.2.2011 kl. 23:06]

Mæli hiklaust með  eplaediki,og bara að muna það að blanda rétt,1 matskeið og síðan fylla glasið af vatni.

[Steingrímur Helgason, 28.2.2011 kl. 23:44]

Dáldið ~zúr~ færzla, náttla, en líklega kórrétt...

Líklega hefur þú zúrinn í myzunni bjargað því zem bjargað var þeim helmíngi þjóðarinnar zem að lézt ekki úr 'zkyrbjúg', (zkemmtilegt orð fyrir C vítamínazkort!)...

[Jens Guð, 1.3.2011 kl. 00:07]

  Númi,  ég tek við þessum meðmælum og kaupi mér eplaedik strax á morgun.

[Jens Guð, 1.3.2011 kl. 00:08]

  Steingrímur,  það er einmitt sýran í sítrónum sem gerir gæfumuninn.  Og líka í mysunni.  Svo framarlega sem það sé ekki maðkur í mysunni.

[Tinna Gunnarsdóttir Gígja, 1.3.2011 kl. 07:55]

Úff. Ég renndi aðeins yfir heimasíðu stofnunarinnar: http://hsionline.com/

"Shrink tumors, destroy cancer cells, boost your immune system, and prolong your life with a single omnipotent cancer-fighting formula

In just one bottle, you’ll find everything you need to treat and prevent cancer. And not just one kind of cancer. This formula tackles such a long list of cancers the list can barely fit in a paragraph: breast, prostate, lung, colon, stomach, liver, leukemia, multiple myeloma…and the list goes on."

"Vaccine predators want to hunt kids down to give them their shots"

"Next year, skip the vaccine and take this supplement to avoid the flu"

"

Chelation was first developed in the 1940s by the U.S. Navy to treat lead poisoning. In addition to lead, chelation purges other heavy metals as well when the chelating agent binds to metals and removes them from the body through urination. Chelation also binds with mineral deposits and is often used to treat arterial disease by removing plaques from artery walls. So chelation is like a bouncer at a nightclub, locating unwanted patrons and escorting them out the door.

Now here’s the catch: In spite of the FDA approval to use this therapy on children, the medical mainstream CAN’T recognize the effectiveness of chelation in treating autism because that would amount to an official recognition of one of the suspected causes of autism: mercury toxicity from the vaccine preservative thimerosal"

[Egill Óskarsson, 1.3.2011 kl. 16:49]

Disclaimer neðst á síðunni:

Health Disclaimer! The information provided on this site should not be construed as personal medical advice or instruction. No action should be taken based solely on the contents of this site. Readers should consult appropriate health professionals on any matter relating to their health and well-being. The information and opinions provided here are believed to be accurate and sound, based on the best judgment available to the authors, but readers who fail to consult appropriate health authorities assume the risk of any injuries. The publisher is not responsible for errors or omissions.

Ekki er þetta nú traustvekjandi.

[Hjörtur Brynjarsson (IP-tala skráð) 1.3.2011 kl. 16:54]

Þessi stofnun er ekki alvöru vísindastofnun - þetta er samsæriskenningabull sem á sér enga stoð í raunveruleikanum og þeir hálf-viðurkenna það sjálfir.

Á heimsíðu þessarar stofnunnar má finna:

Health Disclaimer!

The information provided on this site should not be construed as personal medical advice or instruction. No action should be taken based solely on the contents of this site. Readers should consult appropriate health professionals on any matter relating to their health and well-being. The information and opinions provided here are believed to be accurate and sound, based on the best judgment available to the authors, but readers who fail to consult appropriate health authorities assume the risk of any injuries. The publisher is not responsible for errors or omissions.

