Óvenjulegt töfrabragð

  Ég kom við í Melabúðinni í dag til að kaupa mér Malt.  Þegar ég yfirgaf búðina stóð háaldraður maður aleinn með staf á gangstéttinni og virtist eiga erindi yfir Hofsvallagötuna.  Hann stóð við gangbrautina.  Bílaumferð var þung í báðar áttir.  Enda hádegistími.  Sá gamli skipaði höstuglega með hásri og kraftlítilli gamalmannsröddu:  "Stoppið!  Leggið bílunum!  Hleypið mér yfir götuna!  Stoppið!  Leggið bílunum!  Ég krefst þess að þið stoppið þegar í stað!  Leggið bílunum,  segi ég!"

  Það var eins og við manninn mælt.  Þó bílstjórarnir í bílunum hafi áreiðanlega ekki heyrt í þeim gamla þá stoppuðu þeir.  Allir sem einn.  Þetta voru töfrabrögð.

  Kannski hjálpaði að þarna eru umferðarljós sem skiptu um lit í sama mund.  Að minnsta kosti virtist það ekki skemma fyrir.  

Athugasemdir

[Gunnar Th. Gunnarsson, 28.4.2011 kl. 00:08]

[Jóna Kolbrún Garðarsdóttir, 28.4.2011 kl. 00:23]

[Ásthildur Cesil Þórðardóttir, 28.4.2011 kl. 01:00]

[Röggi (IP-tala skráð) 28.4.2011 kl. 04:23]

Sennilegast þykir mér, Jens minn, að þarna hafi verið á ferðinni enginn annar en Guð almáttugur. Það er hann sem kveikir á græna kallinum og hjálpar þar með þeim sem hjálpa sér sjálfir, eins og sá gamli var að gera í þínu tilfelli. Þetta sannar líka að Guð er alls staðar, jafnvel fyrir utan Melabúðina, enda kveikir hann á grænum köllum um allan heim á sama tíma og sýnir um leið ást sína á okkur mannfólkinu. Vissulega kalla sumir þetta "töfrabrögð" en fyrir okkur hin sem hugsum skynsamlega og vitum betur þá er Guð einfaldlega að bænheyra okkur þegar hann kveikir á þeim græna.

[Ómar Ingi, 28.4.2011 kl. 07:48]

[Ómar Ingi, 28.4.2011 kl. 21:54]

http://ommi.blog.is/blog/ommi/entry/1162945/

Allt myndbandið , you Gonna LIKE

[Jens Guð, 29.4.2011 kl. 20:42]

  Gunnar Th.,  takk fyrir innlitið.

[Jens Guð, 29.4.2011 kl. 20:42]

  Jóna Kolbrún,  takk fyrir innlitið.

[Jens Guð, 29.4.2011 kl. 20:43]

  Ásthildur,  takk fyrir innlitið.

[Jens Guð, 29.4.2011 kl. 20:44]

  Röggi,  takk fyrir þetta skemmtilega innlegg.

[Jens Guð, 1.5.2011 kl. 13:55]

  Ómar Ingi,  takk fyrir myndbandið.  Þetta eru snillingar.