DV er að standa sig: Opnugrein um G!Festival

 

  Í DV í dag er heil opna lögð undir ljósmyndir og grein um G!Festival.  Það er til fyrirmyndar.  Ljósmyndir Ingólfs Júlíussonar eru hver annarri glæsilegri.  Hann er snillingur,  sá drengur.  Það er augnkonfekt að skoða ljósmyndirnar hans af Tý,  Skálmöld og fleirum þarna á G!Festivalinu,  stærstu árlegri rokkhátíð í Færeyjum.  Hún fór fram um liðna helgi í Götu á Austurey. 

  Hér eru fleiri myndir úr ljósmyndavél Ingólfs, teknar á G!Festivali:

  Heri gítarleikari og söngvari Týs

  Hanus G.  Hann er stundum kallaður færeyskur Megas.  Eivör hefur sungið lög eftir hann inn á plötur.  Hann semur fallega vísnasöngva.  En kann einnig að meta þungt rokk því hann lét sig ekki vanta á hljómleika Skálmaldar og Týs.

  Einhverjir vinnuþjarkar voru með þessa merkingu á gallanum sínum.  Hún vakti upp spurningar.  Helst datt mönnum í hug að þarna hafi orð vígslast.

  Þessi fallega flaska stóð ofan á þaki húsbíls.  Hún kom kunnuglega fyrir sjónir.

  Það var altalað að sterkur hjónasvipur væri með þessu fjölmiðlapari.  Hún heitir Palma Jacobsen og er ljósmyndari hjá færeyska vikublaðinu Norðurlýsið.  Hann heitir Atli Fannar og er blaðamaður hjá Fréttablaðinu og dagskrárgerðarmaður á X-inu.

Athugasemdir

[Jens Guð, 21.7.2011 kl. 03:03]

  Til gamans má geta að Týsarar ætla að endurhljóðrita Orminn langa.  Á sínum tíma hljóðrituðu þeir lagið við frumstæðar aðstæður,  févana.  Nú eru þeir farnir að fá fínar tekjur af útvarpsspilun út um allan heim.  Þá langar til að hljóðrita lagið upp á nýtt við góðar aðstæður án þess að breyta útsetningunni.  Nýja upptakan verður aukalag á þeirra 7undu plötu.  Sama lag.  Sama útsetning.  En betri hljómgæði. 

[Óskar Þorkelsson, 21.7.2011 kl. 09:51]

djö er ég að fíla Skálmöldina..

[Ásdís Sigurðardóttir, 21.7.2011 kl. 10:27]

geggjaðar myndir hjá þér

[Jens Guð, 21.7.2011 kl. 13:06]

  Óskar,  ég líka.  Þeir eru æðislega flottir.

[Jens Guð, 21.7.2011 kl. 13:07]

  Ásdís,  það er hann Ingólfur Júlíusson sem á þessar myndir.  Hann er stjörnuljósmyndari í öllum skilningi þess orðs.