Hættið að haga ykkur eins og litlir kjánar og hoppa á ''the band-wagon of the unbelievable'' í hvert sinn sem einhver pappakassi á netinu segir að sítróna eða blaðlaukur lækni krabbamein og hryggskekkju. Ef þetta væri svona 10,000 sinnum æðislegra þá væri fólk um allan heim að nota þetta til að sigrast á krabbameinum og ættingjar lækna myndu ekki leyfa mökum sínum og börnum að deyja til að þegja yfir einhverju lyfjasamsæri.

Þetta er ekki að gerast af því þetta virkar ekki svona.

Þetta er jafn gáfulegt og hómópatía, heilun og reiki.

Grow up people!!

[Hörður Þórðarson, 1.3.2011 kl. 21:01]

"Hvers vegna fer fólk í rándýrar lyfjameðferðir með ömurlegum aukaverkunum af öllu tagi þegar svo auðvelt er að verjast allskonar sjúkdómum,  þar á meðal krabbameini,  á ódýran og einfaldan hátt?"

Vegna þess að þá myndu lyfjafyrirtæki tapa stór fé. Auk þess hefur myndast krabbameins ransóknar iðnaður sem myndi líða undir lok. 

Veltu þessu dæmi fyrir þér. Risavaxin stofnun hefur hundruð sérfræðinga starfandi á sínum vegum og fær marga milljarða á ári til að reyna að finna lækningu við krabbameini. Síðan kemur einhver náungi og segir öllum sérfræðingunum að nú skuli þeir bara fara heim og hætta þessu vegna þess að nóg sé að fá sér bara sítrónu. Heldur þú að þessi náungi verði mjög vinsæll? Ég held ekki.

[Rebekka, 1.3.2011 kl. 23:28]

Hörður, ef það væri nóg að fá sér sítrónu gegn krabbameini, heldurðu þá ekki að vondu lyfjafyrirtækin væru fyrir löngu búin að útvega sér einkaleyfi fyrir sítrónurækt og seldu sítrónumeðferðir til krabbameinssjúklinga dýrum dómum?

Eða eins og Xkcd sagði í The Economic Argument. 

[Hörður Þórðarson, 2.3.2011 kl. 01:58]

"Hörður, ef það væri nóg að fá sér sítrónu gegn krabbameini, heldurðu þá ekki að vondu lyfjafyrirtækin væru fyrir löngu búin að útvega sér einkaleyfi fyrir sítrónurækt og seldu sítrónumeðferðir til krabbameinssjúklinga dýrum dómum?"

Nei. Það getur enginn útvegað sér einkaleyfi fyrir sítrónurækt. Þess vegna hafa lyfjafyrirtæki engan áhuga á þess háttar lausnum.  Skiptir engu máli hvort þær virka eða ekki.

Tilgangur þessara fyrirtækja er að græða peninga. Ekki að lækna fólk.

[doctore (IP-tala skráð) 2.3.2011 kl. 08:53]

Það ku vera best að fara með bænir ásamt því að standa á höndum og skíta á bakið á sér.

[Guðrún Emilía Guðnadóttir, 2.3.2011 kl. 14:02]

Ja hérna, það er aldeilis, ætli gud sé nú ekki að meina að okkur beri að lifa heilbrygðu lífi og sítrusávextir eru afar góðir til að bæla hinum ýmsu sjúkdómum burt, einnig eru tómatar,brocoli og svo margt annað.

Ásthildur vinkona mín kemur inn á magnesíum og er það lífsnauðsynlegt fyrir okkur ásamt D-vítamíni, hún segist taka magnesíum töflur, en ég tek 3 matsk. af hveitikím út í AB mjólkina á hverjum morgni ásamt því að dassa því á alla mögulega hráfæðis og grænmetisrétti.

Magnesíum er talið eitt af topp tíu fæðutegundum heims úr því færðu eiginlega allt sem þú þarft, 'Eg bloggaði um þetta fyrir stuttu.

En þetta er eilífðar umræðuefni.
Góðar stundir

[Jens Guð, 2.3.2011 kl. 21:42]

  Tinna,  það er ástæða til að umgangast þetta með gagnrýnum huga.

