Töffaðasta gigtin - verið samt á varðbergi! Hún er lúmsk

  Ég man ekki hvort ég hafði heyrt orðið þvagsýrugigt áður en það kom upp í spjalli við lækna á Borgarspítalanum fyrir nokkrum dögum (sjá síðustu bloggfærslu).  Þetta er hin áhugaverðasta gigt. 

  Þvagsýra (gout) er í blóði okkar allra.  Lífsnauðsynleg.  Hún er efnasamband sem myndast í líkamanum við niðurbrot púrins. Púrin er í miklu magni í kjöti.  Einnig í innmat, kjötsósum, fuglum, fiskum og ýmsu öðru.  Hækkað hlutfall þvagsýru getur myndað nálarlaga kristalla í liðamótum.  Það er ekki gott.  Algengast er að kristallarnir valdi leiðindum í stórutá.  Hún verður aum og vandræðaleg.  Annars er allur háttur á.

   Margir eru með þvagsýrugigt án þess að vita af því.  Geta jafnvel fengið þvagsýrugigtarköst án þess að veita því eftirtekt.  Halda að þeir hafi rekið sig í eða eitthvað þess háttar.  Kastið líður hjá og menn gleyma þessu.

  Ef ekkert er að gert getur þetta meðal annars leitt til liðagigtar, nýrnaskemmda og steinamyndunar í þvagfærum (nýrnasteinar og svoleiðis).

  Áverki á liðamót, þreyta og slappleiki geta hrundið af stað þvagsýrugigtarkasti.

  Ef liður bólgnar eftir smávægilega áverka er ástæða til að leita til læknis og kanna hvort um þvagsýrugigt sé að ræða.  Það er betra að hafa vaðið fyrir neðan sig. 

  Þvagsýrugigt er eina gigtin sem hægt er að halda algjörlega niðri með lyfjum.  Þess vegna er þvagsýrugigtin töffaðasta gigtin.  Aðrar gigtar eru hallærislegar.

.

Þvagsýrugigt: Vísifingur 

.

Leiðindi í löngutöng

Athugasemdir

[Ómar Ragnarsson, 28.5.2012 kl. 10:09]

Þvagsýrugigtin mun hafa verið kölluð "aðalsmannaveikin" fyrr á öldum, vegn þess að það var helst aðallinn sem bjó við mataræði, sem olli þessari gigt.

Faðir minn heitinn, sem var mikill matmaður, enda snilldarkokkur og lærður bakarameistari, og þótti auk þess sopinn góður, fékk þessa gigt í hnén á efri árum, og lenti að lokum fyrir læknamistök í hjólastól. Víst er hún töff! 

[Sigurður I B Guðmundsson, 28.5.2012 kl. 10:15]

Takk fyrir þessar upplýsingar DOKTOR JENS!!

[hilmar jónsson, 28.5.2012 kl. 17:28]

Óska þér til hamingju með gigtina Jens, það eru ekki allir sem detta í svona lukkupott.h

En mikið djöf eru myndirnar eitthvað ókræsilegar.

[sæunn guðmundsdóttir (IP-tala skráð) 29.5.2012 kl. 00:22]

jabb töffaraskapurinn erþer í brjóst borinn!!! hehe litla hallærislega systir þin bara með vefjagigt demm!!!!!! :)

[Ómar Ingi, 29.5.2012 kl. 00:39]

Aðallega alkóhilistar sem fá þessa tegund gigtar , þess vegna var hún kölluð í bretlandi aðalsmannaveikin enda höfðu þeir efni á brennsanum sem oftar en ekki var ginið sem seinna var kallaður kreppudrykkurinn.

[Jens Guð, 29.5.2012 kl. 22:52]

  Ómar,  það sem er töff við þessa gigt er að hún er sú eina sem hægt er að halda alveg niðri með lyfjagjöf.  Sennileg er sú uppgötvun það ný að hún hefur ekki verið til þegar faðir þinn stríddi við þetta mein.

[Jens Guð, 29.5.2012 kl. 22:52]

  Sigurður I.B.,  takk fyrir innlitið.

[Jens Guð, 29.5.2012 kl. 22:53]

  Hilmar,  myndirnar eru ljótar.  Ég ætla að manneskjan á næst neðstu myndinni hefði getað skorið á og sogað kristalnálarnar burt.

[Jens Guð, 29.5.2012 kl. 22:54]

  Sæunn,  vefjagigt er hallærisleg.

[Jens Guð, 29.5.2012 kl. 22:57]

  Ómar Ingi,  læknarnir sögðu mér að þetta sem þú heldur fram sé þjóðsaga.  Ég sé það líka á www.gigt.is að þar segir að áfengi orsaki ekki þvagsýrugigt.  Og síst af öllu brenndir drykkir á borð við gin.  Aftur á móti geti rauðvín og portvín ýtt undir gigtarkast.

[Siggi Lee Lewis, 2.6.2012 kl. 22:43]

Hún er nokkuð töff þessi. Svokölluð rokkaragigt. Annað orð yfir þvagsýrugigt er "heimkoma"

[Jens Guð, 3.6.2012 kl. 00:26]

  Heimkoma er gott nafn.  Maður fer ekki mikið að heiman með þvagsýrugigtarkast.  Ég þurfti einmitt að fresta ferð til Boston um 2 vikur þegar svona kast kom upp fyrir 2 árum.