Getur svona harmleikur gerst hér?

 

  Eins og flestum var mér illilega brugðið við tíðindin af hryðjuverkunum í Noregi.  Ekki aðeins vegna fréttanna af þessum hörmungaratburði heldur einnig vegna viðbragða íslenskra bloggara og fésbókarritara.  Hver á fætur öðrum geystust þeir fram á ritvöllinn með stóryrtar yfirlýsingar um að nærri "fullvíst" væri að þarna væri greinilega um verk múslima að ræða.  Yfitlýsingum fylgdi jafnan formælingar um fjölmenningarsamfélag og einkum sýndi þetta mannvonsku múslima.  

  Þeir sem þarna fengu útrás fyrir rasisma sinn fóru á flug þegar þeim var - af betur meðvituðum - bent á að slátrun á ungliðum jafnaðarmanna benti til þess að fullyrðingar rasistanna stæðust ekki skoðun. 

  Nú liggur fyrir að fjöldamorðinginn er kristinn hægri maður,  hávaxinn,  ljóshærður frímúrari,  hernaðarsinni og byssudýrkandi.  Það veltir upp spurningu um hvort að svona gæti gerst á Íslandi.  Málflutningur norska rasistans er algjörlega samhljóða málflutningi íslenskra rasista.  Algjörlega.  Málflutningurinn rifjar upp nýleg ákall fyrrverandi frambjóðanda til formanns í Sjálfstæðisflokknum um að íslenskur ráðherra verði drepinn með skordýraeitri og að forsætisráðherrann verði líflátinn á sama hátt og Mússolíni;  hengdur á haus.  Bara svo þekkt dæmi séu nefnd.  

  Út af fyrir sig er fátt að því að vera ljóshærður og kristinn,  hægri sinnaður,  hávaxinn frímúrari og jafnvel hernaðarsinnaður byssudýrkandi.  Öllu verra er þegar inn í dæmið blandast útlendingahatur og mannvonska.  Og þetta síðast nefnda er ekkert skárra þó viðkomandi sé eitthvað annað en kristinn eða hægri sinnaður og ljóshærður frímúrari.  Hinsvegar er ljóst að Anders Behring Breivik á skoðanasystkini á Íslandi.  En vonandi ekki neitt sem gengur jafn langt í að fylgja eftir sínum skoðunum.

  Valdimar H.  Jónannesson er einn þeirra sem hefur fjarlægt bloggfærslu sína um þennan atburð og viðbrögð hans við fyrstu fréttum.  Þrátt fyrir hans fyrstu afleitu viðbrögð ber að virða að hann hefur séð að sér og brugðist rétt við framhaldinu.  Hann er maður að meiri og hefur beðist afsökunar.  Það er til fyrirmyndar.  Hugsanlega hefur hann líka lært eitthvað á mistökum sínum.  Það væri gott.

   

  

„Hann skaut og skaut“

Athugasemdir

[Steingrímur Helgason, 23.7.2011 kl. 21:37]

Ég tel frekar að azninn eigi að vera eyrnamarkaður af eyrnaztærðinni & gjörðum zínum, en kví að hann 'katógerizt' í líkíngu við zmámennið mig, zem er hávaxinn, (& breiðvaxinn!), byzzueigandi bleikzkinni, hægri zinnaður & zannkriztinn, með reglutengíngu ýmza, enda afi gamli múrarameiztari...

Dona er mannlegur harmleikur, á ekki að blanda við einhverja pólitík eða aðrar.

En fljótt var nú fólkið að benda á brúnara zkinnið en það bleikara...

[Jens Guð, 23.7.2011 kl. 21:46]

  Steingrímur,  ég reyndi að benda á að þessi harmleikur sé ekki eitthvað sem eigi að heimfæra upp á alla kristna,  hægri sinnaða,  byssuglaða eða frímúrara.  Ég gleymdi að tiltaka hávaxna og ljóshærða.  En mér var brugðið við að sjá út um allan bloggheim og fésbók hvað margir voru snöggir að heimfæra fjöldamorðin upp á meinta illvirkja hörundsdekkri en okkur bleiknefja.

[Ásthildur Cesil Þórðardóttir, 23.7.2011 kl. 22:17]

Já fólk er fljótt að taka Lúkasin á þetta. 

[Jens Guð, 23.7.2011 kl. 22:36]

  Ásthildur Cesil,  þú hittir naglann á höfuðið.  Þetta er pjúra Lúkasar dæmi.

[Guðmundur St Ragnarsson, 23.7.2011 kl. 22:52]

Hvaða mynd er þetta efst Jens? Ekki segja mér að mannfýlan hafi átt konu?

