Þegar bragðið af eplum tók kollsteypu. Dularfullt.

  Fyrst þegar epli bárust til Íslands þá brögðuðust þau eins og hráar kartöflur.  Það þótti lítið varið í þau.  Engu að síður var ævintýraljómi yfir þessum framandi ávexti.  Íslendingar létu sig því hafa það að maula á þessum eplum upp á sportið.  Það þótti næsti bær við að vera kominn til útlanda að japla á epli.

  Grunur leikur á að fyrstu epli sem bárust til Íslands hafi í raun verið rauðar kartöflur.  Hin meintu epli bárust til Íslands fyrir milligöngu danskra kaupmanna í Færeyjum.  Í Færeyjum heita kartöflur epli.  Í Færeyjum heita epli súr epli.  

  Það varð kúvending á bragði af eplum þegar þau voru seint og síðar meir flutt inn beint frá Hollandi.  Þau epli brögðuðust ekki eins og hráar kartöflur heldur eins og óþroskaðar perur.  Þá náði ævintýrið nýjum hæðum.  Síðan hafa Íslendingar verið sólgnir í epli. 

  Til gamans má geta að orðið appelsína þýðir "epli frá Kína".  Á hollensku heita appelsínur "sína appel" (kína epli)

Athugasemdir

[Sigurður I B Guðmundsson, 4.12.2012 kl. 07:07]

"Adamseplið" er ekki gott á brauðið!

[S (IP-tala skráð) 4.12.2012 kl. 09:34]

Frábær og stórskemmtileg grein hjá þér

[Ólafur Þórðarson, 4.12.2012 kl. 15:12]

Þú ert frábær, að venju, og stórgóð grein.

[Ómar Ingi, 4.12.2012 kl. 23:33]

http://ommi.blog.is/blog/ommi/entry/1271506/

þessi er nú fyrir Jens tónlistarunnendan

[sæunn guðmundsdóttir (IP-tala skráð) 5.12.2012 kl. 20:28]

Hehehe þer leggst alltaf eitthvað til ;)

[Jens Guð, 6.12.2012 kl. 01:38]

  Sigurður I.B., það var vont.  Vont en það venst. 

[Jens Guð, 6.12.2012 kl. 01:39]

  S,  takk.

[Jens Guð, 6.12.2012 kl. 01:40]

  Ólafur,  ég bulla að venju.

[Jens Guð, 6.12.2012 kl. 01:41]

  Ómar Ingi,  þarna dúkka upp margir af mínum uppáhalds.  Bestu þakkir.  Ég hlakka til að sjá myndina.

[Jens Guð, 6.12.2012 kl. 01:42]

  Sæunn, þetta slæðist með.