Útigrill eru lífshættuleg

  Þess eru fjölda mörg dæmi að fólk hafi fárveikst vegna kolsýrings frá útigrilli.  Í verstu tilfellum hefur þetta valdið dauða.  Þegar ég skrapp til Skotlands um daginn var fyrirferðamikil í breskum fjölmiðlum frétt af dauðsfalli 6 ára stúlku,  Isabelle Harris.  Hún var ásamt foreldrum sínum á tjaldstæði í New Forest í Hants.  Foreldrarnir grilluðu kjöt á litlu kolagrilli fyrir utan tjaldið.  Stelpan var inni í tjaldi.  Framhlið þess var opin upp á gátt. 

  Í meðfylgjandi frétt mbl.is var hins vegar einnota grill inni í tjaldi 14 ára stúlku sem lést um helgina.

  Í fréttum af dauðsfalli 6 ára stúlkunnar kom fram að í fyrra hafi nokkrir fullorðnir einstaklingar látist í tjaldi á Englandi af völdum eiturgufa frá kolagrillum.  Svo virðist sem tjöld loftræsist ekki nægilega vel.  Þess vegna er áríðandi að hafa kolagrill í góðri fjarlægð frá tjaldinu.

  Myndin sýnir tjaldið sem Isabelle var í og grillið fyrir utan.

   

Fékk eitrun frá einnota grilli og lést

Athugasemdir

[Sigurður I B Guðmundsson, 8.5.2012 kl. 12:26]

Gott hjá þér að benda á þessa hættu þegar aðal grilltíminn er að byrja.

[Anepo, 8.5.2012 kl. 14:22]

Fyrsta sem ég hugsaði þegar ég las fréttina og ég biðst afsökunar á ensku slettu en "Oh for fucks sake!" Hver geymir eiginlega fjárans grill sem er búið að nota INNI í tjaldi?

Þetta er í FYRSTA sinn sem ég heyri að einhver hefur gert það.

[Jens Guð, 9.5.2012 kl. 00:48]

  Sigurður I.B.,  það er full ástæða til að vera á varðbergi.  Útigrill drepa.

[Jens Guð, 9.5.2012 kl. 00:50]

  Anepo,  fólk tjaldar fjarri bíl sínum.  Það vill ekki að einnota grillið sé eins og rusl fyrir utan tjaldið.  Það kippir grillinu inn í fortjaldið.  Og þá verður slys með þessum afleiðingum. 

[Fjölnir (IP-tala skráð) 9.5.2012 kl. 02:28]

Dóu ekki nokkrir í fjallakofa hér á Íslandi fyrir nokkrum árum út af því að menn höfðu gashitara á yfir nóttina?

[Jens Guð, 10.5.2012 kl. 00:33]

  Fjölnir,  það mun rétt vera.  Það hafa fleiri Íslendingar dáið úr kolsýringseitrun.