[Jens Guð, 23.7.2011 kl. 23:16]

  Guðmundur,  ég held að þetta séu systur hans.

[Jens Guð, 23.7.2011 kl. 23:19]

  Það gæti líka verið að sú lengst til hægri sé mamma hans.  Út af fyrir sig fallegir aríar:  Ljóshærðir,  bláeygir...  Eitthvað sem svarthærði gyðingurinn Hitler hefði skilgreint sem hina útvöldu.

[Björn Jón (IP-tala skráð) 24.7.2011 kl. 00:05]

Það liggja 100 manns í valnum. Er þetta nokkuð tími fyrir hótfyndni. Eigum við ekki að reyna sýna fórnarlömbunum allavega virðingu í nokkra daga, áður en við fórum að grínast!!!

[Jens Guð, 24.7.2011 kl. 00:38]

  Björn Jón,  þetta er nákvæmlega ekki tilefni hótfyndni.

[Gunnar Th. Gunnarsson, 24.7.2011 kl. 04:25]

Eg vidurkenni thad alveg ad mer datt fyrst i hug ad thetta hefdi verid muslimsk ofgasamtok ad verki i sprengjutilraedinu, tho ekki hafi eg stokkid til og bloggad um thad.

Til ad gera svona hluti eins og uti i eyjunni, mundu ekki einu sinni muslimar gera. Thetta er ekki theirra taktik. Thetta var BARA gedveiki.

[Hrannar Baldursson, 24.7.2011 kl. 08:22]

Sömuleiðis datt mér fyrst í hug að þetta væru hryðjuverk tengd Al-Queda í sambandi við Afganistan eða Líbýu. Hins vegar vissi ég að ég vissi ekki staðreyndirnar og sleppti því að blogga um þennan grun. Þegar í ljós kemur að maðurinn telur sig vera kristinn krossfara, kemur það einhvern veginn ekki á óvart, þar sem ógning sem stafar af heimsmynd nýnasista hefur lengi legið í loftinu.

[DoctorE (IP-tala skráð) 24.7.2011 kl. 08:45]

Mig grunaði múslíma þegar sprengingin varð, hætti því þegar fréttir bárust af skotárásinni.
Ég er frekar hissa á að þetta hafi ekki gerst í USA, þar eru svona brjálæðingar á hverju strái; Efni í sjónvarpi/útvarpi/internetinu kynda algerlega undir þessu, skoðið td hann Glenn Beck sem hreinlega fór fram á fjöldamorð.. dag eftir dag á Fox news.

[Einar (IP-tala skráð) 24.7.2011 kl. 11:11]

Skil ég þig rétt, Gunnar Th, að ef það eru ekki múslimar sem fremja voðaverkin hljóti það að vera geðsjúklingar?

[Gunnar Th. Gunnarsson, 24.7.2011 kl. 11:16]

Eg alhaefi ekki svoleidis, Einar. Mer finnst hins vegar thad, ad myrda unglinga a thennan hatt, augliti til auglitis, bendi sterklega til gedveiki.

[Georg P Sveinbjörnsson, 24.7.2011 kl. 13:14]

"When a Muslim commits terror, every Muslim in the world somehow shares responsibility. When it's a white Christian, he's always a lone wolf.“

[Björn (IP-tala skráð) 24.7.2011 kl. 13:27]

Einar (nr. 13); Líklega er það oftast óstjórnlegt hatur sem helst sameinar þá sem framkvæma svona voðaverk. Í einhverjum tilvikum er það stundarbrjálæði en það á ekki við um þau voðaverk sem menn taka sér vikur, mánuði og ár í að undirbúa.

[Gunnar (IP-tala skráð) 24.7.2011 kl. 14:47]

Þessi klikkaði maður klikkaði illa á því. Ef að honum var svona illa við múslima, þá átti hann að ganga í einhvern múslima söfnuð og fremja geðveikina síðan og klína því á íslam

[Halla Rut , 24.7.2011 kl. 17:23]

Þetta er ekki mamma hans...búið að byrta myndir af henni.

[DoctorE (IP-tala skráð) 24.7.2011 kl. 20:23]

Er ekki óþarfi að birta myndir af fjölskyldunni, hún er örugglega í sjokki líka eins og aðrir.

[Sveinn R. Pálsson, 24.7.2011 kl. 20:44]

Núna skrifar Valdimar H Jóhannesson:

"Margir falla í þá gryfju að kenna einhverjum þeim hópum manna um ódæðið, sem hafa verið að tjá sig um samfélagsmál, eða hafa bundist samtökum um hugðarefni sín. Hér er sálsjúkur einstaklingur á ferðinni, sem er ekki á ábyrgð neins þess sem hann hefur tengst við í lífi sínu."

