Láttu fullan bensíntank endast lengur

  Er bensínkostnaðurinn að íþyngja þér?  Það þarf ekki að vera svo.  Með einfaldri aðgerð - sem allir geta framkvæmt - má láta fullan bensíntank endast ótrúlega lengi.  Það eina sem þarf er gott límband.  Helst svart einangrunarteip.  Þegar bensíntankurinn hefur verið fylltur þarf að losa hlífðarplastið af bensínmælinum, líma nálina og þvinga þannig bílinn til að keyra á fullum tanki.

 

Athugasemdir

[Sigurður I B Guðmundsson, 7.6.2012 kl. 06:28]

Mikið er ég óheppinn að eiga díselbíl!!

[Grrr (IP-tala skráð) 7.6.2012 kl. 08:05]

Má þá nota þetta á hitaveituna og ýmsa mæla

[Ásthildur Cesil Þórðardóttir, 7.6.2012 kl. 09:36]

Hahaha annars er ég nokkuð ánægð með mína bíla smábílnum get ég ekið til Hveragerðis frá Ísafirði og dálítið til baka líka.  Og díselbíllnum mínum ók ég fullum frá Hveragerði um hvítasunnuna á einum tanki og hef ekki ennþá tekið olíu.  Það er bara nokkuð sparneytið og gott verð ég að segja.

[Jens Guð, 7.6.2012 kl. 21:15]

  Sigurður I.B.,  það er enginn heppinn alltaf.

[Jens Guð, 7.6.2012 kl. 21:16]

   Grrr,  ég held að það sé bannað með lögum að fikta í þeim.

[Jens Guð, 7.6.2012 kl. 21:20]

  Ásthildur Cesil,  þú hefur klárlega náð svokallaðri sparaksturs tækni.  Ég kann hana ekki en skilst að hún felist meðal annars í því að halda jöfnum hraða, taka aldrei þjösnalega af stað,  fara aldrei yfir 90 á sléttlendi eða upp á móti og eitthvað svoleiðis.

[Ásthildur Cesil Þórðardóttir, 7.6.2012 kl. 21:24]

Ekki alveg þannig Jens minn, hún felst í því að aka mestmegnis á 90 km. en svo kemur að aka eftir aðstæðum, hemla sjaldan og undirbúa hæðirnar vel, ég til dæmis ók þær flestar í 5.gír með nægu tillhlaupi.  Það skiptir máli sérstaklega þetta með hemlanir í tíma og ótíma og að undirbúa hæðirnar.