Íslendingar skora hátt á lista yfir bestu músíkmyndbönd sögunnar

  Söluhæsta breska rokkblaðið New Musical Express hefur birt lista yfir 100 bestu músíkmyndbönd sögunnar.  Íslenskir tónlistarmenn tróna þar í efstu sætum.  New Musical Express er áhrifamikið rokkblað.  Er meðal annars selt í helstu blaðastöndum í Bandaríkjunum.  Þessi músíkmyndbönd eru í efstu sætum á listanum yfir þau 100 bestu:

 

1   Johnny Cash:  Hurt

2   Radiohead:  Just

3   Chris Isaak:  Wicked Game

4   Soundgarden:  Black Hole Sun

5   Björk:  All Is Full of Love

6   Foo Fighters:  Everlong

7   Weezer:  Buddy Holly (eftir Spike Jones)

8   Beastie Boys:  Sabotage (eftir Spike Jones)

9    Sigur Rós:  Viðrar vel til loftárása (eftir Árna & Kinski)

10  The Prodigy:  Smack My Bitch Up (eftir Jónas Äkerlund)

11  Hole:  Doll Parts

12  The Horrors:  Sheena Is A Parasite

13  M.I.A.:  Born Free

  Myndbandið við "Born Free" hefur verið bannað.  Hægt er að finna útþynntar útgáfur af því á þútúbunni.  Í myndbandinu eru rauðhærðir ofsóttir,  sem tákn fyrir þá sem eru ofsóttir vegna kynþáttar,  trúar,  skoðana og svo framvegis.  Lagið er flott og töluvert Bjarkar-legt (Declare Indipendence).

14  Vampire Weekend:  A-Punk

15  OK Go:  This Too Pass

76  Björk: It´s Oh So Quiet (eftir Spike Jones)

  Svo fann ég þetta furðulega myndband á netsíðu New Musical Express:

http://www.nme.com/awards/video/id/LP1MnlmpCjU/search/g%C3%BAd

  Það útskýrir hvers vegna ég hef verið að fá fyrirspurnir héðan og þaðan frá útlöndum.  Einhverra hluta vegna er þetta ekki á lista NME yfir bestu myndböndin.

  Spike Jones á til viðbótar myndband #16,  Praise You með Fatboy Slim,  og nokkur önnur.  Annar áberandi er sænski trommuleikarinn Jónas Åkerlund.  Eins og Spike Jones er hann margverðlaunaður á Grammy og út um allt.

Athugasemdir

[hilmar jónsson, 5.7.2011 kl. 00:47]

Soundgarden myndbandið er eitthvað það fríkaðasta sem ég man eftir, en lagið flott.

Johnny Cash fannst mér alltaf óspennandi tónlistarmaður en tókst þó sennilega best upp í cover lögunum. Hurt myndbandið er reyndar flott.

[Jens Guð, 5.7.2011 kl. 01:52]

  Jón Reiðufé átti um margt merkilegan feril.  Og óvenjulegan.  Hann var ofurkristinn,  eins og oft má sjá og heyra á sjónvarpsstöðinni Omega.  Dópisti og það sem kalla má "rebel".  Flottur baritón söngvari.  Hann var alltaf í uppreisn.  Sennilega var hann fyrsta ofurfræga poppstjarna til að taka upp baráttu gegn mannréttindabrotum.  Hann vakti skeleggur athygli á vondri meðferð á indíánum.  Hann fór fremstur í flokki í baráttu gegn því að aflétta banni á skemmtikröftum á svarta lista þeirra sem bandarísk yfirvöld skilgreindu sem kommúnísta.  Það var meiriháttar mál í upphafi sjötta áratugarins í Bannríkjum Norður-Ameríku.  Hann lagði feril sinn undir með því að sniðganga svarta listann þegar hann stýrði vinsælum sjónvarpsþætti. Hann braut þennan bannlista á bak aftur.  Það var ekki lítið dæmi á sínum tíma.  Ferill hans vóg salt.  Ekki síður en þegar hann gerðist baráttumaður fyrir málstað indíána.  Í dag hljómar þetta léttvægt dæmi en var á sínum tíma alvöru "rebel". 

[Jens Guð, 5.7.2011 kl. 01:56]

   Til viðbótar var Jón Reiðufé í hópi fyrstu tónlistarmanna til að gagnrýna hernað Bandaríkjanna í Vietnam. 

[Gunnar (IP-tala skráð) 5.7.2011 kl. 08:41]

Það er alltaf gaman af því að hlusta á út úr spíttaða trúboða

[hilmar jónsson, 5.7.2011 kl. 11:19]

Það sem ég síðan gleymdi: Auðvitað er Björk vel að því komin að vera á þessum lista: Frumleg myndbönd og frábær lög..

[Ásdís Sigurðardóttir, 5.7.2011 kl. 11:20]

No. 3 Chris, er mitt uppáhalds af þessum lögum.

[Anna (IP-tala skráð) 5.7.2011 kl. 15:06]

Auðvitað rígmontin af Björk og Sigurrós, en langar að blanda mér í peninga-umræðuna, nefnilega afskaplega sammála því að Johnny Cash skorar hæst í Cover lögum og þar er fremst meðal jafningja One, U2 coverið, skemmtilegast að hlusta á U2 fyrst og síðan Cash með sama lag.

[Jens Guð, 5.7.2011 kl. 21:05]

  Gunnar,  það er gaman.  Og það góða er að það er enginn skortur á þeim.

[Jens Guð, 5.7.2011 kl. 21:06]

  Hilmar,  myndbönd hennar hafa undirstrikað hversu frumleg og skapandi hún er sem tónlistarkona.

[Jens Guð, 5.7.2011 kl. 21:09]

  Ásdís,  myndbandið er flott en ég veit ekki af hverju það er svona stutt. 

[Jens Guð, 5.7.2011 kl. 22:16]

  Anna,  Jón Reiðufé samdi hlutfallslega fá af þeim lögum sem hann söng inn á plötur.  Á mörgum plötum hans eru einungis krákur (cover songs).  Á öðrum eru kannski 2 - 3 lög frumsamin á 12 laga plötu.  Aftur á móti var hann stundum skráður höfundur eldri laga,  svokallaðra þjóðlaga.

  Frumsömdu lögin voru framan af ferlinum hans vinsælustu lög engu að síður.  Þar af "I Walk The Line".  Svo tók hann saman við June Carter,  sem samdi lög eins og "Ring of Fire".

[Sverrir (IP-tala skráð) 6.7.2011 kl. 01:46]

Sökum innihalds er Born Free bannað vissum og aldurshópi og þú þarft að vera innskráður á YT til að sjá það.

http://www.youtube.com/watch?v=IeMvUlxXyz8

[Sverrir (IP-tala skráð) 6.7.2011 kl. 01:47]

Eins og einu „og“ ofaukið í textanum hér að ofan. 

[Jens Guð, 6.7.2011 kl. 02:35]

  Sverrir,  kærar þakkir fyrir ábendinguna.