Farsímar eru varasamir

 

  Því hefur löngum verið haldið fram að farsímar séu skaðlausir með öllu.  Vísað er í rannsóknir sem sanna þetta.  Gallinn er sá að það eru hagsmunaaðilar sem standa að rannsóknunum:  Farsímaframleiðendur og aðrir sem tengjast farsímaþjónustu.  Þegar á það er bent koma mótrök:  Farsímaframleiðendur þurfa fyrstir allra að fá vitneskju ef eitthvað er skaðlegt við farsímanotkun.  Þannig geta þeir brugðist við og afstýrt skaðabótamálum.

  Jú,  þetta er rétt.  En kapphlaupið um að selja sem flesta farsíma sem fyrst vegur þyngra.  Þess vegna er áherslan á að búið sé að rannsaka farsímanotkun með þeirri niðurstöðu að hún sé skaðlaus.

  Samt er það svo að ekki er talið æskilegt að ung börn séu mikið að blaðra í farsíma.  Einhverjar mælingar hafa sýnt að handfrjáls búnaður áreiti farsímanotanda meira en þegar símanum er haldið við eyrað.  Margir kannast við að hafa fengið hausverk af mikilli farsímanotkun.  Það er vísbending um að það sé að minnsta kosti ekki hollt að tala í farsíma. 

  Eigendur þessara eyrna áttu það sameiginlegt að tala mikið og lengi í farsíma.

Athugasemdir

[Ásthildur Cesil Þórðardóttir, 1.10.2012 kl. 23:04]

Þú ert að djóka í mér Jens

[Jón Frímann Jónsson, 1.10.2012 kl. 23:14]

Ég sé ekki betur en að eigendur þessara eyra hafi lent í að fá slæma sýkingu í eyra. Hefur ekkert með farsíma að gera. Eða þá að það hafi kvikað í farsímanum þeirra þegar þeir voru að tala í þá. Getur gerst útaf rafhlöðunni og galla í þeim, en það er afskaplega sjaldgæft að slíkt gerist.

Síðan er komin fram ný rannsókn sem bendir til þess að nota farsíma kemur í veg fyrir alzheimer sjúkdóminn.  Þar sem að heilinn þróar af einhverjum ástæðu mótstöðu við alzheimer sjúkdóminní kjölfarið á farsímanotkun. Vísindamenn skilja hinsvegar ekki almennilega ennþá afhverju þetta gerist. 

[GB (IP-tala skráð) 2.10.2012 kl. 08:30]

http://en.wikipedia.org/wiki/Mobile_phone_radiation_and_health

[Sigurður I B Guðmundsson, 2.10.2012 kl. 14:32]

Var að frétta að svona "sár" gætu þeir fengið sem blogga mikið í blogg puttann!!

[Arnar Pálsson, 2.10.2012 kl. 16:54]

Það er mjög erfitt að sanna að engin áhrif séu af nýrri tækni/fæðu/hegðun/hugsun.

En það hafa verið gerðar ítarlegar stúdíur og áhrif farsíma eru mjög væg, ef einhver.

Mobile phones: 'Still no evidence of harm to health'

http://www.bbc.co.uk/news/health-17843953

http://www.betterhealth.vic.gov.au/bhcv2/bhcarticles.nsf/pages/Mobile_phones_and_your_health

En ef þú vilt kynda undir ótta og fordómum með því að slá í þessa trumbu, þá gengur þú í stóran, fjörugan og háværan hóp.

[Jens Guð, 3.10.2012 kl. 00:50]

  Ásthildur Cesil,  nei,  þetta er ekki grínfærsla.  Það er öruggara að halda farsímanotkun í lágmarki.  Einkum hjá börnum.

[Jens Guð, 3.10.2012 kl. 00:54]

  Jón Frímann,  ég vona að þetta standist með alsæmerinn.  Pabbi minn var með þann sjúkdóm og ég held að þetta sé erfðasjúkdómur.

[Jens Guð, 3.10.2012 kl. 00:56]

  GB,  skaðleysi farsíma virðist ekki vera á hreinu.

[Jens Guð, 3.10.2012 kl. 00:57]

  Sigurður I.B.,  ég heppinn að blogga ekki mikið.  Þannig hef ég sloppið.

[Jens Guð, 3.10.2012 kl. 00:58]

  Arnar,  það er betra að fara varlega.

[Atli Viðar Engilbertsson (IP-tala skráð) 3.10.2012 kl. 11:18]

Mér sýnist nú meira vera að hjá þessum notendum farsímanna  en símunum sjálfum. Það lýtur út fyrir að hafa verið stöðug notkun símanna sólarhringum saman. Eða öllu heldur komið sýkingar af öðrum ástæðum. Þetta er ekki eðlilegt.

[Jens Guð, 4.10.2012 kl. 01:26]

  Atli Viðar, það er alveg klárt að það er sitthvað óeðlilegt hjá þessum eyrnaeigendum.  Kannski óeðlilega mikil farsímanotkun.  Kannski sýking af öðrum ástæðum.  En ljótt er að sjá þetta.