Auðvelt að verjast bílaflakki

  Algengt er að bílar fari á flakk.  Þeir renna burt.  Þeir fjúka burt.  Þeir fljúga burt.  Þeim er stolið.  Það er til einföld aðferð sem kemur í veg fyrir öll slík óhöpp.  Aðferðin felst í því að leggja við ljósastaur eða aðra jarðfasta hluti og tjóðra bílinn rækilega við þá.  Til að mynda með því að kaupa ódýran reiðhjólalás.  Einhverjum kann að finnast það vera haldlítil vörn gegn bílaþjófum.  Auðvelt er að klippa reiðhjólalás í sundur.  Málið er að bílaþjófar eru heimskir.  Þeir fatta þetta ekki og sniðganga tjóðraða bíla.

  Það er líka hægt að bora með steinbor í malbikið og festa bílinn með böndum.

Bíll flaug á hús

Athugasemdir

[Ásthildur Cesil Þórðardóttir, 25.3.2013 kl. 20:21]

Hahaha maður ætti ef til vill að taka upp eitthvað svona, næst þegar bíllinn minn fer á flakk.

[Grrr (IP-tala skráð) 25.3.2013 kl. 21:53]

Ég held að Bjarni Ben og félagi hafi verið að sporna við þjófnaði á fína jeppanum, þar sem að engin stelur bíl úr stæði ætlað fötluðum.