Áríðandi að vita

  Á eða við sturtu er að öllu jafna lítil hilla eða bakki.  Vandamálið er að fæstir vita til hvers sá búnaður er.  Sumir hengja fötin sín á þetta á meðan þeir skola af sér.  Þá rennblotna fötin.  Það er ekki gott.  Aðrir koma þarna fyrir logandi kerti.  Þeir ætla að hafa það kósý á meðan þeir sturta sig.  Vatnið úr sturtunni er eldsnöggt að slökkva á kertinu.  Þá er ekkert gaman lengur.  Enn aðrir troða þarna allskonar sápum, sjampói, hárnæringu, Aloe Vera geli, rakáhöldum, hárlakki, tannbursta og allskonar.  Þetta er ekki staður til að fylla með svoleiðis dóti.

  Eini tilgangurinn með litlu hillunni er sá að þar er hægt að leggja frá sér bjórdósina á milli sopa.

Athugasemdir

[Stefán (IP-tala skráð) 21.5.2013 kl. 12:29]

Það ætti að senda alla stjórnendur ( og þá sérstaklega skuggastjórnendur ) hjá 365 miðlum í ískalda sturtu nokkrum sinnum á dag !!!

[Kjartan (IP-tala skráð) 21.5.2013 kl. 16:17]

En Jón, sullast ekki vatn oní bjórdósina?

[Jens Guð, 21.5.2013 kl. 22:36]

  Stefán,  Ingibjörg Pálmadóttir tók víst snöfurlega á þessu máli.  Hún er aðal eigandi 365.  Skrítnara er að haft er eftir JÁJ að hann hafi ekki hugmynd um hverjir eru aðrir eigendur 365. 

[Jens Guð, 21.5.2013 kl. 22:37]

  Kjartan,  það er smá úði.  En ekki til skaða því að dósin er þarna aðeins í stutta stund.