Stórkostlegar myndir af vatni (í 3 heimsálfum)

  Vatn er besti svaladrykkur í heimi.  Einkum ef það er ískalt og íslenskt,  svo ekki sé minnst á færeyskt eða grænlenskt.  En vatn getur líka glatt augað.  Heldur betur svo.  Ljósmyndin hér fyrir ofan er af skemmtilegu fyrirbæri sem kallast Þórsbrunnur og er í Oregan í Bandaríkjum Norður-Ameríku.  Það hefur ekkert verið átt við þessa mynd í "fótósjopp" eða öðrum græjum.

  Þessi magnaði hellir er í Víetnam.  Ef vel er að gáð má greina manneskju á myndinni niðri til hægri.  Hún gefur til kynna stærð hellisins.  Eins áhrifamikið og þetta listaverk er þá væri hellirinn ekki svipur hjá sjón án lindarinnar.

  Hvað væri varið í þetta sólarlag án vatnsöldunnar sem ramma það inn?

  Íslenskt landslag skartar mörgu listaverkinu þar sem vatn leikur stóra hlutverkið.  Jökulsárlón er gott dæmi.

  Íslenskar ár eru ekkert fallegar út af fyrir sig.  En þær einkenna íslenska dali.  Þær hlykkjast um lægsta punkt fyrir miðju dalsins.  Úr fjarlægð setja árnar skemmtilegan svip á landslagið.

  Færeyskir lækir setja ennþá skemmtilegri svip á færeyskt landslag:

  Færeyskir lækir eru flottir.  Þeir dreifa sér yfir breiðar klappir.  Þeir úðast léttilega niður eftir klöppunum fremur en að fossa eins og íslenskir lækir.  Við minnstu gjólu fjúka færeysku lækirnir í loft upp.  það er fögur sjón:

  Þegar maður snýr sér við í Færeyjum og lítur út á sjó blasir við fegursta hafsýn:

  Hana má einnig sjá á myndinni í "hausnum" á þessari bloggsíðu.  Sú ljósmynd var tekin á hljómleikum Týs í ströndinni á Götu á Austurey. 

Athugasemdir

[Ásthildur Cesil Þórðardóttir, 9.2.2012 kl. 11:38]

Vá hvað þetta eru flottar myndir!!!

[Sólrún (IP-tala skráð) 9.2.2012 kl. 16:56]

Skemmtilegar myndir og ekki síst sú Færeyska lækur sem fýku.

minnir mig á að austur á Jökuldal rennur á sem heitir "Rjúkandi"

[Jens Guð, 9.2.2012 kl. 21:12]

  Ásthildur Cesil,  stórfenglegar ljósmyndir gleðja augað.  Það hafa margar ljósmyndir á þínu bloggi gert ótal oft.  Takk fyrir það.

[Jens Guð, 9.2.2012 kl. 21:13]

  Sólrún,  ég á eftir að tékka á Rjúkanda.  Takk fyrir ábendinguna.

[Ásthildur Cesil Þórðardóttir, 9.2.2012 kl. 21:38]

Takk Jens minn.

[Anna Sigríður Guðmundsdóttir, 12.2.2012 kl. 10:58]

Takk fyrir þessar fallegu myndir Jens.

M.b.kv.