Stórfenglegt! Ótrúlega flott!

  Það getur verið gaman að dvelja í þessari kanadísku byggingu að vetri til,  svona upp á úrsýni og stemmningu að gera.  Hins vegar er varasamt að hafa börn í lausagöngu um nágrennið.  Að minnsta kosti ef þau eru á sleipum skóm og glannast. 

  Salerni er í risi á 5. hæð.  Í gegnum þunna glerplötu á gólfi baðherbergisins sér alla leið ofan í kjallara.  Stranglega er bannað að fjölmenna inn á gólf.  Sömuleiðis er betra að hafa vara á ef fólk er í mikilli yfirvigt.  Að auki er bannað að stökkva inn á gólf á skóm með pinnahæl úr járni.  Það er ekkert gaman að pompa niður í kjallara innan um glerbrot.

 

Athugasemdir

[Hjóla-Hrönn, 25.4.2012 kl. 12:30]

Eitt magnaðasta salerni sem ég hef komið inn á var á kaffihúsi í París. Þá þurfti maður að ganga upp 7 tröppur inni á salerninu og herbergið var með speglum í bak og fyrir, þannig að maður gat séð sig frá öllum sjónarhornum. Útlitið var svolítið drottningarlegt, rauður dregill upp að postulíninu, ég sé eftir að hafa ekki kíkt inn á karlasalerni til að sjá útfærsluna þar.

Næst skemmtilegasta salernið sem ég fór inn á var í London. Flísarnar voru svo hrikalega fallega bleikar og með mosaikmynstri að maður féll í stafi við inngönguna og eiginlega gleymdi að ganga örna sinna.

Maður þyrfti eiginlega alltaf að vera með myndavél á sér, maður veit aldrei hvenær maður rekst á falleg náðhús.

[Sigurður I B Guðmundsson, 25.4.2012 kl. 17:31]

Hvernig væri að byggja eitt stykki hótel við Gullfoss og kannski annað við Dettifoss???

[Axel Jóhann Hallgrímsson, 25.4.2012 kl. 19:57]

Mönnum hlýtur að bregða að fara þetta salerni og komast að því að ekkert sé undir þeim.

[Jens Guð, 26.4.2012 kl. 00:03]

  Hjóla-Hrönn,  takk fyrir þessar skemmtilegu sögur.

[Jens Guð, 26.4.2012 kl. 00:03]

  Sigurður I.B.,  góðar ábendingar fyrir viðkomandi staðarhaldara.

[Jens Guð, 26.4.2012 kl. 00:04]

  Axel Jóhann,  góður!

[Jens Guð, 26.4.2012 kl. 00:10]

  Til að allrar sanngirni sé gætt þá verð ég að upplýsa að efri myndin er pínulítið færð í stílinn.  Fossinn skemmtilegi er ekki eins nálægt byggingunni og þarna virðist.  Hann er í raun fjær.  Hins vegar er myndin af salernisaðstöðunni alveg eins og hún er.