[Jens Guð, 2.3.2011 kl. 21:44]

  Egill,  það þarf að hafa í huga að þetta er bandarísk netsíða.  Kæruglaðir með lögfræðingastóð á báðum öxlum bíða við hvert fótmál eins og hugraðir úlfar.

[Jens Guð, 2.3.2011 kl. 22:12]

  Hjörtur,  ég tek undir að hómópatía (næstum yfir heilu línuna),  heilun og reiki sé meira en lítið varhugavert dæmi.  Heilun og reiki eru sannarlega bull.  Um það þarf ekki að deila.  Það má alveg vera að ofmælt sé að sítróna sé 10.000 sinnum kröftugri í baráttu gegn krabbameini en helstu krabbameinslyf.  Samt er ástæða til að skoða betur eða gefa gaum að virkum efnum sítrónunnar.  Við vitum þegar að sítrónan er sannanlega betri en ekkert til að hindra matareitrun af sjávarréttum.  Sömuleiðis er sítrónan góð við hálsbólgu,  kvefi,  flensu og þess háttar.  Einnig hefur verið minnst á edik sem virkar vel varðandi margt.

  Fyrir 15 árum eða svo fékk ég ofnæmi fyrir heimilishundinum.  Alltaf þegar hundurinn var með mér í bíl þegar ekið var um langan veg bólgnaði hálsinn á mér og ég fékk nefrennsli og fleiri óþægindi.  Ég fót til ofnæmislæknis í Glæsibæ.  Hann lét mig fá töflur sem slógu eldsnöggt á einkennin.  Nokkrum dögum síðar hitti ég bandarískan indíána sem gengur undir nafninu David indíánalæknir og hefur verið til ráðgjafar í heilsubúðum.  Hann sagði mér að henda í hvelli ofnæmistöflunum.  Þær gerðu ekki annað - að hans mati - en halda niðri einkennum.  Áframhaldandi inntaka á þeim myndi hinsvegar ekki lækna neitt heldur einungis halda niðri einkennum.  Til lengri tíma myndu ofnæmispillurnar einungis veikja varnakerfi líkamans.

  David ráðlagði mér að kaupa kaupa undir eins safapressu og hefja hvern morgun á að drekka á fastandi maga ferskan rauðrófusafa.  David lofaði mér því að innan 2ja vikna myndi ofnæmið hverfa.  Þetta stóð heima.   Ofnæmið hvarf eins og dögg fyrir sólu.

  David þessi fékk 18 ára gamall krabbamein og úrskurð um að hann ætti 2 ár eftir ólifuð.  Þá lagðist hann yfir gömul indíánafræði um allt sem snéri að krabbameini.  Þar fann hann uppskrift eða þekkingu á því hvernig hægt væri að sigrast á krabbameininu.  Hann náði heilsu og lifir góðu lífi í dag.  Síðan hefur hann unnið við að miðla af þessari þekkingu sinni og ég þekki mörg dæmi þess að hann hefur bjargað lífi krabbameinssjúklinga.  

[Jens Guð, 2.3.2011 kl. 22:13]

  Hörður (#27),  góðir punktar. 

[Jens Guð, 2.3.2011 kl. 22:17]

  Rebekka,  mörg stór lyfjafyrirtæki hafa í áranna rás orðið uppvís af því að starfa út frá siðblindu sem gengur út á að velja leið hámarksgróða fremur en allt annað.

[Jens Guð, 2.3.2011 kl. 22:18]

  Hörður (#29),  nákvæmlega.

[Jens Guð, 2.3.2011 kl. 22:23]

  DoctorE,  ég kannast við kenninguna um að bænir og allskonar gól til engla,  guða og Maríu mey (með tilheyrandi talnabandsritúali) eigi að vera öllum öðrum bjargráðum fremri.   

[Jens Guð, 2.3.2011 kl. 22:23]

  Guðrún Emilía,  ég þarf að tékka betur á magnesíum.