Vitlausa fólkið ofsótt

  Það er ekkert gamanmál að vera vitlaus.  Ég get vottað það.  Vitlausa fólkið verður iðulega fyrir aðkasti frá þeim sem telja sig vitið hafa meira.  Og reyndar einnig frá öðru vitlausu fólki.  Enda er oft kvartað undan einelti í garð tiltekinna vitlausra.  Oftast án þess að sá vitlausi hafi gert sér grein fyrir því sjálfur.  Sem er svo sem ekkert skrítið vegna þess að sjaldnast er um eiginlegt einelti að ræða.  Það er aðeins verið að gengisfella orðið einelti.  

  Nú hefur Ólafur Ólafsson,  sakborningur í Al-Thani málinu,  upplýst að afar sérstakur saksóknari sé tekinn upp á því "að hlera vitlausa menn úti í bæ".   Vitlausa fólkið er hvergi óhult.   

„Hlera vitlausa menn úti í bæ“

Athugasemdir

[Stefán (IP-tala skráð) 12.4.2013 kl. 08:31]

Það hefði nú verið gáfulegra af Ólafi Al-Thani Ólafssyni að kalla þetta að hlera rangan mann en vitlausan mann. En mikið má hann Bjarni Benediktsson nú vera vitlaus ef hann segir ekki af sér formennsku í Sjálfstæðisflokknum fyrir kosningar og þá helst strax í dag. Ef Bjarni gerir það ekki, þá sést augljóslega að honum þykir mun vænna um sjálfan sig en flokkinn og þá verður Bjarna líka minst í framtíðinni sem hugleysingja sem hugsaði ekki um hagsmuni Sjálfstæðisflokksins.

[Jósef Smári Ásmundsson, 12.4.2013 kl. 08:49]

"Það er ekkert gamanmál að vera vitlaus".Velkominn í hópinn Jens.En ég hef alltaf fengið vissa hughreystingu úr myndinni:The Englishman that went up a Hill but came down a mountain-Thomas tupp and Thomas tupp too."They say we are tupp(stupid) but we are not so tupp that we dont know that we are not tupp".

[Sigurður Þórðarson, 12.4.2013 kl. 09:19]

Svakalegt að hlera vitlausa menn!

[Jón Ríkharðsson, 12.4.2013 kl. 14:25]

Það fylgja því bæði kostir og gallar að vera vitlaus, en við sem berum þann kross erum gjarna hégómafull og viðkvæm.

Ég er hálfsvekktur yfir að enginn hefur hlerað minn síma.

Er ég of mikið vitlaus eða of lítið?

[Jósef Smári Ásmundsson, 12.4.2013 kl. 15:43]

Held þú sért of vitlaus Jón.Ég hef líka lent í þessu að vera ekki hleraður.

[Jens Guð, 12.4.2013 kl. 22:30]

  Stefán,  við skulum reikna með að Ólafur viti hvað hann er að segja.  Hann þekkir klárlega manninn sem var hleraður.  Hvernig ætti Ólafur annars að vita að sá sé vitleysingur?  

[Jens Guð, 12.4.2013 kl. 22:34]

  Jósef,  við vorum snarvitlausir strax í Steinstaðaskóla.  Þannig að það er ekkert nýtt.  Tómasarnir í kvikmyndinni voru fyndnir  

[Jens Guð, 12.4.2013 kl. 22:35]

  Sigurður,  það er níðingslegt.  Nógu slæmt er að vera vitlaus þó að hleranir bætist ekki við.

[Jens Guð, 12.4.2013 kl. 22:51]

  Jón,  góður! 

[Jens Guð, 12.4.2013 kl. 22:52]

  Jósef (#5),  þetta virðist vera smitandi og útbreitt.  Ég hef líka lent í þessu.