En þegar fyrstu fréttir bárust af málinu skrifaði sami maður (bloggfærslan í heild):

"Er nokkur vafi um hver stendur að baki sprengingar?

Telja má nærri fullvíst að þarna eru menn Islam á ferðinni sem hafa í vaxandi mæli orðið til leiðinda um alla Evrópu og raunar um heim allan. Um leið og ég samhryggist Norðmönnum að vera komnir með þennan vágest í svona stórum mæli inn í samfélag sitt og vona að alvarleg slys hafi ekki orðið á mönnum vona ég að þetta alvarlega atvik opni augu Norðmanna og raunar okkar einnig hvers konar ófögnuður er þarna á ferðinni.

Islam er ekki fyrst og fremst trúarbrögð heldur alræðisstefna sem hefur eins og kommúnismi eða nasismi á stefnuskrá sinni að ná heimsyfirráðum. Hryðjuverk eins og þetta er meðal þeirra tækja sem notað er við heillaga skyldu, Jihad, allra sannra múslíma til þess að koma heiminum undir Islam og Sharía-lög og er í samærmi við Kóraninn, hatíðubækurnar og Shira (ævisögu Múhammeðs) en þessar bækur mynda grundvöll Islam. Sprengingu eins og þessari er ætlað að fylla almenning skelfingu og hræða hann frá því að efast um rétt múslíma til þess að gera kröfur um breytingu vestrænna þjóðfélaga. Unnið er markvisst með öllum tækum og tólum til þess að ná heiminum undir þessa ómanneskjulega heimssýn sem á ekkert skylt við vestrænt lýðræði og frelsi einstaklingsins eða yfirleitt nokkra mennsku.

Íslendingum ríður á að kynna sér þessa ógn áður en íslenskt samfélag sýkist af þessum ófögnuði. Ferð Össurar utanríkisráðherra á vesturbakkann svokallaða til þess að lýsa stuðning við hryðuverkasamtökin  Hamas og Al Fatah er til marks um svo takmarkalausa einfeldni og fábjánaskap að sæmilega upplýstu fólki hlýtur að sundla."

[Sveinn R. Pálsson, 24.7.2011 kl. 20:49]

Sem sagt, núna má ekki bendla atvikið við neina sérstaka stefnu, en þegar fyrstu fréttir komu var þetta tvímælalaust ákveðinni stefnu að kenna.

[DoctorE (IP-tala skráð) 24.7.2011 kl. 20:55]

Þetta er það sem er svo fokking erfitt við trúarbrögð; Þeir geta einfaldlega ekki séð ruglið í sjálfum sér og sinni trú;
Koma froðufellandi.. Íslam íslam drap garrrrrgggg... Svo kemur krissi og gerir það sama; Þeir algerlega hundsa að maðurinn sé krissi, eða segja að hann hafi ekki verið alvöru krissi; Að ógnin hafi orðið til vegna þess að keppinautur þeirra í hjátrúnni hafi espað þetta allt upp bla bla bla.

Fucked

[Sveinn R. Pálsson, 24.7.2011 kl. 21:14]

Ég held að Valdimar hafi ekkert lært. Það sem varð til þess að hann tók út þessa færslu var að maðurinn sem framdi verknaðinn var af nákvæmlega sama sauðahúsi og hann sjálfur.

Miðað við orðræðuna hér á landi undanfarin ár, þá væri maður ekkert hissa á að einhver taki sig til. Mjög alvarlegar hótanir hafa birst, ma. hér á moggablogginu.

[DoctorE (IP-tala skráð) 24.7.2011 kl. 21:16]

Mig langaði að bæta hér við, þar sem Mofi er að blogga um þetta mál. Reynir að klína svona óhæfuverkum á þá sem trúa ekki á guði, gamla sagan, Mao, Pot, Stalín; Eldgamla tuggan um þessa einræðisherra sem vildu einmitt vera eins og guðinn hans Mofa, ekkert mátti skyggja á þá... alveg eins og með guðinn hans Mofa(Kemur vel fram í fyrstu boðorðunum). Ég er Guddi, submit or burn: Ég er Stalín, submit or burn; Ég er Mao, submit or burn.
Helsti munurinn er sá að guðinn hans Mofa ætlar að pynta fólk að eilífu, og Mofi samþykkir það algerlega, finnst það sweet og réttlátt; Hann myndi sitja og horfa á pyntingarnar í Himnaríkissjónvarpinu™, á hverjum degi.. uppáhaldsþátturinn

Bara að bæta þessu við hér há Jens, þar sem Mofi er auðvitað löngu búinn að banna mig :)

[Jens Guð, 24.7.2011 kl. 21:28]

  Gunnar Th. (#10),  maðurinn er klárlega sjúkur.  Ég er samt ekki viss um að hann sé geðveikur að því marki sem gerir hann ósakhæfan.  Víða um heim hafa og eru bæði einstaklingar og hópar að drepa fólk og fá klapp á öxlina fyrir.  Jafnvel heiðursmerki.  Sömuleiðis er í stöðugri þróun og framleiðslu ný og betri drápstól.  

