Furðulegar ljósmyndir

  Það er ekki alltaf gott að átta sig á hvað er í gangi þegar sumar myndir eru skoðaðar.  Þetta eru einhverskonar furðumyndir.

 

 Þarna hefur orðið umferðaróhapp.  Svo virðist sem virðuleg miðaldra kona hafi verið að keyra í mestu makindum á - að því er virðist - rafknúnum barnabíl.  Fyrir klaufaskap hefur hún keyrt niður grindverk sem umlykur skurð.  Og með það sama eru bíllinn og frúin komin ofan í skurðinn. 

  Hér erum við stödd við kistulagningu.  Nánasti aðstandandi látnu konunnar er eðlilega sorgmæddur á svip og gráti nær.  En hvers vegna gefur hann sigurmerki með puttunum?

  Hvað er krakkaskrattinn að gera?  Er hann að lauma spegli eða myndsíma undir pilsi konunnar?

  Ég átta mig á ekki hvað er í gangi.  En þetta er eitthvað skrýtið.

  Ennþá fleiri spurningamerki:  ???

  Smákrakki skoðar gínu í búðarglugga.  Þeir geta verið forvitnir,  þessir grislingar.

Athugasemdir

[Vilhjálmur Stefánsson, 24.5.2011 kl. 23:21]

Hún er alsæl með sig þarna..Er hún með nesti í fanginu?....

[Sæmundur Bjarnason, 25.5.2011 kl. 01:47]

Krakkabíll held ég að þetta sé ekki sem konan í skurðinum hefur verið á. Sætið er ofaná honum og svona farartæki eru víða algeng og henta þeim ágætlega sem erfitt eiga um gang. Líklega hefur hún verið að koma úr innkaupaleiðangri og getur ekki staðið upp sjálf. Hjólin á farartækinu hafa sennilega farið útaf gangstéttinni áður en þau lentu á grindverkinu. Þeim sem tók myndina hefði verðið nær að hjálpa til.

[Jack Daniel's, 25.5.2011 kl. 06:58]

Þeir sem hafa ferðast um evrópu hafa séð mikið af svona tækjum sem konan situr á á mynd 1. Margir eldri borgarar og þeir sem eru fatlaðir nota svona farartæki en þetta er rafknúið og svipað breitt og hjólastóll þannig að fólk getur keyrt um verslanir á þessu sem dæmi. Hleðslan í þessu endist upp undir 10 tíma ef spart er farið. Það eru 2 eða 3 svona tæki í þeim littla bæ þar sem ég bý og fólk fer hiklaust í næsta bæ til að versla sirka 7 km fram og til baka og þetta nær um 25 km hraða þegar best lætur.

[Óskar Þorkelsson, 25.5.2011 kl. 09:10]

pabbi er með svona farartæki í reykjavík.. hvar hafið þið alið manninn :D

[Jens Guð, 26.5.2011 kl. 18:52]

  Vilhjálmur,  ég hef grun um að hún sé bæði með nesti og í nýjum skóm.

[Jens Guð, 26.5.2011 kl. 18:53]

  Sæmundur, takk fyrir þessar upplýsingar.

[Jens Guð, 26.5.2011 kl. 18:54]

  Jack Daniel´s,  takk fyrir þetta.  Mig er farið að langa í svona tæki.

[Jens Guð, 26.5.2011 kl. 18:55]

  Óskar,  ég hef aðallega alið manninn á barnum.  Þar sést ekki svona græja.