Viltu græða hellings pening?

  Ég er með frábæra viðskiptahugmynd.  Hún mun klárlega færa þeim góðar tekjur sem á hana stekkur og hrindir í framkvæmd.  Viðkomandi verður það sem kallast auðmaður.  Eða því sem næst.  Sjálfur er ég upptekinn í öðrum verkefnum.  Þess vegna velti ég hugmyndinni til ykkar.

  Þetta er málið:  Íslendingar eru æstir í pylsu,  "eina með öllu", eins og það kallast.  Það sem fyrst þarf að finna er plastumbúðir sem henta undir "eina með öllu".  Næsta skref er að sjóða nokkrar pylsur.  Til þess þarf aðeins kaffikönnu:

  Síðan er pylsa sett í pylsubrauð ásamt meðlæti.  Þetta er sett í plastbakka og selt í verslanir sem selja samlokur.  Þar sómir pylsan sér vel innan um langlokur,  horn,  pastabakka og slíkt. 

  Virkar þetta?  Kaupir fólk "eina með öllu" úr kæliborði verslana?  Já.  Þetta gengur vel í Frakklandi.  Ég sá það í verslunum í París. 

  Þar er pylsan seld með sinnepi, osti og einhverju svoleiðis.  Hérlendis þarf að hafa tómatsósu og lauk með.  Fyrir Akureyrarmarkað þarf að hafa rauðkál að auki.

Athugasemdir

[AK-ureyringur (IP-tala skráð) 5.9.2012 kl. 23:36]

...og kók í bauk

[Sigurður I B Guðmundsson, 6.9.2012 kl. 07:32]

Og eiga nafnið Bæjarins Bestu!!!

[Sólbjörg, 6.9.2012 kl. 10:19]

Kaupa kalda pylsu í köldu brauði??

[Sigurður I B Guðmundsson, 6.9.2012 kl. 10:25]

Mætti hita upp í örbylgjuofni, ekki satt??

[Ásthildur Cesil Þórðardóttir, 6.9.2012 kl. 12:15]

Allt er nú til hehehe.

[Jens Guð, 6.9.2012 kl. 20:48]

  AK-ureyringur,  það er ómissandi með.

[Jens Guð, 6.9.2012 kl. 20:49]

  Sigurður I.B., gott nafn.

[Jens Guð, 6.9.2012 kl. 20:51]

  Sólbjörg,  það gera Frakkar.  Þeir jórtra á kaldri pylsunni beint úr kæliborðinu, alveg eins og Íslendingar snæða kalda pastarétti, vefjur, langlokur, horn, samlokur og fleira beint úr kæliborðinu.

[Jens Guð, 6.9.2012 kl. 20:52]

  Sigurður I.B. (#4), jú, það er einn möguleikinn að nota örbylgjuofn - ef maður er á ferðalagi með svoleiðis grip.

[Jens Guð, 6.9.2012 kl. 20:53]

  Ásthildur Cesil, ég er eiginlega undrandi á að þetta sé ekki þegar í kæliborðum íslenskra verslana.

[V.Jóhannsson (IP-tala skráð) 6.9.2012 kl. 21:15]

Pulsusamlokurnar fæst m.a.í ALDI og LIDEL og örugglega ódýrast að flytja þær inn frá framleiðandanum, hver sem hann er. Það á ekki að framleiða neitt sjáfur, heldur á maður að vera milliliðu, það er að segja, ef þú vilt efnast.

[Jens Guð, 6.9.2012 kl. 21:54]

  V. Jóhannsson, takk fyrir upplýsingarnar.