  Ég er sannfærður um að í huga margra rasista er Breivik mikil hetja. 

[Jens Guð, 24.7.2011 kl. 21:34]

  Hrannar,  það er ekkert nýtt eða sjaldgæft að hægri-öfgamenn drepi fólk í Skandinavíu eða annars staðar í Evrópu vegna kynþáttahaturs.  Þetta dæmi er hinsvegar af óvæntri risastærð og fórnarlömbin framtíðarleiðtogar jafnaðarmanna. 

[Jens Guð, 24.7.2011 kl. 21:49]

  DoctorE (#12),  pólitisk morð eru alvanaleg í Bandarikjum Norður-Ameríku.  Og ekki vantar heldur þar áskoranir frá ysta hægrinu þar um.  Þegar ég var úti í New York í ársbyrjun kvörtuðu demókratar hástöfun undan heimasíðu Söru Pálínu.  Sara var með byssumið á þingkonuna Gabríelu Cliffords. Yfirskriftin var einhvað á þá leið að Sara væri búin að skilgreina vandamálið.  Lesendur ættu að leysa vandann.  

  Demokratar litu á þetta sem hvatningu til morðs.  Svo fór að byssuglaður hægri-öfgamaður hlýddi kallinu og skaut Gabríelu.  Ég veit ekki hvað margir stjórnmálamenn hafa verið myrtir í Bandaríkjunum.  Það er slatti og inni í tölunni eru forsetar og ráðherrar.  

  Margir undrast að rasistar séu ekki búnir að myrða Obama.  Gæsla og öryggisvarsla er bara slík að það er ekki á hvers manns færi.

  Ég man ekki hvað kristni hægri-öfgamaðurinn drap marga í Oklahoma um árið.  Það er eins og mig rámi í töluna 180. 

[Sveinn R. Pálsson, 24.7.2011 kl. 21:52]

Hitt er annað, að vinstri öfgamenn hafa staðið fyrir sprengitilræðum, t.d. í Grikklandi og Suður Ameríku, og auðvitað hinir ýmsu trúarhópar, þannig að þetta er ekkert bundið við hægri öfgamenn.

[Jens Guð, 24.7.2011 kl. 23:20]

  Einar,  ég las það ekki út úr texta Gunnars.  Samt hljómar það svolítið þannig þegar þú nefnir það. 

[Jens Guð, 24.7.2011 kl. 23:32]

  Gunnar Th. (#14),  manneskja þarf að vera rosalega kaldrifjuð til að fremja fjöldamorð á þennan hátt.  Einhvern veginn hlýtur það að vera öðru vísi að drepa fólk úr fjarlægð,  úr herflugvélum eða með fjarstýrðum sprengjum eða eitthvað svoleiðis fremur en horfast beinlínis í augu við fórnarlömbin.

  Bróðir minn vann á Kleppi og nákomnir ættingjar hafa glímt við geðveiki.  Ég hef lesið mér töluvert til um geðveiki í gegnum tíðina en er fjarri því nægilega fróður til að setjast í dómarasæti.  Hinsvegar tel ég að töluverða siðblindu þurfi til að fremja svona ódæðisverk.  Ég efast samt um að hún dugi til að maðurinn teljist óábyrgur gerða sinna vegna geðveiki.   

[Jens Guð, 24.7.2011 kl. 23:34]

  Georg,  það er heilmikið til í þessu.  Fyrstu viðbrögð rasista við tíðundunum staðfesta það.

[Jens Guð, 24.7.2011 kl. 23:35]

  Björn,  ég kvitta undir þetta.

[Jens Guð, 24.7.2011 kl. 23:41]

  Gunnar (#16),  það virðist ekki hafa vakað fyrir morðingjanum að koma óorði á múslima með því að fremja hryðjuverk í þeirra nafni.  Fyrir honum virðist hafa vakað að koma 1500 blaðsíðna doðranti sínum og hugmyndafræði á framfæri.  Ásamt því að slátra sem flestum framtíðarleiðtogum norskara jafnaðarmanna.  Hann álítur sig vera hetju evrópskra rasískra hægri-öfgamanna.  Og sannaðu til:  Þeir verða margir sem álíta hann hetju. 

[Jens Guð, 24.7.2011 kl. 23:42]

  Halla Rut,  þetta eru þá kannski systur hans.  Það er sterkur svipur með þeim öllum.

