Óhugnanlegar fullyrðingar um eiturlyfjabransann

28.8.2013 | 21:20

Óhugnanlegar fullyrðingar um eiturlyfjabransann

Fyrrum lögregluþjónn og skipstjórnarmaður heldur úti bloggsíðu á Vísisblogginu. Að eigin sögn naut hann viðurkenningar og virðingar Alþjóðalögreglunnar, Interpol, fyrir löggæslustörf sín. Engin ástæða er til að rengja það. Á bloggsíðu sinni nafngreinir hann Íslendinga og fólk þeim tengt sem hefur óhreint mjöl í pokahorninu.

Bloggarinn nafngreinir yfirmann Evrópudeildar bandarísku leyniþjónustunnar, CIA. Segir hann eiga veitingastað á Benidorm á Spáni; eiga nafngreinda íslenska kærustu og dóttir með henni. Öll stundi þau innflutning á eiturlyfjum til Íslands. Og það með vitund íslenskra lögreglumanna í Frímúrareglunni.

Inn í þetta blandast fjöldi annarra nafngreindra. Þar á meðal danskur tollvörður sem jafnframt er í dönsku leyniþjónustunni. Málið teygir sig til Úkraínu. Rússar koma einnig við sögu. Svo og Hjálpræðisherinn.

Þetta er allt svo svakalegt að ég hef hér aðeins tiplað á örfáum atriðum. Bloggfærsluna í heild má lesa með því að smella á þennan hlekk: http://blogg.visir.is/kristjansk10/?vi=1099#post-1099

	Stærsta dópverksmiðjan sem fundist hefur í Evrópu
Ábyrgðarmaður færslu Tilkynna um óviðeigandi tengingu við frétt

Meginflokkur: Löggæsla | Aukaflokkar: Heilbrigðismál, Mannréttindi, Utanríkismál/alþjóðamál | Breytt 29.8.2013 kl. 00:32 | Facebook

Athugasemdir

Hmmm.... afar skrýtin lesning. Hann veður úr einu í annað og nafngreinir fólk og fullyrðir ýmislegt. Þótt ég vilji ekki efast um manninn þá er þetta ekki trúverðug lesning.

Halldór (IP-tala skráð) 28.8.2013 kl. 21:47

Afskaplega mikil óreiða í frásögninni og ber keim af órum vitstola manns.

jakob bragi hannesson (IP-tala skráð) 28.8.2013 kl. 21:53

Þessi maður á við mikla geðröskun að stríða og þarf ekki að fletta langt í blogginu hans til að það blasi við. Það eru flestar þjóðþekktar persónur eyturlifjasalar í hans haus, m.a. Davíð Oddson.

Ég tel mig nokkuð sjúrann á að hann var í strætinu lengi vel og skjólstæðingur Samhjálpar og geðhjálpar.

Það eru fleiri veikir einstaklingar inn á mbl blogginu og gott að taka þ sem þar er sagt með klípu af salti. Geðklofa fólk getur líka opnað blogg og skrifað það sem því lystir og á tímabili fannst mér þetta fólk að nálgast meirihluta, svo ég gafst meira og minna upp á að pæla mig í gegnum þetta rugl.

menn hafa nú samt verið bannaðir fyrir minna en þessi einstaklingur lætur frá sér fara, en hann marar enn, líklega vegna þess hversu augljóslega brjálaður hann er.

Jón Steinar Ragnarsson, 28.8.2013 kl. 22:04

Hér er t.d. Einn óþolandi rugludallur sem spammar alla umræðu um efnahagsmál. Soldið annað kalíber og gersamlega óskiljanlegt og samhengislaust þrugl.

Jón Steinar Ragnarsson, 28.8.2013 kl. 22:11

Hér semsagt: http://juliusbearsson.blog.is/blog/juliusbearsson/

Jón Steinar Ragnarsson, 28.8.2013 kl. 22:12

Já, skrítin lesning, vægast sagt. Sennilegast að þetta séu eintómir órar, en mjög mannorðssærandi fyrir þetta íslenska fólk sem hann nefnir ... ef það er þá til.

Bergur Ísleifsson (IP-tala skráð) 28.8.2013 kl. 22:32

Halldór, þetta er svakaleg lesning. Að vísu nefnir bloggarinn að sumt byggi hann á getgátum (telji líklegt). Samt...

