Áhugaverðar gestabókarfærslur

  Í síðustu viku var ég veðurtepptur vestur á fjörðum í nokkra daga.  Það var bara gaman.  Kafaldsbylur og "kósý".  Að vísu var ekki margt hægt að gera undir þeim kringumstæðum.  Ég hélt mig innan dyra á notalegu gistiheimili;  hlustaði á útvarp,  horfði á sjónvarp,  sötraði kakó og las gestabók.  Það er gaman að lesa gestabækur á gistiheimilum landsins. 

  Miðaldra og eldra íslenskt ferðafólk er duglegt að skrá hvernig veðrið var er það mætti á staðinn;  hvernig veðrið var á meðan á dvöl stóð og hvernig veðrið var daginn sem það hélt á brott.  Svona gestabækur eru gullnáma fyrir áhugasama um veður síðustu ára.  Fyrir aðra eru þannig gestabókarfærslur einhæfar.  Það er yfirleitt frekar kalt og snjór yfir vetrartímann.  Á sumrin skín sól á milli þess sem rignir.

  Þetta sama fólk kvittar fyrir að gistihúsið sé notalegt,  hreint og snyrtilegt.  Það er gott að fá staðfest að manns eigin skynjun á gistihúsinu rími við upplifun annarra.

  Miðaldra og eldri útlendir túrhestar láta sig veðrið varða,  eins og þeir íslensku.  En aðallega virðast þeir undrast kuldann.  Hér eru dæmigerð sýnishorn:

  "I didn´t really expect this coldness in Iceland."

    Yuko from Japan

   "I give a lot of props to Icelanders for coping with the weather and driving condition."

    Benny,  Canada

   "Iceland sure is cold (+ windy)."

   Maggie & Will,  Detroit,  Michigan,  USA

  Gestabókarfærslur ungra ferðalanga eru skemmtilega frábrugðnar.  Þeir virðast hugsa um eitthvað allt annað en veðrið og ástand gistihússins.  Hér eru 3 sýnishorn:

  "Þetta reddast eftir að okkur var hent út af hótelinu."

    Jón M. Jónsson 050884-xxxx 

  "I was thrilled by the state of the women in Icefjord.  They are wild.  I´m no longer a virgin."

    Nick Sullenberger

 "We´ve just arrived here 4 girls.  We´ve discovered in "the only one club" from here that in Iceland only exist a lot of sheeps and some boys and the 4 of us."

    Clara,  Barcelona

 

Athugasemdir

[Ásdís Sigurðardóttir, 22.3.2011 kl. 12:55]

magnað, takk fyrir að deila þessu

[Hjördís Andrésdóttir (IP-tala skráð) 22.3.2011 kl. 18:53]

Snilld :)

[Sigurður I B Guðmundsson, 22.3.2011 kl. 21:10]

Ekki sama að dvelja á íslensku gistiheimili eða erlendu hóteli?

[Jens Guð, 22.3.2011 kl. 22:01]

  Ásdís,  takk fyrir innlitið.

[Jens Guð, 22.3.2011 kl. 22:03]

  Hjördís,  mér þótti broslegt að fletta í gegnum gestabókina.  Ég sendi þér póst á morgun eða svo. 

[Jens Guð, 22.3.2011 kl. 22:04]

  Sigurður I.B.,  ég hef aldrei séð gestabók í erlendu hóteli.

[Sigurður I B Guðmundsson, 22.3.2011 kl. 22:26]

Þetta var dálítið langsótt hjá mér. Sjá bloggið "kvikmyndaumsögn". Næst skal ég ekki vera svona langsóttur!!!!

[Jens Guð, 22.3.2011 kl. 23:32]

  Sigurður I.B.,  ég kveikti ekki á perunni.  Takk fyrir að ábendinguna.