Ávextir eru ruslfæði

  í samanburði við súkkulaði.  Þetta hef ég eftir hjartalækni á sjúkrahúsinu Lonex Hill í Manhattan í Nýju Jórvík.  Hann - eða öllu heldur hún vegna þess að þetta er kona,  Susan Steinbaum - segir að súkkulaði innihaldi miklu meira af andoxunarefnum en ávextir.  Og jafnframt efni sem heitir polyfenól.  Þessi efni koma í veg fyrir hjartasjúkdóma,  háan blóðþrýsting,  hægja á öldrun og sitthvað fleira.  Susan ráðleggur fólki að fá sér frekar nokkra súkkulaðimola heldur en ávexti til að maula á.  Kannski er ágætt að blanda þessu saman?  Mér dettur það í hug.  Svona ef það er einhver ágreiningur um þetta.  Skella til að mynda einu kirsuberi ofan á súkkulaðið.

Athugasemdir

[Björn Emilsson, 27.6.2012 kl. 00:45]

Já, þeir segja að súkkulaði sé hollt og gott, en þá þarf það að vera dökkt súkkulaði, sem enginn vill!!!

[Jens Guð, 27.6.2012 kl. 01:03]

  Björn,  jú,  það er kakómassinn sem gildir.  Því hærra sem hlutfall hans er þeim mun dekkra og hollara er súkkulaðið.

[Sigurjón Jónsson, 27.6.2012 kl. 09:25]

Dökkt súkkulaði er langbest.

Ég er búinn að borða það á næstum hverjum degi í 45 ár og er sprækur ein og lækur.

[Ásdís Sigurðardóttir, 27.6.2012 kl. 14:36]

Borða smá súkkulaði hvern dag og er fitt og flott :)

[Heimir Lárusson Fjeldsted, 27.6.2012 kl. 15:19]

Hófsemdin er best í hverju sem er.

[Sigurður I B Guðmundsson, 27.6.2012 kl. 15:59]

Reyndu að finna eitthvað sem mælir með poppkornsáti fyrir mig!!!!

[Björn Emilsson, 27.6.2012 kl. 17:42]

Reglan virðist vera, allt sem er gott -á bragðið - er óhollt! Ikk?

[Jens Guð, 27.6.2012 kl. 18:31]

  Sigurjón,  þetta er enn ein staðfestingin á hollustu súkkulaðis.

[Jens Guð, 27.6.2012 kl. 19:22]

  Ásdís,  þetta virðist vera galdurinn.

[Jens Guð, 27.6.2012 kl. 21:44]

  Heimir,  að minnsta kosti öðru hverju.

[Jens Guð, 27.6.2012 kl. 21:51]

  Sigurður I.B.,  mér skilst að það sé deilt um hollustu poppkorns.  Það inniheldur andoxunarefni og er trefjaríkt.  Læknar og næringarfræðingar eru eitthvað ósáttir við saltið sem fylgir poppkorninu.

[Jens Guð, 27.6.2012 kl. 21:53]

  Björn,  það er ekki algild regla.  En á við um margt.

[Ágúst H Bjarnason, 28.6.2012 kl. 07:19]

Svo má ekki gleyma því að í ávextina vantar harða fitu til að húða æðakerfið að innan...

[Jens Guð, 28.6.2012 kl. 11:16]

  Ágúst,  takk fyrir ábendinguna.