Útsjónarsemi íslenskra þjófa

  Fyrir mörgum árum skrifaði kona að nafni Anna Björnsson í DV.  Hún er fallin frá fyrir nokkru.  Hún var búsett í Bandaríkjum Norður-Ameríku og sendi hingað til lands fréttir og frásagnir af neytendamálum.  Hún var Íslendingum innan handan þarna fyrir vestan.  Leigði meðal annars íslenskum námsmönnum þar húsnæði.  Anna sagði frá því hvernig íslensku námsmennirnir tvöfölduðu námslánin sín í Bandaríkjunum:  Þeir keyptu fín húsgögn á útsölu,  innpökkuð í plast og vel frá gengið. 

  Því næst var beðið.  Það var beðið og beðið og beðið þangað til útsalan var langt að baki og allir búnir að gleyma útsölunni.  Þá var farið með húsgögnin aftur í búðirnar,  þeim skilað og búðirnar endurgreiddu vörurnar fullu verði.  

  Frásögn Önnu af uppátækinu endaði eitthvað á þá leið að bandarísk neytendalög gerðu greinilega ekki ráð fyrir útsjónarsemi íslenskra námsmanna.  

  Þetta vakti mikla kátínu og Íslendingar urðu stoltir af snilli landa sinna í útlöndum.  Sigurjón Þ. Árnason kallaði þetta "tæra snilld" (held ég).  Það má brosa að útlenskum amatörum í faginu.  Þá skortir yfirvegaða og fágaða íslenska fagmennsku við rán. 

  

Stolið þrisvar sinnum á dag

Athugasemdir

[Stefán (IP-tala skráð) 7.5.2013 kl. 08:21]

Þessir íslensku IKEA-amatörar eru greinilega mjög gráðugt og siðlaust hálaunafólk, framkvæmdastjórar og lögfræðingar sem sýnilega nægir ekki að arðræna fólk eins og íslenskum lögfræðingum er svo tamt.  Hvað er eiginlega verið að kenna í lögfræðideildum íslenskra háskóla ?

[Sigfús Sigurþórsson., 7.5.2013 kl. 12:42]

Haha, æ karl greyið, maður eginlega bara vorkennir þessum :)

[V.Jóhannsson (IP-tala skráð) 7.5.2013 kl. 17:17]

Kanski eru þessir siðleysingjar einmitt þessir námsmenn í Bandaríkjunum eða þeim nákomnir.

Ég hef heyrt margar álíka sögur um íslendinga erlendis allt frá útrásarvíkingum og niður í smá þjófa og er ekkert hissa.

[Bergur (IP-tala skráð) 7.5.2013 kl. 17:35]

Eins Og formaður sjálfstæðisflokksins sagði,  skattarnir eru orðnir of háir á hátekjufólkið

[Sigurður Haraldsson, 7.5.2013 kl. 19:42]

Hvar voru öryggisverðirnir?

[Jens Guð, 8.5.2013 kl. 01:04]

  Stefán,  það er góð spurning.  Það virðist vera einhver græðgisstemmning í gangi hjá þessu liði. 

[Jens Guð, 8.5.2013 kl. 01:06]

  Sigfús,  já, eiginlega gerir maður það.  Hann hefur fengið þarna marga slæma byltuna og áreiðanlega verið lengi að losna við marblettina. 

[Jens Guð, 8.5.2013 kl. 01:07]

  V.Jóhannsson,  ég hef heyrt fleiri svona sögur.  Reyndar ekki margar.

[Jens Guð, 8.5.2013 kl. 01:09]

  Bergur,  alltof háir. 

[Jens Guð, 8.5.2013 kl. 01:10]

  Sigurður,  þeir skruppu í kaffi.