[Jens Guð, 24.7.2011 kl. 23:48]

  DoctorE (#19),  norskir fjölmiðlar hafa birt viðtöl við nánustu ættingja hans ásamt ljósmyndum.  Þessa mynd fann ég á einhverjum norskum netmiðli.  Myndbirting á lítilli bloggsíðu á Íslandi breytir engu fyrir þetta fólk.  Svona myndir eru á forsíðum og heilu opnunum í norskum dagblöðum,  norska sjónvarpinu og út um allt.  Eflaust verður gefin út bók um manninn með þessum ljósmyndum og jafnvel gerð heimildarkvikmynd. 

[Jens Guð, 24.7.2011 kl. 23:52]

  Sveinn,  gott hjá þér að taka afrit af bloggfærslu Valdimars.  Hún er hrópandi dæmi um rasisma og viðbrögð við fjöldamorðunum.  Ég setti inn athugasemd hjá honum.  Sennilega er hann búinn að banna mig á bloggi sínu eins og marga aðra sem gerðu athugasemdir við fráleitan hatursáróður hans gegn múslimum.

[bjarni (IP-tala skráð) 25.7.2011 kl. 03:46]

Noregur fyrir norðmenn, Ísland fyrir íslendinga, kallast víst rasismi ef marka má höfund pistils. Já og líka mannvonska.

Svo á víst að heita að þetta sé einhver vestræn hægri-mennska.

Sjálfsagt er pistlahöfundur bara svona illa að sér, en það er ekkert ríki í heiminum sem er eitthvað sérstaklega áhugasamt um að fá annara Þjóða kvikindi sem sína þegna. Íslendingar geta ekki sest að í nokkru einasta þjóðríki, fengið þar atvinnuleyfi, kosningarétt eða önnur þaug réttindi sem innbornir fá í vöggugjöf, nema auðvitað þau ríki sem hafa samþykkt EES samningin.

Íslendingar fá ekki einu sinni vegabréfsáritun til Ástralíu nema þeir sýni fram á nægilegan ferðagjaldeyri, það er auðvitað rasismi og mannvonska. Útlendingar í Tælandi fá ekki atvinnuleyfi eða kosningarétt þó þeir séu giftir tælenskri konu, eigi með henni haug barna og hafi búið þar í tugi ára, það er líka rasismi og mannvonska. Í flestum ríkja heims mega útlendingar ekki setjast að, eiga fasteign, stunda atvinnu, kjósa eða njóta nokkura þeirra grunnmannréttinda sem innbornir njóta. Þetta er auðvitað rasismi og mannvonska.

Morðhundurinn í Noregi á haug af skoðanabræðrum og systrum, þau eru í ríkisstjórnum um allan heim. Þau eru sjálfsagt öll rasistar og mannhatarar.

[Gunnar Th. Gunnarsson, 25.7.2011 kl. 07:10]

Georg #15 segir:

"When a Muslim commits terror, every Muslim in the world somehow shares responsibility..."

Thetta er ekki rett. Their theigja thunnu hljodi (99% af theim) thegar vodaverk eru framin i nafni truar theirra.

[Gunnar Th. Gunnarsson, 25.7.2011 kl. 07:19]

Svo er afar vafasamt ad tengja nasisma vid haegrimennsku. Nasismi a ekkert skylt vid haegri stjornmalastefnur. Ef eitthvad er , tha eru their hugmyndafraedilega tengdari vinstrimonnum, a.m.k. a sumum svidum.

Nasistar hata hins vegar vinstrimenn mest allra. E.t.v. er thad thess vegna sem vinstrimenn telja nasista til haegri?

[Gunnar Th. Gunnarsson, 25.7.2011 kl. 07:24]

Hins vegar eru nasistar ihaldsmenn, likt og flestir haegrimenn. Vinstrimenn eru ekki ihaldsmenn, edli malsins samkvaemt. Their vilja umbyltingar.

[núman (IP-tala skráð) 25.7.2011 kl. 10:59]

Ég held að flestum hafi dottið múslimar í hug þegar fyrstu fréttir bárust og ekki af ástæðulausu. 

Það versta sem ég hef lesið á netheimum um þessa voðaatburði eru komment sem gengu út á það að fólkið væri réttdræpt af hendi múslima vegna vonsku vesturlandabúa í mið-austurlöndum. 

Þessu ógeði skvettu menn úr sér meðan morðinginn hafði ekki enn lokið verki sínu.

[Jens Guð, 25.7.2011 kl. 22:55]

  DoctorE (#22),  ég sé í bloggheimum og á fésbók að Mofi og fleiri krissar reyna að þvo hann af sér.  Fullyrða að hann sé ekki kristinn þó að hann skilgreini sjálfan sig kristinn og sé í kristilegri riddarareglu.

