Varaforsetinn vill súkkulaðikúlur í stað blýkúlna

  Varaforseti Bandaríkja Norður-Ameríku heitir Jói Biden.  Hann hefur sérkennilegan kæk.  Þegar hann skrökvar þá klípur hann í nefið á sér og kippir í.  Fyrir bragðið er hann oft og iðulega blóðugur um nefið. 

  Nú hefur Jói fengið hugljómun og ákafan áhuga fyrir því að í Bandaríkjum Norður-Ameríku verði hefðbundnum byssukúlum,  blýkúlum,  skipt út fyrir súkkulaðikúlur.  Rök hans fyrir því eru þau að blýkúlur séu varasamar og geti valdið skaða.  Súkkulaðikúlur muni aftur á móti gleðja.  Foreldri sem skjóti á börn sín í misgripum fyrir innbrotsþjófa kunni vel að meta að skjóta á þau súkkulaðikúlum í stað blýkúlna.  Hrískúlur eru of léttar og ekki nothæfar.  Gegnheilar súkkulaðikúlur - helst suðusúkkulaði - séu málið. 

  Jói bar þetta undir Hussein Obama forseta Bandaríkja Norður-Ameríku.  Obama svaraði því til að hann sé mest fyrir hamborgara og mjólkurhristing.

  Það jaðrar við að Pete Seeger (200 ára gamall) sé með færeyska húfu.  

Athugasemdir

[Stefán (IP-tala skráð) 22.5.2013 kl. 08:34]

Nú skil ég afhverju ,, litli karlinn á 365 miðlum " er með svona bólgið nef ( hélt að það væri af öðrum ástæðum )

[Jens Guð, 23.5.2013 kl. 00:18]

  Stefán,  nefið er líka upptekið af öðrum ástæðum.