Fólk er fíklar

  Fólk elskar að ögra sér.  Fólk elskar að taka áhættu.  Fólk er fíkið í "adrenalínkikk".  Þetta er algengast hjá stálpuðum krökkum og seinþroska unglingum.  Þeir eru stöðugt að láta reyna á það hvað þeir þora að stökkva fram af háum byggingum,  hvað þeir þora að glannast mikið á hjólabrettum eða reiðhjólum.  Það eru stöðugar tilraunir í gangi.  Þessi ungmenni reikna síður með því að slasast og dauðsfall er ekki til í þeirra hugsun.

  Þegar unglingar ná fullum þroska hægir um.  Flestir eignast börn og verða ábyrgir uppalendur án glæfralegs glannaskapar.  Svo fljúga ungarnir úr hreiðrinu og hversdagurinn verður grár.  Þá blossar upp löngun í gamla adrenalínskammtinn.  Fólk fer að ögra sér með því að klífa fjöll,  fara í teygjustökk,  fallhlífastökk, kjósa Framsóknarflokkinn og allskonar.  Bölvaður glannaskapur alltaf hreint.

  Íbúar þessa turns á Indlandi láta lofthræðsluna kitla sig.  Aðrir þurfa stærri adrenalíngusu.  Þeir ganga á línu. 

   

  Mig grunar að þessi skemmtilegi fjallatroðningur sé í Asíu.  Útsýnið er fagurt en vegfarandur eru uppteknari af því að detta ekki. 

  Myndin fyrir neðan er af íslenskum fjallavegi.  Sumir kjósa fremur að ganga hann en aka.

 

 

 

 

 

 

 

 

 

 

 

 

Adrenalínfíknir Spánverjar byggja bratt.

Háskaleg ljósmyndataka ferðamanna

Athugasemdir

[Stefán (IP-tala skráð) 20.6.2013 kl. 08:30]

Á 365 miðlum er mikið sótt í áhættusamar uppsagnir þessa dagana og sagt er að þar sé raunar enginn öruggur í starfi lengur.  Þar sitja ,, litlir menn " saman úti í dimmum hornum og skipuleggja uppsagnir á öllu því fólki sem enn þorir að opna munninn.  Nýjustu sögur herma að nú eigi jafnvel að segja næst upp þeim sem stjórna síðdegisútvarpinu á Bylgjunni, þeim af öllum ?   Já, fólk er svo sannarlega fíkið í adrelankikk á 365 miðlum þessa dagana.

[Ásthildur Cesil Þórðardóttir, 20.6.2013 kl. 12:01]

Ekki myndi ég vilja búa í þessum turni úff, ég kæmist aldrei að gluggunum. 

Gaman að lokaorðunum

[Steini (IP-tala skráð) 20.6.2013 kl. 13:55]

Mann sundlar við að skoða myndirnar.

[hilmar jónsson, 20.6.2013 kl. 20:15]

Pure hell..martröð..

[Jens Guð, 20.6.2013 kl. 23:02]

  Stefán,  jú,  það er einhver öruggur í hlýjunni hjá JÁJ. 

[Jens Guð, 20.6.2013 kl. 23:03]

  Ásthildur Cesil,  maður slær á létta strengi inn á milli. 

[Jens Guð, 20.6.2013 kl. 23:03]

  Steini,  stundum þarf ekki meira til. 

[Jens Guð, 20.6.2013 kl. 23:04]

  Hilmar,  þetta er glannalegt. 

[Guðni Karl Harðarson, 20.6.2013 kl. 23:08]

Hvar er þessi fjallvegur á Íslandi Jens?

[Jens Guð, 21.6.2013 kl. 00:07]

  Guðni,  hann er á Vestfjörðum.  Ég man ekki hvað fjallið heitir.  Það eru fleiri vegir á Íslandi í þessum dúr.  

[Steingrímur Helgason, 21.6.2013 kl. 00:18]

Vegur þessi, ef veg skyldi kalla, er slóði sem Elías Kjaran lagði á lítilli ýtu um til Selvoga í Arnarfirði og allt inn til Lokinhamra.

[Jens Guð, 21.6.2013 kl. 02:24]

  Steingrímur, bestu þakkir kæri vin fyrir upplýsingarnar.