Listi yfir bestu lönd í heimi

  42 þúsund manns víðs vegar að í heiminum hafa kveðið upp dóm yfir jákvæð og neikvæð viðhorf sín til hinna ýmsu landa.  Niðurstaðan er assgoti áhugaverð.  Það er gaman að bera listann saman við sín eigin viðhorf.  42 þúsund manns geta ekki haft rangt fyrir sér.  Tekið var tillit til margra þátta,  allt frá mati á lífsgæðum í viðkomandi löndum og framkomu íbúann til hagkerfis landanna og stjórnmála.  Gefnar voru einkunnir frá 0 upp í 100.  Löndin í efstu 8 sætunum eru með yfir 70 í meðaleinkunn.  Þar af er Kanada með meðaleinkunnina 74,8.  Löndin í 9. til 18.  sæti eru með yfir 60 í meðaleinkunn.  

  Einhverra hluta vegna er Ísland hvergi að finna á listanum yfir löndin með besta orðspor.  Guðirnir blessi Ísland.  Svo er vitaskuld allt morandi af Íslendingum í Kanada.  Rétt eins og í Svíþjóð,  Noregi og Danmörku.  Það telur.

1   Kanada

.

2   Svíþjóð

.

3   Ástralía

.

4   Sviss

.

5   Nýja Sjáland

.

6   Noregur

.

7   Danmörk

.

8   Finnland

.

9   Austurríki

10  Holland

11  Þýskaland

12  Japan

13  Belgía

14  Ítalía

15  Bretland

16  Spánn

17  Írland

18  Frakkland

19  Portúgal

20  Singapúr

Athugasemdir

[hilmar jónsson, 27.9.2011 kl. 23:08]

Outch Ísland ekki á lista ? Og ekki heldur Færeyjar..Hvernig er þessi heimur að verða ?

[Sigurbjörg Sigurðardóttir, 27.9.2011 kl. 23:20]

Ekki er ég hissa,eitt sem fer hræðilega í taugarnar er að kalla einhverja fræga, Islandsvinir sicccc.Remban er ótrúleg og einhver sveitablær yfir.

[Hjóla-Hrönn, 28.9.2011 kl. 19:18]

og Grænland?  Hvergi?  Það hefur skorist ofan af landakortinu þegar þessi framkvæmt var gerð...  Við erum náttúrulega bestust! 

[Jens Guð, 28.9.2011 kl. 23:18]

  Hilmar,  þetta eru vonbrigði.  Mér dettur helst í hug að Færeyjar hafi verið taldar til Danmörku.  Og kannski Ísland líka.  Það skýrir hvers vegna Danmörk er svona hátt á lista.

[Jens Guð, 28.9.2011 kl. 23:25]

  Sibba,  ég tek undir með þér hvað þetta Íslandsvinadæmi er hallærislegt.  Annað jafn hallærislegt:  Um tíma sótti ég hverfisbar í Ármúla við hliðina á Hótel Íslandi.  Barinn hét Wall Street og síðar Pentagon og fleiri nöfnunm.  Á hótelinu dvöldu aðallega útlendingar.  Þeir slæddust iðulega yfir á barinn.  Það var segin saga að Íslendingar tóku þá tali og fóru að stæra sig af upptalningu á því að á Íslandi sé besta vatn í heimi;  fallegasta kvenfólk í heimi;  sterkustu menn í heimi;  hreinasta loft í heimi;  bestu laxveiðiár í heimi o.s.frv.

[Jens Guð, 28.9.2011 kl. 23:27]

  Hjóla-Hrönn,  Grænland hefur líkast til lent í því að vera hluti af danska sambandsríkinu.  En það er miklu skemmtilegra að koma til Grænlands en Danmerkur.