[Jens Guð, 25.7.2011 kl. 23:03]

  Sveinn (#23),  mig grunar að þetta sé rétt hjá þér með Valdimar K. Júlíusson.  Það er erfitt að kenna gömlum hundi að sitja og þöngulhausi að sjá að sér.

  Hinsvegar dreg ég í efa að svona stórfelld fjöldamorð verði framin hér.  Að vísu skortir ekki hatursfulla aula.  En þeir hafa ekki þessa þjálfun í drápum og þekkingu á meðferð skotvopna eins og norski hægri-öfgamaðurinn fékk í norska hernum.   

[Gunnar Th. Gunnarsson, 26.7.2011 kl. 09:18]

Komid hefur i ljos ad norski fjoldamordinginn er ekki nasisti og ekkert serlega truadur.

[Ómar Bjarki Kristjánsson, 26.7.2011 kl. 11:58]

Hryðjuverk geta komið ur ýmsum áttum eins og Sveinn bendir á. Hægri, vinstri, anarkí, trúarhópum o.s.frv. o.s.frv.

það sem er athyglisvert í tilfelli þessa hryðjuberkamanns sem var (öfga)hægrimaður og kallaði sig ,,menningarlegan íhaldsmann" - að orðræða hans er alveg nákvæmlega í línu við það sem sumir eru að segja á íslandi þessi misseri og td. núna á þessum þræði. Og við erum að tala um alveg nákvæmlega.

Einig hefur það vakið athygli í Noregi, að talsverður hluti stefnuyfirlýsingar hryðjuverkamannsins eru tilvitanir í norskan bloggara sem skrifað hefur mikið um islam og er sá bloggarai í hávegum hafður hjá islamófóbum og öfgahægrimönnum í Evrópuog BNA sem einn helsti sérfræðingur í þeirra áhugamáli.

Þessi bloggari skrifar undir nafnleynd og kallar sig ,,Fjordman" og hefur alltaf passað uppá að enginn kæmist að hver hann í raun er og ekkert er vitað um hann nema að hann er Norskur.

Hafa komið upp raddir hvor ,,Fjordman" se í raun Breivik. þessu neitaði ,,Fjodrman" í gær á öfgasíðunni Gate of Vienna þar sem hann hefur oft skrifað. Og frábiður sér allar tengingar við Breivik.

Í framhaldi hafa komið fram hugmyndir um hvort ,,Fjordman" sé í raun margir menn eða hópur sem standi á bak við nafnið.

[Gunnar Th. Gunnarsson, 26.7.2011 kl. 13:57]

Eg held ad thad se ekki haegt ad kalla thennan mann "ofga" neitt med vidhengi.

Hann var vidridinn stjornmalaflokk i Noregi sem var haegra megin vid midju, nokkurskonar Framsokanrflokkur theirra Nordmanna.

Breivik er heldur ekkert serlega truadur ad eigin sogn og trumal koma afar litid fram i skrifum hans, tho hann segist kristinnar truar.

[DoctorE (IP-tala skráð) 26.7.2011 kl. 14:36]

Hvað meinar þú Gunnar Th; Maðurinn talar mikið um kristni, að hann sé kristinn.. hálft videóið hans gengur út á KROSSferðir, kristna riddara... hann talar um að vera í himnaríki. Hann þolir ekki "útvatnaða kristni; Hann vill fá hardcore kaþólsku .. blah

[DoctorE (IP-tala skráð) 26.7.2011 kl. 14:45]

Já Jens, hann Mofi er líklega mesti óvinur kristni á íslandi í dag, bullið í honum er svo yfirgengilega ruglað að litlir krakkar gapa af undrun yfir vanþekkingu hans á einföldustu vísindum... Svo er JVJ líka sterkur og liðtækur í að losa ísland undan kristni, ásamt Omega.

Hvetja þá áfram :)

[Gunnar Th. Gunnarsson, 26.7.2011 kl. 18:02]

Eg lad einhvers stadar ad honum vaeri ekkert serlega umhugad um kristna tru.

Tho er hann audvitad i thessum Musterisriddarakjaftaedi..... veit ekki hvad thad thydir nakvaemlega.

[Jens Guð, 26.7.2011 kl. 20:13]

  DoctorE (#24),  ég er svo aldeilis hissa á að Mofi sé búinn að loka á þig.  Mér hefur virst hann vera áhugasaman um að eiga fjörlegar umræður um trúmál.  Svoleiðis umræða verður bragðdauf og lítt áhugaverð ef einungis já-menn fá að taka þátt í henni.  Kannski hefur honum þótt þú fara yfir strik í orðavali fremur en að hann sé ósáttur við að þín sjónarmið séu með í umræðunni?  Ég er svona að giska á það miðað við það sem ég hef fylgst með hans bloggi.

