Nýjasta tískuæðið

  Gangnam Style dansinn (og lagið) var skæðasta tískubylgja síðasta árs.  Nú hefur nýtt æði gripið um sig og fer um heiminn eins og stormsveipur.  Það er kennt við íslenskan flugdólg.  Sá er orðinn þekktasti flugdólgur gervallrar veraldarinnar og þar með sérkennileg auglýsing fyrir Ísland.  Það mun væntanlega skila sér í auknum ferðamannastraumi til Íslands.

  Myndir af íslenska flugdólgnum hafa þegar reynst límbandsframleiðendum öflugur söluhvati.  Sala á pökkunarlímböndum hefur rokið upp.  Það er komið í tísku að fólk lími sjálft sig eða aðra.  Myndir af útkomunni flæða yfir Fésbókina.

  Sjónvarpsþáttastjórinn David Letterman býður áhorfendum sínum upp á daglegt límbandsgrín.  Hér hefur hann látið líma börn á hurðir að því er virðist (reyndar eru þetta aðeins ljósmyndir af börnum.  Annars fengi David kæru á sig og leiðindi).

  Fleiri gera grín.  Einn límdi nestið sitt á hausinn:

  Annar límdi keðjusögina sína:

  Enn einn límdi bjórdósina sína:

  Sumir líma leikfangadýr:

Athugasemdir

[Stefán (IP-tala skráð) 16.1.2013 kl. 08:24]

Er þetta ekki bara lið frá 365, sem kjaftaði frá og Bubbi var fenginn til að teipa ? 

[Ásthildur Cesil Þórðardóttir, 16.1.2013 kl. 12:13]

Hahahaha þú bjargaðir deginum fyrir mér Jens minn

[Sigurður I B Guðmundsson, 16.1.2013 kl. 16:56]

Og ég sem á bara UHU lím!!!!

[Jens Guð, 17.1.2013 kl. 02:31]

  Stefán,  ég er svo fattlaus að ég átta mig ekki á því hvað þú átt við.

[Jens Guð, 17.1.2013 kl. 02:32]

  Ásthildur Cesil,  það er gaman að fylgjast með þessu.

[Jens Guð, 17.1.2013 kl. 02:32]

  Sigurður I.B.,  það verður að duga.