Buxnalaus lögreglumaður

  Í um það bil þrjá áratugi hefur setið í hausnum á mér sjón sem bar fyrir augu fyrir þetta löngu.  Og ekki aðeins það sem ég sá heldur enn fremur spurningin um það hvað var í gangi.  Þannig var að snemma morguns mætti ég í strætisvagnamiðstöðina við Hlemm.  Þar beið ég eftir strætisvagni og við blasti Lögreglustöðin á Hverfisgötu,  gengt strætóstöðinni.  Fjöldi annarra var á staðnum í sömu erindagjörðum.  Skyndilega kom kurr á hópinn.  Að lögreglustöðinni gekk lögregluþjónn í fullum skrúða,  með korða (eða kannski frekar kylfu við belti) og hatt.  Hann var einnig í sokkum og skóm.  En buxnalaus.  

  Á þessum árum var lögregluskrúðinn virðulegri og valdmannslegri en í dag.  Og einhvern veginn allt sem að lögreglu snéri var formfastara og stífara.  Fyrir bragðið var sjónin súrrealískari sem því nemur.

  Ég tók ekki nógu snemma eftir lögregluþjóninunum til að vita hvort hann kom á bíl að Lögreglustöðinni eða gangandi lengri leið.  

  Einhverra hluta vegna hef ég grun um að maðurinn hafi einfaldlega verið utan við sig og gleymt að fara í buxurna.  Aðrir möguleikar koma til greina.  Til að mynda að óhapp hafi hent buxurnar á leið mannsins til vinnu;  þær rifnað utan af honum er hann klöngraðist yfir gaddavírsgirðingu eða eitthvað slíkt.

Nakinn lögreglumaður í ofsaakstri

Athugasemdir

[Sólrún (IP-tala skráð) 14.12.2011 kl. 22:41]

Þetta væri nú eitthvað fyrir Arnald Indriðason

til að spinna úr :)

[Jens Guð, 14.12.2011 kl. 23:38]

  Sólrún,  góð hugmynd.  Ég er aðdáandi bóka Arnaldar. 

[Ásthildur Cesil Þórðardóttir, 15.12.2011 kl. 10:53]

Kenningar þínar um slysin með brækurnar eru dálítið fjarri lagi að mínu mati, því hann hefði þá farið í þeim þennan spöl í vinnuna og farið úr þeim þar.  En þetta er skemmtilegt uppbrot á hversdagsleikann takk fyrir góða sögu.

[Sigurjón Jónsson, 15.12.2011 kl. 11:51]

Eitt er alveg víst, ef allir lögreglumenn og konur væru buxnalaus í vinnunni þá ríkti meiri friður ró á Íslandi.

Með því mundi öll umræða um glæpi og fangelsisbyggingar fá nýja og dýpri merkingu, og fólk myndi horfa á löggæsluna frá öðru sjónarhorni.

[Sólrún :) (IP-tala skráð) 15.12.2011 kl. 16:02]

Eg held að þú sért með lausnina

á vanda löggæslunnar Sigurjón.

Það er spurning hvort Hell Angels

ættu eitthvert svar við þessu.

Væri líka sparnaður í búnungum

[Ásthildur Cesil Þórðardóttir, 15.12.2011 kl. 18:11]

Jamm Sólrún svona ekta leðurbúningur

[Jens Guð, 15.12.2011 kl. 19:27]

  Ásthildur (#3),  það eru eiginlega allar skýringar langsóttar á því hvers vegna lögreglumaður mætir buxnalaus til vinnu.

[Jens Guð, 15.12.2011 kl. 19:28]

  Sigurjón, það er margt til í þessu hjá þér.

[Jens Guð, 15.12.2011 kl. 19:30]

  Sólrún,  kannski ættu allir glæpamenn á Íslandi og lögregluþjónar að sameinast um að vera buxnalausir á jafnréttisgrundvelli.

[Jens Guð, 15.12.2011 kl. 19:30]

  Ásthildur Cesil (#6),  sammála því.

[sæunn (IP-tala skráð) 15.12.2011 kl. 23:01]

þið eruð dásamleg,

[Sólrún :) (IP-tala skráð) 16.12.2011 kl. 02:46]

Það er beinlínis heilsusamlegt

að spekúlera á góðum nótum

eins og hér er verið að gera :)

Nú eru komnar hingað til lands tölvur frá Ameríku sem sýna það með aðstoð rafeindasmásjár hvernig samsetning blóðsins breytist við jákvæða hugsun og skemmtilegheit

Jens þetta er fín hugmynd en hvernig veit maður þá hver er hvað ?

Það skiptir kannski ekki máli...

[Sigurjón Jónsson, 16.12.2011 kl. 09:54]

Svo mætti líka hugsa sér að aðrar stéttir taki upp þennan góða sið löggæslufólks.

Það er alveg augljóst að það myndi sparast mikill ferðakostnaður hjá hinu opinbera ef allir væru skikkaðir til að vera buxnalausir í vinnunni.

Þingmenn myndu t.d. vera miklu þaulsætnari í þingsal. A.m.k. þeir fáu sem ekki eru haldnir mikilli sýniþörf.

Og gamlir kulvísir sendiherrar myndu hætta að flandrast út um allar koppagrundir,til að drekka hanastélog dufla við turtildúfur.