Sharia lög og þorraþræll

  Dagurinn í dag (laugardag) heitir þorraþræll. Hann er kenndur við Þorra Snæsson,  ágætan norrænan konung sem hafði blót á hverjum vetri.  Þau voru kölluð Þorrablót.  Þess vegna er það haugalygi þegar því er haldið fram að þorrablót séu ný af nálinni.  Fundin upp af presti sem rak veitingastaðinn Naust fyrir örfáum áratugum. 

  Í mörg þúsund ára gömlu þjóðsagnasafni gyðinga í Mið-Austurlöndum er að finna fjölda fyrirmæla um þorraþræl.  Gaman er að rifja örfá þeirra upp.  Ekki aðeins í tilefni dagsins heldur ennþá frekar vegna þess að vaxandi áhugi er fyrir því að á Íslandi verði tekin upp lög sem byggja á þessum fyrirmælum.  Svokölluð sharia lög. 

  Hér eru örfá sharia lög sem nauðsyn er að taka mið af við lagasetningar:

Þú skalt ekki girnast þorraþræl náunga þíns eða ambátt, ekki uxa hans né asna (Exodus 20: 17) 

Sérlega mikilvægt er að girnast ekki asna náunga þíns.  Svoleiðis er asnalegt.

.

Ef maður slær þorraþræl sinn eða ambátt með staf, svo að hann deyr undir hendi hans, þá skal hann refsingu sæta. En sé hann með lífi í einn dag eða tvo, þá skal hann þó eigi refsingu sæta því að þorraþrællinn er eign hans verði keypt. (Exodus 21:20-21)

Þegar maður selur dóttur sína að ambátt, skal hún ekki burt fara á sama hátt sem þrælar. Geðjist hún eigi húsbónda sínum, sem ætlað hefir hana sjálfum sér, þá skal hann leyfa að hún sé leyst. Ekki skal hann hafa vald til að selja hana útlendum lýð, með því að hann hefir brugðið heiti við hana. En ef hann ætlar hana syni sínum, þá skal hann gjöra við hana sem dóttur sína. Taki hann sér aðra konu, skal hann ekki minnka af við hana í kosti eða klæðnaði eða sambúð. Veiti hann henni ekki þetta þrennt, þá fari hún burt ókeypis, án endurgjalds.
(Exodus 21:7-11)

Viljir þú fá þér þorraþræla og ambáttir, þá skuluð þér kaupa þorraþræla og ambáttir af þjóðunum, sem umhverfis yður búa. Svo og af börnum hjábýlinga, er hjá yður dvelja, af þeim skuluð þér kaupa og af ættliði þeirra, sem hjá yður er og þeir hafa getið í landi yðar, og þau skulu verða eign yðar. Og þér skuluð láta þá ganga í arf til barna yðar eftir yður, svo að þau verði eign þeirra. Þér skuluð hafa þau að ævinlegum þorraþrælum. (Leviticus 25:44-46)'

Kristin gildi ráði við lagasetningu

Athugasemdir

[Bjarni Gunnlaugur (IP-tala skráð) 24.2.2013 kl. 10:18]

Á steintöflu frá borginni Mari í Syrlandi frá 1750 fyrir krist er orðsending frá konunginum í Karkemisj til Simri-Lims Maríkonungs. Þar er stungið upp á að menn tveir sem sakaðir höfðu verið um afbrot nokkurt, verði brendir lifandi, nema því aðeins að þeir reynist saklausir, þá skyldu þeir sem höfðu ákært þá, brendir í staðinn. (Tekið úr bók Magnúsar Magnússonar, Á söguslóðum biblíunnar)

Þarna er talið að meintur Abraham hafi farið um og ekki ólíklegt að svona lagasetning hafi ratað inn í gyðingdóm,kristni og svo múhameðstrú!

Eitthvað höfum við þó linast í prinsippinu og kanski bara fínt hjá Sjálfstæðismönnum að vilja skerpa aftur á þessu!

