Ég leitaði of langt yfir skammt

  Fyrir jól hellti ég mér af fullum krafti í leit að strokufanganum Matthíasi.  Eftir á að hyggja færði ég leitarsvæðið út kannski aðeins um of.  Vinir og vandamenn Matthíasar höfðu lýst honum í fjölmiðlum sem einstöku ljúfmenni,  góðum dreng,  seinþreyttum til reiði og hinum vænsta manni í alla staði.  En hann væri dálítið týndur. Vissulega var hann töluvert týndur.  Mér datt þá í hug að hann gæti sómt sér vel í Stokkhólmi í Svíþjóð.  Þar er ein lægsta glæpatíðni af höfuðborgum heims.  Lýsingin á Matthíasi smellpassar við ljúfmennin í Stokkhólmi.

  Ég skrapp þess vegna til Stokkhólms og leitaði þar vel og lengi að Matthíasi.  Það var smá klúður hjá mér að hafa ekki meðferðis síma og tölvu.  Þess vegna fór alveg framhjá mér þegar Matthías fannst,  að sögn lögreglunnar klyfjaður sömu verkfærum og Rambó:  Sporjárni, hamri, eldhúsahnífum og öðrum ágætum smíða- og tréútskurðartólum.

  Í stað þess að finna Matthías í Stokkhólmi þá fann ég bar sem selur hálfslítra bjórglas á 590 kall (ísl. kr.).  Aðrar góðar fréttir eru að Matthías er búinn að fá húfuna sína aftur.   

.

.

  Þetta er vinsælt lag í sænskum dansklúbbum.  Ég kann ennþá betur við lagið í upphaflegu útgáfunni: 

.

.

  Höfundurinn,  Íris Kjærnested,  er Íslendingur.  Hún er tónskáld,  búsett í Svíþjóð og hefur samið vinsæl auglýsingastef.  Þekktast er "Veldu gæði.  Veldu Kjarnafæði.".  http://iriskjaernested.com/  Á heimasíðu hennar vantar sitthvað,  svo sem að hún hafði eitthvað að gera með hljóðupptöku fyrir kvikmyndina Óróa. 

Athugasemdir

[Sigurður I B Guðmundsson, 5.1.2013 kl. 12:07]

Sértu velkominn heim yfir hafið og........................

[Ásthildur Cesil Þórðardóttir, 5.1.2013 kl. 13:47]

Já ljúfmennið Matthías er fundinn.  Sagt er að hann hafi sent Margréti Frímanns jólakveðju í útvarpinu.   Hefur sjálfsagt verið farin að sakna hennar. 

[Jens Guð, 5.1.2013 kl. 22:45]

  Sigurður I.B.,  takk fyrir það.

[Jens Guð, 5.1.2013 kl. 22:48]

  Ásthildur Cesil,  mér er sagt að grínisti hafi sent inn þessa jólakveðju í nafni Matthíasar.  Hann sjálfur hafi verið umsvifalaust settur í einangrun og ekki haft nein tök á að senda kveðju í útvarpið. 

[Hrönn Sigurðardóttir, 5.1.2013 kl. 22:52]

hahah já leitið ekki langt yfir skammt.

[sæunn guðmundsdóttir (IP-tala skráð) 5.1.2013 kl. 22:56]

hehehe velkominn heim ;)

[Jens Guð, 5.1.2013 kl. 23:16]

  Hrönn,  það er í góðu lagi að leita langt yfir skammt - svo framarlega sem er leitað.

[Jens Guð, 5.1.2013 kl. 23:19]

  Sæunn,  takk fyrir það.  Verri eru fréttirnar af því að þið þarna fyrir norðan hafið strítt við umgangspest yfir hátíðirnar.  Það er óskemmtileg staða. 

[doddyjones (IP-tala skráð) 6.1.2013 kl. 18:33]

590 kr er 20 ára gamalt verð :)

[Jens Guð, 6.1.2013 kl. 20:45]

  Doddyjones,  590 kall var alveg algengt verð á íslenskum börum fram að bankahruni.  En þá var verðið í Svíþjóð 295 kall.

[sæunn guðmundsdóttir (IP-tala skráð) 7.1.2013 kl. 00:49]

Jens minn smáumgangspest stoppar okkur ekki i áti,drykkju og pakkaopnun svo þetta var gleði ;)

[Jens Guð, 7.1.2013 kl. 01:47]

  Sæunn,  bara gaman og gott að frétta.