Fagur fiskur í sjó

  Fiskur er einhver besti og hollasti matur sem völ er á.  Það er æskilegt að borða fisk að minnsta kosti þrisvar í viku hverri.  Helst oftar.  Fyrir daga kvótakerfisins gátu allir fengið vinnu í fiskvinnslunni.  Menn fengu líka í soðið beint frá sjómanninum.  Í þá daga vissu flestir hvernig fiskur lítur út.  Í dag þekkir fólk ekki fisk nema sem hvítar sneiðar í fiskborði verslana.  Eða umluktar raspi.  Eða í einhverri sósu.

  Það er gagn og gaman að skoða myndir af fiskum.  Rifja upp hvernig þeir líta út áður en þeir eru roðflettir,  beinhreinsaðir og skornir í sneiðar.  Þetta eru krúttlegar skepnur.  En grun hef ég um að margir haldi að fiskar séu ennþá krúttlegri en raun ber vitni. 

  Það er svo gaman að margir fiskar minna á þekkt mannfólk.  Maður kannast við svipinn.

 

Athugasemdir

[Grrr (IP-tala skráð) 5.3.2012 kl. 23:12]

Ég væri til í að borða alla þessa reiðu fiska en neðsti virkar svo dapur að ég hefði það ekki í mér að borða hann.

[Jens Guð, 5.3.2012 kl. 23:25]

  Grrr,  fiskurinn á neðstu myndinni minnir á einhvern.  Ég veit bara ekki hvort að það Geir Haaarde eða Steingrím J. 

[Bergur Ísleifsson (IP-tala skráð) 6.3.2012 kl. 13:13]

Þessi neðsti er sá eini sem er búinn að fatta að þetta er endirinn.

[Ásthildur Cesil Þórðardóttir, 6.3.2012 kl. 16:17]

Hann minnir mig á einhvern

[Hjóla-Hrönn, 7.3.2012 kl. 22:56]

Kjartan Gunnarsson kannski?

Sumar fisktegundir get ég ekki borðað eftir að hafa unnið í frystihúsi. Holdið er bara svo misjafnt, sumir eru slepjulegir hráir en stinnir soðnir. Þá lykta þeir misvel. Skötuselur er afskaplega bragðgóður, minnir á humar. Ég er hins vegar ekki viss um að ég hefði lagt mér hann til munns ef ég hefði séð mynd af honum... Ekki það að þorskurinn sé svo smáfríður, bara maður er vanur honum.

[Sigurbjörg Sigurðardóttir, 11.3.2012 kl. 13:34]