Andlit út um allt

  Við lifum öll í spilltum heim, sem gefur engum grið.

  Þar sem samviska er engin til og lítil von um frið.

  Þar sem tortryggni og sjálfselska sér eiga engin mörk.

  Þar sem jafnrétti og bræðralag eru orð á hvítri örk.

  Þannig orti og söng Jóhann G. Jóhannsson fyrir meira en fjórum áratugum.  Þá voru spilling og njósnir frumstæðari en í dag.  Miklu frumstæðari.  Það var ekki einu sinni hægt að njósna í gegnum internetið.  Né heldur var hægt að leka myndböndum af stríðsglæpum inn á netið.  

  Nú er fylgst með öllum allsstaðar.  Ef að vel er gáð má greina uppglenntar glyrnur og kjöftuga kjafta út um allt.  Það eru andlit út um allt.  Þau eru fyrir framan okkur hvar sem við erum og hvert sem við förum.  Við tökum hinsvegar ekki eftir neinu.  Við erum alveg sljó.  Þess vegna er svona auðvelt að ráðskast með okkur. 

  Rauður sportbíll lætur lítið yfir sér.  Hann er sakleysið upp málað.  Eða hvað?  Prófum að þrengja sjónarhornið.  Þá blasa við forvitin augu sem láta ekkert fram hjá sér fara og gapandi gin.    

  Innan í bílnum er öryggisbelti.  Það er auðvelt að afhjúpa andlit þess með tunguna lafandi út úr sér. 

  

  Inniljós bílsins hafa vakandi auga með öllu.

 

  Báturinn glápir og glottir.

   Líka flugvélin.

  Og járnbrautalestin.

  Með útstandandi augu svolgra herþyrlur í sig hermenn. 

  Í keilusalnum er fylgst með hverri hreyfingu. 

Manning huggaði grátandi lögmenn

Athugasemdir

[Jón Kristjánsson (IP-tala skráð) 22.8.2013 kl. 09:58]

Hahahaha!!!!...þú hefur sannarlega auga fyrir hinu óvenjulega eins og margoft hefur sannast!!....:-)))....ég hef afskaplega gaman af þessum pistlum þínum og vil bara þakka fyrir mig!!....

[DoctorE (IP-tala skráð) 22.8.2013 kl. 11:23]

Gamla pareidolian.. er líklegast oftar en ekki tengd við ofurkrissa og Jesú á brauðsneið bla :)
http://en.wikipedia.org/wiki/Pareidolia

[Sigurður Kristján Hjaltested (IP-tala skráð) 22.8.2013 kl. 17:15]

Þarna fékkstu mig til að brosa......

Góður.

[Jens Guð, 22.8.2013 kl. 18:39]

  Jón,  takk fyrir það. 

[Jens Guð, 22.8.2013 kl. 18:43]

  DoctorE,  það má oft greina andlit Jesú í tyggjóklessum. 

[Jens Guð, 22.8.2013 kl. 18:44]

  Sigurður Kristján,  takk fyrir innlitið.