Bestu plötur rokksögunnar

  Ég er að detta inn á sjötugs aldur hvað úr hverju.  Ég kann ekkert á tölvur.  Ég ætla ekkert að læra á þær né allt þetta sem kallast iPad, iPod,  snjallsímar eða annað slíkt.  Það tekur því ekki.  Ég kann lítið annað á tölvur en e-mail.  Allt þar fyrir utan er eitthvað sem ég veit fátt um.  Samt hætti ég mér stundum út fyrir e-mailið og fikta eitthvað út í loftið.  Þá rakst ég á lista yfir bestu plötur rokksögunnar.  Fyrir listanum var skráð nafnið RFNAPLES.  Ég veit ekkert fyrir hvað það stendur.  Ég reyndi að fletta því upp en það stoppaði á innskráningu,  lykilorði og einhverju svoleiðis. 

  Engu að síður þótti mér listi RFNAPLES áhugaverður.  Ég mátaði hann við nokkra aðra lista sem ég átti.  Þeir eru misgamlir.  En kemur ekki mikið að sök.  Bestu plöturnar eru flestar eldri en tvívetra.  Niðurstaðan er skemmtilega allt að því samhljóða (með skemmtilegum undantekningum).  Árlega koma út tugir milljóna rokkplatna.  Það er afar merkilegt að af öllum þessum milljörðum platna skuli meira og minna sömu plötur toppa lista yfir bestu plötur rokksögunnar. 

Fyrsti svigi Rolling Stone (bandarískt tímarit)

Næsti svigi Q (2006) (enskt tímarit)

Þriðji Virgin (2000) (ensk plötubúðarkeðja)

BBC Channel 4 (2005) (breska ríkisútvarpið)

Entertainment Weeklys (2013) (bandarískt tímarit)

.

1  Bítlarnir:  Revolver (3)(4)(1)(10)(1) 

  Lengi vel var  "Sgt. Peppers..." með Bítlunum föst í toppsæti yfir bestu plötur rokksögunnar.  Á síðustu árum hefur "Revolver" með Bítlunum skriðið fram úr. 

.

.

2  Nirvana:  Nevermind (17)(3)(17)(3)(10)

.

.

3  Bítlarnir:  Hvíta albúmið  (10)(-)(5)(12)(12)

.

.

4  Bítlarnir:  Sgt. Pepper´s Lonely Hearts Club Band (1)(19)(3)(7)(-)

.

..

5  Pink Floyd:  The Dark Side of the Moon (43)(15)(9)(5)(37)

.

.

6  Bítlarnir:  Abbey Road (14)(14)(8)(-)(22)

.

.

7  The Beach Boys:  Pet Sounds (2)(18)(18)(33)(9)

.

 

.

8  The Clash:  London Calling (8)(20)(37)(44)(5)

.

 

.

9  Radiohead:  OK Computer (-)(1)(4)(1)(45)

.

 

.

10  The Velvet Underground:  The Velvet Underground and Nico (13)(42)(13)(46)(38)

.

