Allt í rugli í Eyjum

  Fyrir mörgum árum tók Fíknó upp á því að fylgjast með gestum þjóðhátíðar í Vestmannaeyjum.  Það var furðulegt uppátæki.  Fíkniefnaneysla hafði ekki verið til verulegra vandræða í Vestmannaeyjum,  svona almennt.  Almenningur varð lítið var við fíkniefnasölu og dópneyslu.  Þetta breyttist þegar Fíknó fór að skipta sér af.  Það var eins og Fíknó nærðist á að vandamálið væri til staðar og reyndi að ýta undir dópneyslu frekar en hitt.  Því miður virðist sem nærvera Fíknó magni upp vandamálið.  Tilfellin verða alltaf fleiri og stærri þar sem Fíknó er.

  Þetta sama gerðist mörgum árum áður þegar umferðarlögregla tók til starfa í Vestmannaeyjum.  Fram að þeim tíma varð almenningur lítið var við ólöglegan ökuhraða,  ölvunarakstur og önnur umferðarlagabrot.  Það breyttist heldur betur þegar umferðarlögreglan fór að skipta sér af.  Það er eins og umferðarlögreglan nærist á að vandamálið sé til staðar og reyni að ýta undir umferðalagabrot frekar en hitt.  Því miður virðist sem nærvera umferðarlögreglunnar magni upp vandamálið.  Tilfellin verða alltaf fleiri og stærri þar sem umferðarlögreglan er.

 

  Þarna voru næstum engin vandræði fyrr en lögreglan mætti á svæðið.  Þá undir eins drap bíll á sér úti á miðri götu.  Það var ekki einkennileg tilviljun að það var einmitt löggubíllinn. 

Athugasemdir

[Óli minn, 9.5.2011 kl. 02:17]

Ég var einmitt að velta þessu sama fyrir mér. Eða svipuðu. Hefurðu ekki tekið eftir því í gegnum árin að hér fer allt í bál og brand og allt er í volli þegar Alþingi er að "störfum" eða hvað það er kallað sem þeir gera Alþingismennirnir? En um leið og þeir fara í sumarfrí og jólafrí og haustfrí og síðvetrarfrí ... og hvað þau heita öll þessi frí þá dettur allt í dúnalogn og þjóðfélagið fer að fúnkera eins og manni finnst það eigi að vera. Þetta sést best í ísbúðum og í nánd við þær. Þegar Alþingi starfar á enginn pening og allir eru að fara á hausinn og allir bölva útrásarvíkingunum og Davíð og Þorgerði og Guðlaugi og sægreifunum og öllum hinum og enginn kaupir sér ís af því enginn á pening. En um leið og Alþingi fer í frí eiga allir allt í einu pening fyrir ís og við sjáum sleikjandi tungur út um allt og andlit sem ljóma af einskærri hamingju. Ég sé ekki betur en að lausnin á vandanum sé að Alþingismenn fari oftar í frí.

[doctore (IP-tala skráð) 9.5.2011 kl. 12:36]

Og þessar helv björgunarsveitir... óþolandi síðan þær voru stofnaðar.
Sígarettur voru líka mjög hollar allt þar til menn fóru að skoða og varpa út rannsóknum, meira að segja mæltu læknar með að fólk reykti.

Ef aðeins við hefðum meira af fávitum eins og þennan þarna í eyjum.. Take that back, okkur er einmitt stjórnað af slíkum fávitum.

[Óskar Þorkelsson, 9.5.2011 kl. 18:40]

stígamót eru sama marki brenndar

[sæunn (IP-tala skráð) 9.5.2011 kl. 19:33]

jamm ótrúlegur asskoti svo fer allt í bál og bran þar sem slökkvulið eru staðsett merkilegt hvað margir þrífast á vandamálum 

[Hrönn Sigurðardóttir, 9.5.2011 kl. 20:27]

hahaha góður!

[Jens Guð, 9.5.2011 kl. 20:36]

  Þinn Óli,  mæl þú manna heilastur!

