Bráðskemmtileg hjólhýsi og áríðandi ábendingar

  Hjólhýsi og húsbílar eru í tísku hjá Íslendingum.  Það er sprengisala í þessum fyrirbærum.  Hún nær hámarki núna fyrir verslunarmannahelgina.  Yfir köldustu og snjóþyngstu vetrarmánuðina er dræm sala í hjólhýsum, húsbílum og fellihýsum.  Sala á fellihýsum er reyndar dræm allt árið.  Hjólhýsi og húsbílar eru málið.

  Fellihýsi er hallærisleg.  Þau eru ljót,  óstöðug í roki og það er fyrirhöfn að setja þau upp og taka þau niður.  Það er út í hött að vera með fellihýsi þegar hægt er að fá glæsileg hjólhýsi fyrir 7 milljónir og varla það.  Húsbílar kosta aðeins örfáum milljónum meira. 

  Margir byrjendur og fúskarar halda að munurinn á húsbíl og hjólhýsi sé sá að húsbíllinn sé blanda af bíl og húsi en hjólhýsið blanda af reiðhjóli og húsi.  Þessi munur þarf ekki að vera svona.  Hjólhýsi getur verið húsvagn.  Það er að segja yfirbyggður vagn á hjólum.  Algengast er að hjólhýsið sé fest aftan á bíl.  En það má líka draga það á fjórhjóli,  traktor og ýmsu öðru - ef fjölskyldunni liggur ekkert á.

   

  Fjölmennar fjölskyldur þurfa 2ja hæða hjólhýsi.

  Hjólhýsin eru flottust og náttúrulegust eftir því sem þau eru nettari,  timbrið fær að njóta sín betur og þau falla að landslaginu. 

  Þegar ferðast er með hænur er gott að hafa nettan stiga fyrir þær með í för.  Hænur eiga erfitt með flug en þeim gengur vel að rölta.

  Mikilvægt er að skorða hjólhýsi vel þegar það er ekki í notkun. 

Íslendingar velja hjólhýsi

Athugasemdir

[Jóna Kolbrún Garðarsdóttir, 2.8.2012 kl. 01:32]

Frábærar myndir

[Sigurður I B Guðmundsson, 2.8.2012 kl. 09:37]

Í "gamla daga" var til eitthvað sem hét tjald og þótti flott og þægilegt!!

[Erla Magna Alexandersdóttir, 2.8.2012 kl. 15:56]

Hvítu tjöldin gömlu var þó hægt að stja í skottið-  eru þetta framfarir- vísindalega seð ???

[Sigurður I B Guðmundsson, 2.8.2012 kl. 20:12]

Ætli stór hluti þjóðarinar hafi ekki orðið til í þessum hvítu botnlausu tjöldum við mikla rómantín og kertjaljós.

[Sigurður I B Guðmundsson, 2.8.2012 kl. 20:26]

Rómantík átti þetta að vera. Erótík hvað!!!!