Þegar menn urðu að leggja töluvert á sig til að redda hlutunum

  Sumum þótti þetta all svakalega glæfralegt.  Enda mátti fátt út af bera til að illa færi.  Virkilega illa.  Öðrum þótti þetta spennandi og ævintýralegt.  Það fékk líkamann til að framleiða vænan skammt af adrenalíni sem leiddi til langvarandi vellíðunnar.  Það sem skipti samt mestu máli er að það varð að gera þetta þegar flugvélin drap á sér á flugi.  Það var ekki um annað að ræða en klifra út á hjólastellið, ná góðu taki á hreyfilblaði og snúa vélina í gang áður en hún tapaði of mikilli flughæð og myndi kollsteypast.

   Þegar svona henti þótti kostur ef veður var gott. 

Athugasemdir

[Bergur Ísleifsson (IP-tala skráð) 24.10.2012 kl. 22:53]

Erett ekki Ómar?

[Ásthildur Cesil Þórðardóttir, 25.10.2012 kl. 14:05]

Hér um árið var ég stödd fyrir sunnan og þurfti að komast heim, því miður var verkfall hjá flugmönnum eða flugumferðastjórum eða hvað man það ekki.  En Þá var ..hvað hét hann nú aftur Páll á tvíþekjunni sinni hann tók að sér að fljúga með fólk og lenti á sandinum í Bolungarvík.  Á miðri leið kviknaði í einum hreyflinum og stóðu logarnir út.  En Páll haggaðist ekki, einhvernveginn tókst honum að slökkva eldinn og svo var bara flogið til Bolungarvíkur eins og ekkert hefði í skorist.  Ég held að ég gleymi þessari flugferð aldrei. 

[Bjarni Gunnlaugur (IP-tala skráð) 25.10.2012 kl. 19:05]

Það var flugmaður í aftursætinu og svo var hann bundinn, svona ef einhver ætlar að fara að leika þetta eftir!

http://www.j3-cub.com/forum/f79/history-behind-photo-nc-88172-air-start-21116/

[Jens Guð, 25.10.2012 kl. 21:45]

  Bergur, nei, þetta er útlendingur í gamla daga. 

[Jens Guð, 25.10.2012 kl. 21:47]

  Ásthildur Cesil, takk fyrir þessa sögu.  Flugmenn verða greinilega að vera með stáltaugar.

[Jens Guð, 25.10.2012 kl. 21:51]

  Bjarni,  takk fyrir upplýsingarnar.  Gaurinn var bundinn svo hann myndi ekki stinga af og skilja flugmanninn einan eftir í vélarvana flugvél.

[Sigurbjörg Sigurðardóttir, 27.10.2012 kl. 15:04]

Góða helgi.