Hver ætli annars yrði brendur í Vafningsmálinu?

[GB (IP-tala skráð) 24.2.2013 kl. 10:23]

Ekki séð neinn halda því fram að Þorrablótin hafi verið fundin upp á Naustinu. Þau voru ENDURVAKIN þar. Reyndar áttu Fjölnismenn og Stúdentafélög heiðurinn að því töluvert fyrr. Sennilega á árstíma kenndan við Þorra að fornu tímatali sem sannkristnir reyndu að eyða......

[DoctorE (IP-tala skráð) 24.2.2013 kl. 10:59]

Hann Sússi samþykkti gamla testamenntið sem fullkomið, þar mátti engu breyta. Þannig þrælahald og alles er það sem flokkurinn vill hafa sem fyrirmynd, konur eiga að halda sér saman þegar karlar tala, óþekk börn ber að aflífa, fórnarlömb nauðgana skulu tekin af lífi eða þvinguð til að giftast nauðgara.
Augljóslega, eða kannsku hugsanlega hafa sjálfstæðismenn ekki meira vit á biblíu en bara trúarjátninguna. En þó samþykkja boðorðin 10 þrælahald, tala um konur eins og búpening og eign karla

[. (IP-tala skráð) 24.2.2013 kl. 13:14]

Þetta lag er klassík Jens.

hilmar jónsson, 23.2.2013 kl. 23:27

[Jens Guð, 24.2.2013 kl. 21:22]

  Bjarni,  takk fyrir fróðleikinn.

[Jens Guð, 24.2.2013 kl. 21:23]

  GB,  takk fyrir ábendinguna.

[Jens Guð, 24.2.2013 kl. 21:26]

  DoctorE,  það stendur eitthvað í mönnum boðorðið um að ekki megi stela.  Ég held að verið sé að reyna að draga þetta allt til baka.

[Jens Guð, 24.2.2013 kl. 21:27]

  Hilmar,  takk fyrir það.

[Theódór Norðkvist, 24.2.2013 kl. 21:54]

Kristin gildi eru ekki það sama og gyðingdómur, ef einhverjir halda það. Reyndar fara nútíma gyðingar ekki einu sinni sjálfir eftir Mósebókunum í ystu æsar, hvað segir það okkur? Voru ekki sum fyrirmælin ekki einfaldlega miðuð við þann menningarheim sem var þá?

Hinsvegar finnst mér ólíklegt að Bjarni Ben. sé að fara gefa auð sinn, sem var fenginn í skjóli innherjaupplýsinga, til fátækra.

[Jens Guð, 24.2.2013 kl. 22:19]

  Theódór,  það er eiginlega illmögulegt að fylgja fyrirmælum Biblíunnar að öllu leyti.  Maður myndi þá hafa fátt annað að gera en drepa fólk.  Til að mynda þá sem bölva föður sínum eða móður,  ásatrúarmenn og ótal fleiri. 

[DoctorE (IP-tala skráð) 25.2.2013 kl. 08:00]

Ef kristin lög eru ekki það sama og gyðingdómur, hvers vegna að vera á móti samkynhneigðum, hvers vegna að vera með boðorðin 10... og svo margt annað... Og ef GT er ekki fyrir krissa, hvers vegna samþykkti meintur messías GT sem fullkomið og algerlega í fullu gildi..

[Jens Guð, 26.2.2013 kl. 00:06]

  DoctorE,  þetta er eins og nammibar.  Fólk velur besta nammið og sniðgengur hitt.  Þegar bent er á eitthvað ljótt í GT er auðvelt að afskrifa það með þeim rökum að JC hafi með kærleiksboðskap sínum afnumið lögmál GT.  Þegar vísað er til GT sem rökstuðningi við einhver viðhorf er vitnað til orða JC um að hann væri ekki að afnema lögmál GT heldur uppfylla það.  

  Þetta er svo skemmtilegt.