Ekki henda gamla bílnum!

  Íslensk veðrátta er þannig að bílar koma jafnan illa undan vetri.  Sérstaklega ef þeir eru komnir til ára sinna.  Viðbrögð margra eru að henda bílnum á haugana, eins og hverju öðru ónýtu rusli.  Kaupa sér síðan nýjan bíl.  Af því að það er komið sumar og sól þá kaupa menn rándýrt grill í leiðinni.  Fátt er betra en grillaður humar, steikjandi sól og kaldur bjór.   

  Það er hræðileg sóun á dýrmætum gjaldeyri að henda bíl á haugana og kaupa grill.  Flestir bílar eru hannaðir þannig að upplagt er að nýta þá sem úrvals grill.  Meira að segja grill með ljósum.  Og stefnuljósum.  Hver hefur ekki heyrt talað um grillið á bílnum - án þess að átta sig á um hvað er rætt?

Það er notalegt að hlýja sér á maganum á volgu grilli eftir að borðhaldi er lokið,  búið að vaska upp og ganga frá. 

Athugasemdir

[Ásthildur Cesil Þórðardóttir, 10.6.2012 kl. 13:55]

Hahaha þetta er frábær hugmynd. 

[Emil Hannes Valgeirsson, 10.6.2012 kl. 14:07]

Ég er dálítið að spá í þessar heilmiklu rakettur sem eru til vinstri á miðjumyndinni.

[Ásthildur Cesil Þórðardóttir, 10.6.2012 kl. 16:17]

Jamm tundurskeyti ekki kom ég auga á þetta  Þessi mynd sem þú bættir við Jens er hmmm alveg hroðaleg ef satt skal segja.  Þetta væri ágætis bókfell ef hún yrði "rúin" aðeins

[sæunn guðmundsdóttir (IP-tala skráð) 10.6.2012 kl. 18:41]

hehehe snilld ,grillað lið!!

[Jens Guð, 10.6.2012 kl. 22:11]

  Ásthildur Cesil,  þetta er vinsælt hjá rauðhálsunum (rednecks) í Suðurríkjum Bandaríkjanna.  Þeir henda aldrei bílum heldur fá bílarnir annað hlutverk þegar þeir verða óökufærir.

[Ásthildur Cesil Þórðardóttir, 10.6.2012 kl. 22:13]

Þetta er tær snilld segi og skrifa....

[Jens Guð, 10.6.2012 kl. 22:20]

  Emil Hannes,  ég var ekki búinn að taka eftir rakettunum.  Þetta er einkennilegt.  Ég átta mig ekki á fánunum sem blakta við hún í baksýn.  Né heldur kannast ég við svona langt og bleikt skráninganúmer.  Þetta er klárlega ekki í Vestur-Evrópu né Norður-Ameríku.   

[Jens Guð, 10.6.2012 kl. 22:21]

  Ásthildur Cesil (#3),  mér þótti þessi mynd svo fyndin að ég stóðst ekki mátið að bæta henni við.

[Jens Guð, 10.6.2012 kl. 22:23]

  Sæunn,  þau eru að grilla í liðinu.

[Jens Guð, 10.6.2012 kl. 22:26]

  Ásthildur Cesil (#6),  ég tek undir það.

[Sigurbjörg Sigurðardóttir, 12.6.2012 kl. 19:57]

Nú veit ég hvernig á að nota gamla vin minn,þegar hann gefst upp,og mig grunar að ekki sé lángt í það.En verð að fara á námskeið til að læra að Grilla.

[Ásthildur Cesil Þórðardóttir, 12.6.2012 kl. 20:47]

Hahaha Sigurbjörg áttu ekki mann?  það eru þeir sem grilla, við eldum matinn hins vegar