Óvenjulegir legsteinar

6.6.2011 | 23:16

Íslendingar eru alvörugefnir þegar kemur að legsteinum. Enda kannski ekki tilefni að grínast og galsast. Sú er þó raunin í útlöndum. Ekki síst í Bandaríkjum Norður-Ameríku. Þar er iðulega brugðið á leik í léttum dúr. Hér eru nokkur dæmi:

Hér er legsteinninn nákvæm eftirlíking af stofu hins látna. Það er eiginlega spurning hvort rétt sé að kalla þessa stórbrotnu skreytingu legstein.

Ef vel er að gáð þá er legsteinninn skreyttur einskonar krossgátu eða "scrabble". Efst til vinstri stendur "young" (lóðrétt) og "son" (lárétt). Út frá g (í "young") stendur "gentle" (lárétt). Niður á t (í "gentle") stendur "foot" (lóðrétt). Og svo framvegis.

Þarna hefur verið komið fyrir eftirlíkingu af þremur bjórdælum, eins og notaðar eru á börum.

"Mamma elskar pabba - Pabbi elskar konur. Mamma stóð pabba að verki með 2 í sundi. Hér hvílir pabbi"

"Í minningu Dougs"

Meginflokkur: Spaugilegt | Aukaflokkar: Lífstíll, Menning og listir, Spil og leikir | Breytt 7.6.2011 kl. 00:33 | Facebook

Athugasemdir

Góð hugmynd, ætli maður ætti ekki frekar að setja skilyrði um hvernig legstein maður vill en að fylla út erfðarskrá

Ásthildur Cesil Þórðardóttir, 6.6.2011 kl. 23:21

Ég kann ótal sögur sannar sögur um legsteina, enda vann ég sem sölustjóri legsteina eitt árið. Ein er af manni sem var búinn að kaupa sinn stein og árita, allt nema að sjálfsögðu dánardaginn. "Hér hvílir einn af Íslands bestu sonum" .. var áletrunin.

(Þetta tíðkast sums staðar erlendis, þ.e.a.s. að fólk er búið að ganga frá sínum legsteini fyrirfram og lætur geyma hann)

Í annað skipti kom kona og kvartaði, því að henni fannst steinninn líta út eins og getnaðarlimur!!.. (smá klikk þar í gangi) ..

Svo voru það allir ættingjarnir sem fóru í hár saman, vegna ákvarðanatöku um steintegund, áletrun, hvernig lugt, vasi o.s.frv. - nefnið það ekki ógrátandi!!!. Svo ég mæli með því að fólk hreinlega sé búið að velja sína steina ef það er von á slíku í fjölskyldunni, til að hlífa legsteinasölufólki.

Jóhanna Magnúsdóttir, 6.6.2011 kl. 23:32

Á mínum legstein stendur:

Hér hvílir maður sem mátti ekki vam sitt vita.

(Þannig heldur maður áfram að fara í taugarnar á öllum löngu eftir að maður er dauður)

Óli minn, 6.6.2011 kl. 23:47

Á mínum mun ztanda...

'Hér undir hvílir þungur maður, því er þetta bjarg hér..'

Steingrímur Helgason, 6.6.2011 kl. 23:58

Ég kom til þín Jóhanna og ætlaði að kaupa fugl,sem er á fjöldanum öllum af legsteinum, nú fást þeir hvergi. En svart letrið á mörgum steinum máist af. Hér kveður Helga að sinni