Jens Guð, 28.8.2013 kl. 23:30

Jakob Grétar, það er vissulega rétt að frásögnin er ruglingsleg á köflum. Það þarf eiginlega að lesa hana tvisvar til að ná áttum.

Jens Guð, 28.8.2013 kl. 23:32

Lát oss sjá... CIA, Frímúrarar, Davíð Oddsson.

Hvað? Engar geimverur?

Ásgrímur Hartmannsson, 28.8.2013 kl. 23:47

Jón Steinar, Kristinn Snælands upplýsir þarna að hann hafi flækst í AA. Reyndar að ósekju því að hann hætti sjálfur og óstuddur að drekka. Líkast til eftir fundinn með Clinton og Putin.

Ég þarf að gefa mér tíma til að lesa fleiri blogg eftir hann. Ég bara "datt" inn á þessa bloggfærslu hans og hrökk við.

Jens Guð, 28.8.2013 kl. 23:48

Bergur, það vill svo til að ég veit deili á mörgu af því fólki sem Kristinn Snælands nafngreinir. Hann er því ekki að skálda upp nöfn. En það er smávægileg ónákvæmni í sumu hjá honum. Til að mynda kannast ég við Grete hina dönsku sem sálfræðimenntaða en ekki geðlækni. Fleira gæti ég nefnt sem er ekki alveg nákvæmt. Samt...

Jens Guð, 28.8.2013 kl. 23:54

Ásgrímur, geimverur eru ekki til í alvörunni.

Jens Guð, 28.8.2013 kl. 23:55

Ja hérna, Jens.

Einhvernvegin hefur "lögleg" og "ólögleg" eiturlyfjasala fengið, að því er virðist, að blómstra í einhverskonar heims-yfirvaldasátt (Interpol), og í dóms-bland við "lög og reglur" á eyjunni Íslandi, og víðar í veröldinni.

Ég hef oft furðað mig á ónýtri "landamæragæslu" litla og fámenna Íslands. Ekki er hægt að dæma þetta nafngreinda fólk í blogginu, án réttláts dóms og laga siðmenntaðs ríkis. En það má lesa ýmislegt í upplifanir þessa einstaklings, og tengja það við spillinguna í valdamestu stofnunum Íslands og víðar.

Þessi óreglulega frásögn skýrir kannski efnahagskreppur og stríð heimsins að einhverju leyti?

Ég átti mjög erfitt með að lesa og skilja þessa bloggfærslu. En gerum aldrei lítið úr frásögnum fólks, með þeim skýringum að það eigi við geðröskun að stríða, en reynum frekar að skyggnast undir yfirborðið og yfirhylmingarnar, sem eru raunverulegar í embættis-stjórnsýslunni á Íslandi og víðar. Davíð Oddson og fleiri umdeildir einstaklingar eru líklega frekar fórnarlömb mafíunnar, heldur en gerendur. Mafíugerendur eru ekki lagðir í einelti af mafíustýrðum ríkisfjölmiðlum og öðrum miðlum.

Það eru svo sannarlega fleiri minnihlutahópar og svikið fólk í veröldinni, heldur en samkynhneigðir, sem þó hafa vissulega fengið ríflegan skammt af niðurlægingum og svikum samfélagsins, sem skaðlegt ferðanesti í gegnum lífsbaráttuna.

Nú fæ ég líklega skammir frá einhverjum fyrir þessa athugasemd, en mér er sama. Ég hef ekki af háum álits-stalli að falla og engu að tapa, og skaðinn því enginn. Fæ kannski að heyra að ég eigi við geðröskun að glíma, og þannig dómur dregur mig varla í gröfina nú, frekar en fyrri daga.

M.b.kv.

Anna Sigríður Guðmundsdóttir, 29.8.2013 kl. 00:26

Þetta virðast vera áhugaverðar kenningar, hvort sem þær eru sannar eða lognar. En ég verð að viðurkenna að ég gafst upp á lestrinum. Maðurinn er ekki mikill stílísti.

Einhver þyrfti að kenna honum grundvallaratriðin í setningafræði, úr því hann hefur svona mikið að segja.

Hörður Björgvinsson (IP-tala skráð) 29.8.2013 kl. 08:52

Mannlegur harmleikur og einhver lasleiki þarna á ferðinni. Vonandi nær hann bata.