  Mér hefur oft þótt gaman að lesa líflega umræðu á blogginu hans þó að ég taki sjaldnast þar þátt í.  Eiginlega vegna þess að aðrir eru þar búnir að segja það sem ég hefði annars til mála að leggja. 

[Jens Guð, 26.7.2011 kl. 20:20]

  Sveinn (#28),  það vantar ekkert upp á að morð,  fjöldamorð og hryðjuverk hafi verið framin af vinstri mönnum.  Fjarri því.  Og einnig af svarthærðum,  lágvöxnum,  gyðingum,  múslimum,  hindúum,  gulum,  svörtum og mönnum sem eru ekki frímúrarar.

[Jens Guð, 26.7.2011 kl. 20:28]

  Bjarni (#37),  þú bergmálar viðhorf Breivik.  Ég er að einhverju marki sammála því að almenn regla sé að að nýbúar læri íslensku til að öðlast ríkisborgararétt.  Þú myndir falla á íslenskuprófi. 

[Jens Guð, 26.7.2011 kl. 20:43]

  Gunnar Th. (#38),  það er rétt að raddir múslima sem fordæma hryðjuverk framin í þeirra nafni mættu vera fleiri og háværari.  Og ættu að vera fleiri og hávarari.  Hluti af vandamálinu er að vestrænir fjölmiðlar eru ekki áhugasamir um að hampa þeim röddum í þessa veru sem þó eru til staðar.  Ég fylgist með mörgum útlendum rokkmúsíkblöðum og þar rekst ég iðulega á viðtöl við múslima,  tónlistarmenn sem fordæma harðlega þessi hryðjuverk.  En þær raddir ná ekki út fyrir þessi viðtöl.

  Í því samhengi vantar einnig upp á að kristnir fordæmi sömu glæpi framda í nafni trúbræðra.  Svo við höldum okkur við Breivik þá hafa viðbrögð kristinna verið sú að sverja hann af sér sem kristinn,  þrátt fyrir að hann skilgreini sig sem kristinn (en ekki verulega trúhneigðan (= ekki beinlínis bókstafstrúar ætla ég að það þýði),  vel að merkja).  Sama var með þennan Tim sem drap 168 í Oklahóma.  Hann var bókstafstrúar kristinn og framdi ódæðið í nafni trúarinnar.      

[Gunnar Th. Gunnarsson, 26.7.2011 kl. 21:12]

Ok, geta tha ekki "hofsamir" muslimar svarid af ser og fordaemt oll hrydjuverk i nafni truar sinnar?

Hef ekki ordid var vid ad their geri thad i storum stil.

[Gunnar Th. Gunnarsson, 26.7.2011 kl. 21:13]

Kristnir sverja af ser og fordaemi odaedisverk thessa svokallada kristna einstaklings

[Jens Guð, 26.7.2011 kl. 21:57]

  Gunnar Th. (#39),  ég hef ekki orðið var við að annars staðar en á Íslandi leiki vafi á því að nasistar séu til hægri á pólitíska litrófinu.  Strákarnir hans Hannesar Hó hafa verið ötulir við að staðsetja nasista sem jafnaðarmenn.  Núna í kjölfar fjöldamorðanna í Noregi hefur farið af stað í heimspressunni mikil umræða um uppgang hægri-öfgaflokka í Evrópu.  Þar velkist enginn í vafa um að nasistar séu ójafnaðarmenn til hægri við borgaralega lýðræðisflokka.  Þeir hafa iðulega sprottið upp úr ungliðahreifingum hægri flokka sem þeim þykir ekki vera nógu róttækir í afstöðu til "óæðri" kynstofna.

  Íslenskar nasistahreyfingar eru dæmi um þetta.  Íslenski nasistaflokkurinn bauð á sínum tíma fram með Sjálfstæðisflokknum í stúdentapólitík.  Þegar gamli íslenski nasistaflokkurinn var lagður niður gekk hann í heilu lagi aftur inn í Sjálfstæðisflokkinn.  

  Snemma á sjöunda áratugnum var íslenski nasistaflokkurinn endurreistur af ungliðum í Sjálfstæðisflokknum undir forystu bróður Geirs Haarde.  Ég tek það skýrt fram og undirstrika að Geir Haarde var aldrei viðriðinn nasistaflokkinn.

  Á áttunda áratugnum reyndi hópur virkra félaga í Sjálfsstæðisflokknum að endurreisa nasistaflokk.  Ég fylgdist með því vegna þess að vinnufélagi minn í Straumsvík tók þátt í því dæmi.  Hann var gallharður Sjálfstæðisflokksmaður þar fyrir utan,  eins og aðrir sem tóku þátt í því brölti.

