Merkustu rokkgítarleikararnir

  Blaðamenn næst söluhæsta bandaríska poppblaðsins,  Spin,  (Rolling Stone er söluhæst) hafa sett saman verulega áhugaverðan lista yfir merkustu (greatest) gítarleikara rokksögunnar.  Það sem gerir listann spennandi er að tæknilegur erfiður gítarleikur,  fingrafimi,  hraði og þess háttar telja ekki heldur nýsköpun, framsækni og áhrif á framvindu rokkgítarleiks.  Fyrir bragðið eru hvorki Robert Johnson né Eric Clapton á listanum. 

1 Lee Ranaldo ogThurston Moore (Sonic Youth)

  Indie-rokk síðasta aldarfjórðungs hljómaði allt öðru vísi án Sonic Youth.  Takið eftir sólókaflanum sem hefst frá og með mínútu 1.33.  Aftur á mínútu 2.44.  Þar er ekki loftfimleikum fyrir að fara að hætti klisjukallanna í bransanum.  Þess í stað látlaus, seyðandi og svalur gítarleikur.  Svo sem líka undir sungnu köflunum.

2 Kevin Shields (My Bloody Valentine)

  Lætur gítarinn hljóma eins og eitthvað allt annað.

3 John Fahey

  John heitinn Fahey fæddist 1930-og-eitthvað.  Hann hefur haft gríðarmikil áhrif á fjölda tónlistarmanna,  allt frá Will Oldham til Glenns Jones.

4 Kurt Cobain (Nirvana)

  Kurt var fjarri því tæknilega fær gítarleikari.  En gítarleikur hans túlkaði tilfinningar hans og persónuleika frábærlega vel.  Meira að segja hvernig hann hittir á súra nótu í þessu ofur einfalda lagi.

5 J Mascis (Dinasaur Jr.)

  Brúar bilið á milli Neils Youngs og Prince og Minor Threat.

6 Prince

7 Tom Verlaine ogRichard Lloyd (Television)

8 Johnny Ramone (Ramones)

9 Eddie Hazel (Funkadelic)

10 Jam Master Jay (Run-DMC)

11 Ron Asheton (The Stooges)

12 Andy Gill (Gang of Four)

  Andy Gill var fyrsta anti-gítarhetjan.  Hann var og er mjög flinkur gítarleikari.  Sem unglingur var hann þekktur (í kunningjahópnum í Leeds í Englandi) fyrir að spila eins og Jimi Hendrix.  Kunni hans gítarleika aftur á bak og áfram. Pönkbyltingin 1976/´77 kúventi viðhorfi Andys til rokktónlistar og gítarleiks.  Hann ákvað að spila eins ólíkt gítarhetjum hipparokksins og hægt væri.  Gítarsólóin afgreiddi hann í naumhyggju en fönkaði þar fyrir utan.  Gang of Four varð fyrirmynd ótal hljómsveita,  allt frá Red Hot Chili Peppers til Franz Ferdinand.  

13 The Edge (U2)

  Írski gítarleikarinn The Edge er stundum kallaður besti lélegi gítarleikari heims.  Klingjandi snyrtilegur naumhyggju gítarleikur hans er vörumerki U2.

14 Kerry King ogJeff Hanneman (Slayer)

15 Greg Ginn (Black Flag)

Athugasemdir

[Þorsteinn (IP-tala skráð) 5.5.2012 kl. 23:40]

En hvað með John Lennon, Paul Mccartney og George Harrison?

[Jens Guð, 5.5.2012 kl. 23:54]

  Þorsteinn,  þeir eru ekki á þessum lista.  Reyndar nefna Spin menn að Kurt Cobain hafi spilað Lennon-ískan gítarleik.  Kurt fór heldur ekki leynt með aðdáun sína á gítarleik Lennons.

[Bárður Örn Bárðarson, 6.5.2012 kl. 01:00]

Þungarokkarar sem hamast á gítarnum með gítarnöglinni hefur ekkert með gítarleik að gera. Þetta er fyrir gert og unnið með ákvðin markhóp lesenda í huga. Þú átt ekki að kaupa svona ódýra vitleysu Jen, Þú ert búinn að pæla meira í tónlist en það.

[Jens Guð, 6.5.2012 kl. 01:14]

  Bárður Örn,  það er alltaf gaman að svona samkvæmisleik.  Þessi listi er sérlega skemmtilegur einmitt vegna þess að hann hleypur framhjá þungarokksklisjunum,  tónstigaklifrinu og því öllu.

[Heimir Tómasson, 6.5.2012 kl. 11:05]

Þetta er merkilegur listi, ekki síst fyrir það að Slayer félagarnir eru á honum. En Spin nær því reyndar réttu. KK og JH hafa hrifið ótalmarga gítarleikara einmitt með því að láta sólóin passa við lagið og taktinn frekar einhvern tónstiga sem að kannski er músíkalskt réttur en passar engan veginn við stemmninguna í laginu.

Það er svo merkilegt að eini íslenski gítarleikarinn sem að gæti passað á þennan lista væri Þórður Árnason. Hlustið bara á sólóið í Vill einhver elska.

[Jens Guð, 6.5.2012 kl. 12:36]

  Heimir,  það er gaman að sjá Slayer-drengina á listanum,  því hann er ekki þungarokksvænn.  ÞÁ er lunkinn gítarleikari.

[hilmar jónsson, 6.5.2012 kl. 20:58]

Edge hefur óneitanlega skapað ódauðlegan stíl með mandólín sólóunum sínum og vel að því kominn að vera á listanum.

[Grrr (IP-tala skráð) 7.5.2012 kl. 00:11]

Tony Iommi og Jimmy Page, hvar eru þeir?

[Jens Guð, 7.5.2012 kl. 00:14]

  Hilmar,  ég er sammála.  Áhrifa frá gítarleik The Edge gætir á ólíklegustu stöðum.  Til að mynda á síðustu plötu Hebba Guðmunds. 

[Jens Guð, 7.5.2012 kl. 00:19]

  Grrr,  þeir eru ekki á listanum.  Þessi listi skautar framhjá þeim sem kunna klisjur þungarokksgítarsins aftur á bak og áfram. 

[stefán (IP-tala skráð) 7.5.2012 kl. 12:52]

Hvar er Jimi Hendrix, áhrifamesti gítarleikari rokksögunnar? Þetta er hlægilegur listi.

[Jens Guð, 7.5.2012 kl. 19:15]

  Stefán, já, Hendrix er eiginlega sá eini sem ég sakna á listanum.  Hinsvegar er þetta bráðskemmtilegur listi.  Ef rennt er í gegnum sýnishornin á myndböndunum er þar margan skemmtilegan gítarleik að heyra.