Blóðhlaupni Bjarni

  Það hefur ekki farið framhjá neinum - sem á annað borð fylgist vel með - að heitasta nafnið í rokkabillý-senunni,  Bloodshot Bill,  er á leið til landsins.  Þessi kanadíski stuðbolti treður upp á Gamla Gauknum á laugardaginn.  Húsið opnar klukkan 21.00.  Í boði verður 2 fyrir 1 (sælustund,  "happy hour") á barnum þangað til Langi Seli & Skuggarnir stíga á stokk um klukkan 22.00. 

  Þeir eru þekktir fyrir að rífa fjörið upp á rassgatinu.  Áhorfendur verða komnir í hæsta gír þegar Bloodshot Bill tekur við.  Og sá kann nú aldeilis trylla lýðinn.   

  Með því að smella á þennan hlekk fást nánari upplýsingar um viðburðinn:  http://www.jensgud.blog.is/blog/jensgud/entry/1251813/

  Með því að smella á eftirfarandi hlekk og stilla á mín 31.30 má heyra umfjöllun Andreu Jóns á rás 2 um Bloodshot Bill:  http://www.ruv.is/sarpurinn/popppressan/08082012-0  Það er reyndar gaman að hlusta þáttinn hennar frá byrjun til enda.

  Eins og þar kemur fram syngur Bloodshot Bill og spilar samtímis á trommur og gítar.  Fyrir hljómleikana hér þarf að redda honum ýmsum græjum að hans óskum.   Hann kemur þó með bassatrommuna sjálfur.

Athugasemdir

[Gunnar Heiðarsson, 10.8.2012 kl. 00:05]

Ekki get ég sagt að ég fylgist sérstaklega með rokkabilly músikinni eða hvað nýjast er á því svið, þó vissulega sé hægt að segja að þessi músik sé eyrnavæn. Þetta er því í fyrsta skipti sem ég heyri og sé Billa spila og ekki verður sagt að upplifunin hafi orðið neitt sérstök. Fékk reyndar hellu fyrir eyrun fljótlega eftir að hann hóf upp raust sín, svo kannski það hafi eitthvað skemmt fyrir.

En myndbandið með Langa Sela var gott og hvarf hellan frá eyrum mér strax og það var spilað.

Þar sem ég hafði nú náð heyrninni aftur, gerði ég tilraun til að skoða annað myndband með Billa, en það var eins og við mannin mælt, hellan skall á eyrum mér og nú öllu verri. Nú sit ég hér og skrifa athugasemd, þar sem mér er ómögulegt að heyra miðnæturfréttirnar. Verð að skreppa á youtube og finna myndband með Langa Sela og sjá hvort ekki sé hægt að laga aftur heyrnina.

[Jens Guð, 10.8.2012 kl. 01:02]

  Gunnar,  þú getur líka smellt á hlekkina sem ég gef upp í færslunni.  Þar eru fleiri myndbönd með Langa Sela og einnig með Bloodshot Bill.

[best ipad keyboard (IP-tala skráð) 30.8.2012 kl. 06:55]

Thank you for you can provide the information china wholesale