  Það segir sína sögu um það hvað aðrir í Sjálfstæðisflokknum voru lítt hallir undir nasisma að ekkert varð úr áætlunum þessara manna.  Þeir auglýstu dögum og vikum saman í Vísi stofnun nasistaflokks.  En fengu engan hljómgrunn og allt rann út í sandinn. Einn af forsprökkunum er með blogg á þessum vettvangi.  Umræddur vinnufélagi minn í Straumsvík er dáinn.  Endaði sína ævi inni á Kleppi eftir að hafa reynt að drepa eiginkonu sína.  Það er kannski ósmekklegt að rifja þetta upp.  En vinnufélagar okkar í Straumsvík muna vel eftir því þegar hann sveiflaðist á milli þess að lofsyngja Sjálfstæðisflokkinn til skiptis við tilvonandi nasistaflokk sem aldrei varð neitt.

  Það er auðvelt að tengja nasista við sósíalisma vegna nafnsins á þýska Þjóðernisjafnarðamannaflokknum.  Kynþáttahatur er ekki jafnaðarstefna.  

  Ég er fæddur og uppalinn í Sjálfsstæðisflokknum.  Pabbi minn var formaður Sjálfsstæðisflokksins í Skagafirði.  Sjálfur er ég í Frjálslynda flokknum.  Því miður slæddust inn í okkar hóp rasistar og fólk sem nú eru opinberir nasistar og hampa á fésbókarsíðum málflutningi Breivíks.  Flestir þeir sem fóru mest í að boða rasisma í nafni Frjálslynda flokksins eru í dag flokksbundnir í Sjálfstæðisflokknum.

  Ég er harðlínu anti-rasisti,  markaðshyggjumaður sem aðhyllist lágmark ríkisreksturs en styð grunnþjónustu við þá sem fara halloka í þjóðfélaginu (öryrkja, aðra sjúklinga,  atvinnulausa og svo framvegis).

[DoctorE (IP-tala skráð) 26.7.2011 kl. 23:05]

Gunnar, hvers vegna segir þú "Svokallaða kristna einstaklings"?

Hefur þú lesið biblíu? Hún fyrirskipar og lofsamar fjöldamorð á stórum köflum; Hefur þú kynnt þér mannkynssöguna? Þar er kristni með blóð í hverju spori, líklega blóðugustu trúarbrögð sem til eru enn þann dag í dag.
Þú verður að athuga að manngæska kristni gengur einmitt út á hversu miklu efni menn sleppa úr bókinni; Múslímar eru bara aðeins á eftir í þessari þróun, margir þeirra kalla eftir islam-lite, sem kristni var þvinguð í á sínum tíma..
Trúarbrögð Abrahams eru hryllingur, sama hvort það er gyðingdómur,kristni eða íslam.. þetta er sama dæmið bara önnur nöfn, smá viðbætur hér og þar.

Jens, ég myndi ekki nenna að setja athugasemdir hjá Mofa, þetta er alltaf sama tuggan hjá honum; Maður kikkar stundum til að hlægja að ruglinu í honum, hneykslast smá.. Sköpunarsinnar eru jú óviðræðuhæfir með öllu :)

[siggileelewis (IP-tala skráð) 5.8.2011 kl. 18:00]

Smá leiðrétting Jens minn. Anders er ekki kristinn hægri maður. Ekki frekar en þú. Hins vegar heldur hann það. Hann heldur líka að hann geti mögulega fengið að taka þátt í nýrri stjórnarmyndun í Noregi.

Anders Boruvík er raunveruleikafirrtur. Hann gerir sér ekki grein fyrir því sem hann hefur gert eða gerir.

[Jens Guð, 5.8.2011 kl. 23:06]

  Ziggy Lee,  þetta er sammerkt með öllum sem telja sig vera kristnir hægri menn:  Þeir eru hvorki kristnir né hægri menn.  Þeir halda það bara.  Þeir eru í raun jafnaðarmenn, hallir undir gyðingdóm og hafna Kristi.  Þeir eru raunveruleikafirrtir.

[Jens Guð, 5.8.2011 kl. 23:39]

  DoctorE (#57),  það má alltaf hafa gaman af Mofa.  Hann er búinn að gera rækilega grein fyrir sér og sínum viðhorfum/sinni trú.  Hann er einlægur í sínum pælingum og það er bara gaman að fylgjast með sannfæringu hans um að hafa höndlað sannleikann og kjarnann í þessum árþúsunda gömlu þjóðsögum gyðinga í Arabíu.  Það er kúnst út af fyrir sig.