Gunnar Th. Gunnarsson, 29.8.2013 kl. 10:01

Hef ekki lesið færsluna sem þú bendir á Jens, en það er alveg ljóst að í 350.þúsund manna samfélagi þar sem mest áhersla er lögð á að refsa fíklum og smádílerum en ekki að ná þeim sem standa að innflutningi og fjármagna þetta, að það eru engir lúserar né plebbar sem þar eru afkastamestir. Það er fólk sem "má ekki vamm sitt vita" og eru örugglega í góðu skjóli.

Ásthildur Cesil Þórðardóttir, 29.8.2013 kl. 11:03

Færslur hjá Kristjáni eru á þann veg að líklegast er um hugaróra sjúks mann um að ræða og ég efast satt að segja um að sannleikskorn sé að finna í téðri grein. Samfélagið í heild sinni á að taka á svona málum, því eins og staðan er í dag getur hver sem er sett fram á netið upplognar fullyrðingar og þar höfundar er getið er þetta ekki lögreglumál alveg sama hversu grófar athugasemdir eru gerðar. Verra er þegar menn setja fram lygar beinlínis til þess að skaða aðra sem mest eins og þessi siðblindingi hér http://parketbudin.blogspot.com/ en þetta er ein af mörgum síðum hans sem sérstaklega settar upp til þess að ærumeiða og skaða viðskipti sem mest og það fyndna við þetta er það að lögreglan og lögin standa ráðþrota gagnvart svona mönnum þótt verið sé að brjóta hegningalögin. Auðvitað er hægt að fara í einkamál sem verður gert en það tekur tíma en ef viðkomandi á engar eignir er málið alltaf hreinn kostnaður. En svona er Ísland í dag ótrúlegt samfélag.

Friðrik Már Bergsveinsson, 29.8.2013 kl. 12:44

Vá... þessi "Parket" maður hlýtur að vera að mölbrjóta lög

Gunnar Th. Gunnarsson, 29.8.2013 kl. 12:54

Ég hef aldrei farið á AA-fund en eftir að hafa lesið þetta:

"Nema hvað á AA-Fundi var ég ásamt Halib, Clinton fv forseta USA, Pútín forseta Rússlands og yfirmanni CIA í Evrópu Larry og fylgdarliði Clinton nokkrir háttsettir CIA eða pólitískir félagar og andstæðingar en úr Frímúrareglunni í USA. Nú fundarstjórinn var skotinn í höfuðið og tel ég að ég beri einhverja ábyrgð en ég bar skammbyssuna sem hann var skotinn með en Halib var með skambyssuna en það átti aðeins að vera til að stilla til friðar en fundarstjórinn sýndi ógn og virtist hættulegur. Fundurinn leystist upp eftir atvikið en ég bað Larry um að gera hvað hann gæti til að bjarga einhverju ef hægt væri."

þá er ég að hugsa um að fara að mæta.

Ég hefði gert margt til að hafa fengið að vera fluga á vegg á þessum fundi.

Grrr (IP-tala skráð) 29.8.2013 kl. 20:03

Anna Sigríður, ég tek undir flest sem þú segir.

Jens Guð, 29.8.2013 kl. 22:59

Hörður, þegar mönnum er mikið niðri fyrir vill textinn verða dálítið í belg og biðu,

Jens Guð, 29.8.2013 kl. 23:00

Gunnar Th., þegar svona mikið gengur á þá er skiljanlegt að andlegt jafnvægi raskist örlítið. Svo jafnar það sig vonandi.

Jens Guð, 29.8.2013 kl. 23:03

Geimverur ekki til??? En við erum geimverur mar :)

Ekk gleyma mofa þegar þið teljið upp rugl og bull blogg :Ð

DoctorE (IP-tala skráð) 29.8.2013 kl. 23:11

Ásthildur Cesil, það eru engir á röltinu um götur bæjarins sem fjármagna innkaup á dópi upp á milljónir króna.

Jens Guð, 30.8.2013 kl. 00:35

Friðrik Már, það er verulega undarlegt að svona gróf níðskrif séu ekki skotin niður af þeim sem bera ábyrgð á netsíðum. Hér er annað dæmi: http://jensgud.blog.is/blog/jensgud/entry/1309260/

Jens Guð, 30.8.2013 kl. 00:43

Gunnar Th. (#18) góður