Sparnaðarráð: Sparaðu tugi þúsunda króna!

  Margar konur kaupa sér pils á 20 - 30 þúsund kall.  Og nokkrir kallar líka.  Ýmsir,  kallar og konur,  verja álíka upphæð í að kaupa handa konum (og nokkrum köllum) pils til jólagjafa,  afmælisgjafa og annarra tækifærisgjafa.  Ég hef fundið leið til að lágmarka þennan kostnað við upphæð sem er innan við 1000 kall.

  Í Rúmfatalagernum,  Europrice og fleiri búðum má finna kodda sem kosta undir 1000 kr.  Ráðið er að klippa ofan af þessum koddum og neðan af þeim.  Henda svampi sem er innan í koddunum og eftir stendur glæsilegt pils í fallegum litum og með myndum eða munstri.

Athugasemdir

[Sigurður I B Guðmundsson, 9.9.2012 kl. 13:47]

Um að gera að nýta svampinn líka t.d. geta konur notað hann í brjóstarhaldara og spara sér þannig brjóstastækkunar aðgerð með öllum þeim kostnaði og áhættu sem því fylgir. Svo getur karlinn fengið smá bút og troðið í nærbuxurnar til að sýnast betur kýldur!!!

[Ásthildur Cesil Þórðardóttir, 9.9.2012 kl. 17:21]

Sko ég þyrfti sennilega svona fjóra púða til að ná utan um mig Síðan þyrfti ég sennilega svona fimm til viðbótar til að síkka pilsið miðað við aldur og fyrri störf.  Reikna með að plain pils kosti ekki yfir 9000 kall.  En fyrir mjónur er þetta auðvitað alveg kjörið og ég mæli með ráðum Sigurðar um notkunina á svampnum. 

[Jens Guð, 10.9.2012 kl. 13:25]

  Sigurður I.B.,  takk fyrir góð ráð!

[Jens Guð, 10.9.2012 kl. 13:26]

  Ásthildur Cesil,  takk fyrir innlitið.