Veiddu risafisk með berum höndum

  Þeir ætluðu aðeins að skjóta sér til matar nokkrar endur og gæsir.  Þá sáu þeir einhverja stóra skepnu ofarlega í vatnsfletinum.  Fyrst héldu þeir að þetta væri selur.  Þeir voru í svo miklum veiðiham að fyrstu viðbrögð voru að ná kvikindinu.  Í ákafanum höfðu þeir ekki rænu að skjóta það.  Þeir notuðu aðeins berar hendur til að fanga skepnuna.  Þá kom í ljós að þetta var 23ja kílóa tunglfiskur.  Eða ég held að það sé íslenka heitið á honum.  Á dönsku heitir hann klumpfiskur.  Þetta var í Danmörku.   

  Fiskurinn var eins og hálf ringlaður og utan við sig.  Hugsanlega vangefinn.  Veiðimennirnir ætluðu að gefa fisknum frelsi á ný.  En þeir voru enn í gríðarlegum veiðiham og gleymdu sér við að skjóta gæsir og endur.  Þegar veiðihamurinn rann af þeim var fiskurinn hinsvegar dáinn.  Þá var ekki um annað að ræða en skella honum í frystikistu.  Hvað verður um líkið er óvíst á þessari stundu.  Kannski verður hann stoppaður upp til minningar um skemmtilega veiðiferð.      

Athugasemdir

[Guðmundur Júlíusson, 24.9.2011 kl. 00:30]

Ofsögum er nú sagt að þetta sé risafiskur Jens, þetta er þokkalegur dráttur en ekkert umfram það.

[Ágúst Hróbjartur (IP-tala skráð) 24.9.2011 kl. 01:37]

ég sá veiði þátt um daginn þessi fiskur getur orðið næstum 2tonn

[Ómar Ingi, 24.9.2011 kl. 12:42]

[Jens Guð, 24.9.2011 kl. 14:05]

  Guðmundur,  í samanburði við murturnar í bæjarlæknum á æskuheimili mínu er þetta assgoti mikill bolti.  En í samanburði við risalúðu er hann líkast til ekki upp á marga fiska.

[Jens Guð, 24.9.2011 kl. 14:07]

  Ágúst,  það hefur þá verið 2ja tonna tunglfiskur sem Jesú mettaði nabbfjöldann með.  Ég vissi að það var ekki smásíld.

[Jens Guð, 24.9.2011 kl. 14:07]

  Ómar Ingi,  takk fyrir innlitið.

[Birna Jensdóttir, 24.9.2011 kl. 15:32]

Já kannski bauð hann líka uppá 5tonn af kartöflum með þá var þetta komið

[DoctorE (IP-tala skráð) 24.9.2011 kl. 17:04]

Jesú biblíu var ekki til í alvörunni Jens, sagan um hann er bara svona bronsaldar Harry Potter dæmi

[Jens Guð, 24.9.2011 kl. 18:25]

  Birna,  samkvæmt þjóðsögunni voru það 2 fiskar (líklega hvor um sig 2ja tonna tunglfiskur) og 5 brauð (líklega hvert um sig 1 tonn) sem kappinn bauð upp á.

[Jens Guð, 24.9.2011 kl. 18:26]

  DoctorE,  ertu að meina að Harry Potter sé ekki til í alvörunni?