Varúð! Ekki fyrir lofthrædda

  Það er frískandi að sofa úti og anda að sér fersku fjallaloftinu;  glugga í bók áður en draumheimar kalla og horfa yfir skógi vaxnar fjallahlíðarnar.  Við þessar aðstæður getur verið varasamt að lenda á fylleríi.  Líka getur verið varasamt að velta sér mikið og brölta um í svefni.

  Fögur er hlíðin.  Eða gilið.  Maðurinn sem stendur efst til hægri stendur ekki nógu framarlega á klettabrúninni til að njóta stórbrotins útsýnisins til fulls.  Þetta er ragmenni.  Það er alveg hægt að standa næstum metra framar án þess að detta fram af. 

  Þetta er útsýnispallur í Kína.  Kosturinn við svona útsýnispall er að hægt er að njóta útsýnis betur og lofthræðsla er ekki alveg rökrétt.

  Þessi mynd er EKKI fótósjoppuð.  Það hefur ekkert verið átt við myndina.  Þetta gerðist í alvörunni.

  Þetta er frægur útsýnispallur í Noregi.  Hann heitir Preikistolen.

  Á myndinni hér þarnæst fyrir ofan - af manninum sem hangir neðan í flugdreka:  Maðurinn er svokallaður ofurhugi.  Hann kom sér viljandi í þessar aðstæður.  Ég las um þessa mynd fyrir margt löngu.  Maðurinn er þekktur í "stunt-bransanum".  Ég man ekki hvert tilefni þessa áhættuatriðis var.  Hvort það var sýningaratriði fyrir sjónvarp eða sett upp fyrir auglýsingu.  Kannski fyrir kvikmynd.  Þegar ég rakst á myndina aftur nýverið þá var ég búinn að gleyma tilefninu.  En þetta er ekki til eftirbreytni fyrir lofthrædda.

Athugasemdir

[Bjarni Gunnlaugur (IP-tala skráð) 5.11.2012 kl. 23:10]

Óhuggulegt að sjá brestinn í nabbanum á neðstu myndinni.  Ekki það að bjargið muni neitt um þessi kríli sem á því standa, en einhverntíman (kanski á næstu 100 árum) brotnar það og fellur og þá um brestinn!

[Ásthildur Cesil Þórðardóttir, 5.11.2012 kl. 23:29]

Jens ég er rosalega lofthrædd og bara þessar myndir kalla fram fiðring í minn annars ágæta maga, get svo svarið það.

[Kjartan (IP-tala skráð) 6.11.2012 kl. 12:03]

Ekki vil ég kalla Preikestolen útsýnispall, þetta er náttúruundur sem þegar hefur skriðið fram fjallið, sprungur má sjá á myndum og ekki er ólíklegt að kletturinn falli einhverntíman. Nokkuð auðvelt er að komast þarna upp smá ganga en ekki erfið, versti punkturinn er þegar gengið er fram á Preikestolen en þar er stutt nánast einstigi. Útsýnið er stórkostlegt hvort heldur til fjalla eða beint niður. Kom þarna fyrir nokkrum árum með konu og börn og held að enginn gleymi slíkri upplifun.

[Sigurður I B Guðmundsson, 6.11.2012 kl. 18:14]

Er hún að lesa kynlífsbiblíuna eða bara litlu gulu hænuna!!!