[Jens Guð, 9.5.2011 kl. 20:37]

  DoctorE,  ég tek undir þessi orð þín.

[Jens Guð, 9.5.2011 kl. 20:37]

  Óskar,  mér skilst það.

[Jens Guð, 9.5.2011 kl. 20:38]

  Sæunn,  nákvæmlega!

[Jens Guð, 9.5.2011 kl. 20:38]

  Hrönn,  takk fyrir innlitið.

[Tryagain (IP-tala skráð) 9.5.2011 kl. 21:46]

Þarna í eyjum er misskilingurinn sá , svo að stígamóta fólk skilji og ef að  við setjum  eldsvoða  í staðinn fyrir kynferðislegt áreiti . þá liti þetta svona út   ; Það er ekkert slökkvilið á staðnum en allt fullt af fullgildum brunavörðum sem geta tekið á málunum .Þarna var allt reynt til að geðjast Stígamótum , en ekkert var víst nógu gott segir meira að segja Lögreglan á svæðinu . ?

[Jens Guð, 9.5.2011 kl. 22:01]

  Tryagain,  löggan er einmitt vandamál þarna.  Það er eins og löggan nærist á að vandamálið sé til staðar og reyni að ýta undir lögbrot frekar en hitt.  Því miður virðist sem nærvera löggunnar magni upp vandamálið.  Tilfellin verða alltaf fleiri og stærri þar sem löggan er.

 

[Tryagain (IP-tala skráð) 9.5.2011 kl. 23:19]

Það er þá aðflutt vandamál , þar sem megin þorri löggæslumanna kemur ofan af landi eins og Stígamót , og svo blómstrar þau saman í Dalnum á meðan 14.þúsund manns eru að reyna að skemmta sér . Kannski hafa þau betri aðgang að fjölmiðlum í Eyjum og á Halló Akureyri en annar staðar á landinu , hvur veit . Góðar stundir .

[Jens Guð, 9.5.2011 kl. 23:25]

  Tryagain,  þetta er algjörlega aðflutt vandamál.  Fjölmiðlar eru einnig vandamál.  Það er eins og fjölmiðlar nærist á að vandamálið sé til staðar og reyni að ýta undir lögbrot frekar en hitt.  Því miður virðist sem nærvera fjölmiðla magni upp vandamálið.  Tilfellin verða alltaf fleiri og stærri þar sem fjölmiðlar eru.  Það voru aldrei vandamál með kantsteina og mútur í Eyjum fyrr en fjölmiðlar fóru að skipta sér af. 

[Óskar Þorkelsson, 10.5.2011 kl. 09:06]

löggan á ísafirði fyrir 30 árum eða svo hafði þann vanan á að þegar loðnuflotinn var í landi á ísafirði eða í bolungarvík og menn slógust út um allar grundir.. að standa til hlés og bíða eftir að menn þreittust og handtóku þá sem orðið höfðu undir því þeir voru meðfærilegri svona rotaðir og fínir.. svo var liðið keyrt um borð í sitt skip næsta dag..

[Jens Guð, 10.5.2011 kl. 12:30]

  Óskar,  þetta var lagið.  Þetta mættu lögregluþjónar víðar á landinu taka sér til fyrirmyndar.

[Tryagain (IP-tala skráð) 10.5.2011 kl. 23:04]

Ósk um samstarf ekki sinnt

Í Fréttum segir Georg Kr. Lárusson, þáverandi sýslumaður í Vestmanna­eyjum, að tölur um níu kynferðisbrot á þjóðhátíð 1994 standist ekki.

Í viðtalinu er vitnað í tölur frá Stígamótum um 20 kynferðisaf­brota­mál, þar af 11 gömul. Aðeins eitt kom til kasta lögreglu að sögn Georgs og var það dregið til baka. „Á þjóðhátíðinni í fyrra fengu Stígamótakonur alla þá aðstöðu sem þær báðu um. Einnig óskaði lög­reglan eindregið eftir samstarfi en þær höfðu aldrei samband.

http://www.eyjafrettir.is/frettir/2011/05/05/trunadarbrestur_vard_1994