Besta aðferð til að þrífa ketti og hunda

 

 Ég sá þessa góðu uppskrift á fésbókarsíðu Önnu Sigríðar Karlsdóttur.  Uppskriftin á erindi við alla sem halda ketti eða hunda sem heimilisdýr.  Þetta er borðliggjandi frábær aðferð þegar vel er að gáð.  Hún er svona og númeruð til að allt fari fram í réttri röð.  Það er mikilvægt:

1. Lyftið upp lokinu á klósettinu og hellið hálfum bolla af Aloe Vera sjampói ofan í skálina.
2. Takið köttinn upp og talið róandi við hann á leiðinni inn á salernið.
3. Setjið köttinn ofan í klósettið og lokið.  Standið ofan á klósettsetunni til að ekkert fari úrskeiðis.

4. Á þessum tímapunkti fer kötturinn að framleiða froðu ofan í skálinni.  Leiðið hjá ykkur lætin því kötturinn hefur gaman af þessu og er að komast í hreinlætisstuð.
5. Sturtið niður í klósettinu þrisvar sinnum.
6. Opnið útidyrahurðina og gætið þess að ekkert sé í veginum. 
7. Standið fyrir aftan klósettið og lyftið snöggt upp klósettlokinu.
8. Kötturinn skýst upp úr klósettinu og verður viðþolslaus að komast út úr húsi til að sýna öðrum köttum hvað hann sé hreinn og fínn.
9. Klósett og köttur eru skínandi hrein þegar hér er komið sögu.

 

    Það var hundurinn á heimilinu sem fann upp þessa aðferðin við að þvo ketti og hvíslaði henni að heimilisfólkinu.  Það sem hvutti veit ekki er að þetta hentar einnig við þrif á hundum. 

 

Athugasemdir

[Súlli (IP-tala skráð) 15.11.2012 kl. 06:11]

Reinandi kanski á ritstjórn DV líka.

[Ásthildur Cesil Þórðardóttir, 15.11.2012 kl. 12:14]

Hahahaha dásamlegar lýsingar

[Axel Jóhann Hallgrímsson, 15.11.2012 kl. 15:19]

Magnað!

[Ra (IP-tala skráð) 15.11.2012 kl. 16:41]

Þetta minnir mig á þennan símahrekk

http://www.youtube.com/watch?v=8AlaWCH_a3o

[Jens Guð, 15.11.2012 kl. 21:42]

  Súlli,  nú skil ég ekki?

[Jens Guð, 15.11.2012 kl. 21:43]

  Ásthildur Cesil,  ég sprakk úr hlátri þegar ég las þetta og ákvað þegar í stað að leyfa fleirum að lesa.

[Jens Guð, 15.11.2012 kl. 21:43]

  Axel Jóhann,  ég kvitta undir það.

[Jens Guð, 15.11.2012 kl. 21:57]

  Ra,  takk fyrir þetta.  Kisuhúmorinn er sannarlega líkur.

[Ásthildur Cesil Þórðardóttir, 15.11.2012 kl. 23:15]

Gott hjá þér, þetta er ferlega skondið.