Misheppnuð stækkun

  Fyrir 100 árum eða svo fann Marís M. Gilsfjörð upp aðferð og smíðaði frumstætt tæki til að stækka fólk.  Tækið var nánast aukaatriði.  Galdraþulur voru í aðalhlutverki.  Hann gat hvort heldur sem var lengt fólk eða stækkað á þverveginn.  Á þessum árum voru Íslendingar almennt nettir.  Það þótti ókostur í vindasömu veðri.  Einkum í smalamennsku og göngum í hvassviðri. 

  Einn af þeim sem Marís stækkaði var ungur maður úr Svarfaðardal,  Jóhann að nafni.  Svo klaufalega vildi til að Marís sofnaði í miðju stækkunarferli (illar tungur segja vegna ölvunar).  Þegar Marís rankaði við sér var Jóhann orðinn 2,34 metrar á hæð.  Þaðan í frá gekk Jóhann undir nafninu Jói risi.  Stærðinni fylgdu ókostir.  Það þurfti að sérsauma á hann allan fatnað og skó.  Hann fékk þó vinnu við að sýna sig í sirkusum í útlöndum.  Marís gaf foreldrum Jóhanns 5% afslátt á taxta vegna mistakanna.  Að auki gaf hann þeim stimpil með mynd af stjörnu og annan með broskalli.

   Marís dró sig í hlé í kjölfar þessa atburðar.  Sumir héldu því fram að hann skammaðist sín dálítið.  

 

Athugasemdir

[Ásthildur Cesil Þórðardóttir, 23.9.2012 kl. 22:59]

Hahahahahahaha En hvað með Didda dverg?

[Axel Jóhann Hallgrímsson, 24.9.2012 kl. 06:55]

[Þ. Saari (IP-tala skráð) 24.9.2012 kl. 07:33]

Er þetta tæki enn til?

[Jón í útlöndum (IP-tala skráð) 24.9.2012 kl. 16:41]

En hélt hann áfram með stimplana?  Mig leikur grunur um að langafi minn hafi verið farandstimpilsölumaður sem átti ferð um sveit langömmu minnar um svipað leiti, eða nokkrum árum síðar.  Ég erfði forláta stimpil af henni með bókstafina MMG rista á skaftið.  Kannski er Marís minn maður.

[Jens Guð, 24.9.2012 kl. 22:46]

  Ásthildur Cesil,  ég veit ekki hver það er.

[Jens Guð, 24.9.2012 kl. 22:46]

  Axel Jóhann,  takk fyrir innlitið.

[Jens Guð, 24.9.2012 kl. 22:46]

  Þ.Saari,  ég veit það ekki.

[Jens Guð, 24.9.2012 kl. 22:47]

  Jón í útlöndum,  ég hef lúmskan grun um að Marís sé afi þinn.