Hver er munurinn?

  Í fréttum dagblaða og ljósvakamiðla hefur margsinnis verið tuggin frétt af áframhaldandi gæsluvarðhaldi yfir manni sem grunaður er um að taka við og stunda veglega og huggulega verslun með  þjófstolna  muni.  Orðið skýrir sig ljómandi vel sjálft.  Steluþjófar hafa verið að verki.  Þeir hafa stolið hlutunum. 

  Hverjir aðrir en þjófar stela hlutum - fyrst að tekið er fram að um þjófstolna hluti sé að ræða en ekki bara stolna?  Það er brýnt að fá upplýsingar um það svo hægt sé að vara sig á því fólki.  Ætli það séu einhverjir með þýfi falið í útlendum bönkum?  Og hvaða hlutir eru stolnir af öðrum en þjófum?  Peningar í bönkum?   

.

Talinn versla með þjófstolna muni

Athugasemdir

[Sigurður I B Guðmundsson, 28.2.2011 kl. 22:56]

Má ég þá frekar biðja um kallinn sem reddar öllu heldur en kallinn sem stelur öllu.

[Grefill (IP-tala skráð) 28.2.2011 kl. 23:53]

Það evar mikið að einhver hafði frumkvæði af því að aðgreina þjófstolna muni frá munum sem heiðarlegt fólk stelur. Hið fyrra er glæpur en það seinna er misskilningur, í versta falli mistök.

[Jens Guð, 1.3.2011 kl. 00:05]

  Sigurður I.B.,  gott að þú minnir mig á þetta.  Nú fer ég að taka syrpur með kallinum sem reddar öllu.

[Jens Guð, 1.3.2011 kl. 00:06]

  Grefill,  mæl þú manna heilastur!

[Flosi Kristjánsson, 1.3.2011 kl. 21:21]

Svo er hægt að stela kossi! Er sá aðili steluþjófur sem þá iðju stundar?

Þjófstolnir munir eru náttúrlega þýfi og þarf ekki að þýfga það frekar!

Menn missa sig stundum í nákvæmninni eins og ungi útvarpsfréttamaðurinn sem greindi frá heitum hverum í frétt sinni, og fékk fágæta athugasemd frá Pétri Péturssyni í beinni. Sá gamli bara gat ekki orða bundizt.

[Tobbi (IP-tala skráð) 3.3.2011 kl. 13:53]

Þótt það virðist kannski óþarfi að tala um heita hveri má minna á vísuna eftir Rósu Guðmundsdóttur sem byrjar svo:  Þó að kali heitan hver, etc.  Og þjófstolinn er ævagamalt orð í málinu; elsta dæmið hjá Orðabók Háskólans er frá 1592, og hefur verið notað allar götur síðan.