Gamla kjaftfora og ruddalega fólkið

  Þegar ég var barn og unglingur var gamalt fólk afskaplega kurteist og orðvart.  Nema afi minn.  Annað gamalt fólk var svo vandað til orðs og æðis að ef upp kom alvarlegt ágreiningsefni sagði það í mesta lagi:  "Má ég vinsamlegast biðja yður,  frú Ingibjörg, um að loka á yður trantinum."  Ingibjörg svaraði:  "Ef þér gerið það líka,  herra Haraldur,  þá er mér að reiðulausu."  Þar með snéri gamla fólkið sér eitthvert annað.  Bauð krökkum brjóstsykur eða kandísmola og fór að lesa Íslendingasögurnar.

  Núna er ég sjálfur kominn í hóp eldra fólks.  Það er orðin breyting á.  Eldra fólk er ruddalegra en áður.  Jón heitinn Reiðufé (Johnny Cash) var brosmildur og hláturgjarn ungur maður.

  Er árin færðust yfir sýndi hann af sér árásagjarnari hegðun.

  Hárgreiðslan varð villtari, sem og augnráðið.

  Hann sýndi látbragð af minnsta tilefni eins og hann vildi kirkja nærstadda.  Annað eldra fólk er farið að gefa ögrandi skilaboð með áletrun á fatnaði.

  Þessi varar við vínarpylsunni sinni.

 

Athugasemdir

[Sigurður I B Guðmundsson, 6.6.2012 kl. 07:35]

Samt hefur Grýla skánað hin síðari ár!!!

[Sigurður I B Guðmundsson, 7.6.2012 kl. 17:52]

Ég er orðinn ósköp einmanna hérna.!!

[Jens Guð, 7.6.2012 kl. 21:14]

  Sigurður I.B.,  þú þarft samt ekki að láta þér leiðast.  Innlit á síðuna eru á bilinu 10.000 - 15.000 á mánuði.  Hinsvegar skilja fæstir eftir sig spor (nema á heimsóknateljaranum).  Fólk er feimið.