11  Led Zeppelin:  IV (69)(21)(42)(17)(79)

12  Bob Dylan:  Highway 61 Revisited (4)(45)(26)(-)(27)

13  The Rolling Stones:  Exile on Main St. (7)(34)(35)(42)(3)

14  David Bowie:  The Rise and Fall of Ziggy Stardust and the Spiders from Mars (35)(41)(27)(32)(34)

15  Radiohead:  The Bends (-)(2)(2)(22)(-)

16  U2:  The Joshua Tree (27)(11)(25)(2)(-)

17  Bob Dylan:  Blonde on Blonde (9)(36)(33)(-)(-)

18  The Smiths:  The Queen is Dead (-)(12)(10)(20)(50)

19  Bítlarnir:  Rubber Soul (5)(29)(34)(-)(46)

20  The Stone Roses:  The Stone Roses (-)(6)(12)(24)(-)

21  The Jimi Hendrix Experienced:  Are You Experienced (15)(63)(63)(19)(26)

22  The Rolling Stones:  Let It Bleed (32)(64)(40)(35)(-)

23  The Who:  Who´s Next (28)(51)(48)(-)(39)

24  Bruce Springsteen:  Born to Run (18)(82)(20)(37)(15)

25  Bob Dylan:  Blood on the Tracks (16)(23)(7)(55)(6)

26  Pixies:  Doolittle (-)(43)(-)(48)(81)

27  Marvin Gaye:  What´s Going On (6)(32)(39)(78)(13)

28  Sex Pistols:  Never Mind the Bollocks,  Here´s The Sex Pistols (41)(28)(29)(31)(-)

29  Pink Floyd:  The Wall (87)(27)(30)(-)(-)

30  The Doors:  The Doors  (42)(75)(46)(27)(-)

Athugasemdir

[Grrr (IP-tala skráð) 30.8.2013 kl. 10:33]

Alltaf gaman að skoða svona lista.

Eitt sem að ég rek augun í. Marvin Gaye 27. sæti? Ég man ekki til þess að hann hafi rokkað mikið.

[Sigurður I B Guðmundsson, 30.8.2013 kl. 12:43]

Bítlarnir bestir ekki spurning en hvar eru CCR og KINKS??

[Erlendur (IP-tala skráð) 30.8.2013 kl. 17:17]

Hvað ætli unga fólkinu finnist um svona lista því samkvæmt þessu hefur engin rokktónlist sem nokkurs er virði verið samin í næstum tvo áratugi. Megnið af þessari tónlist er komið vel á fimmtugs aldurinn.

Ég er að mestu leiti sammála en finnst að Lynyrd Skynyrd eða suðurríkja rokk ætti kannski eiga heima þarna á listanun.

[Oddur Malmberg (IP-tala skráð) 30.8.2013 kl. 20:11]

Mér finnst Bítlarnir fá allt of mikið pláss þarna!  En glaður að sjá að London Calling nær inn á topp tíu.  Gaman að þessum lista, takk fyrir.

[Ómar Bjarki Kristjánsson, 30.8.2013 kl. 20:31]

Ekki óvænt að sjá Bítlana hirða flest efstu sætin. Það er að vonum. Vegna þess einfaldlega að Bítlarnir eru Hljómsveitin. það kemst enginn með tærnar þar sem Bítlarnir höfðu hælanna. Og þessi staðreynd ber að taka oft fram og reglulega.

Ánægður meðað sjá að Revolver fær fyrsta sætið. það er sanngjarnt í raun að taka hana framyfir St.Pepper. Þó St. Pepper sé listaverk út af fyrir sig - þá er Revolver aðeins breiðari og þar eru ekki síður nýjungar og byltingarkennd framsetning heldur en á St. Pepper.

Hinsvegar, að mínu mati, þá á plata nr. 6 að vera nr. 1.

Abbey road er besta plata ever.

[Jens Guð, 31.8.2013 kl. 23:05]

  Grrr,  það er rétt hjá þér að Marvin heitinn Gaye rokkaði ekki.  Hann var í sálarpoppinu.  Engu að síður er þessi plata hans fastagestur á svona listum.  Mér dettur í hug að hluti af skýringunni sé sú að margir rokkarar hafa krákað (cover song) lög hans.  Þekktast er sennilega "I Heard It Throught the Grapevine" í mögnuðum flutningi Creedence Clearwater Revival.  Ég þekki nokkra sem telja það vera flottasta lagið með CCR. 

[Jens Guð, 31.8.2013 kl. 23:19]

  Sigurður I.B.,  ég er mikill aðdáandi CCR og Kinks.  Á unglingsárum var skólataskan mín og skólabækur merktar CCR í bak og fyrir.  Þegar ég var í hljómsveitum á unglingsárum var fjöldi CCR laga á prógramminu.  Og einhver Kinks-lög. 

  Mér dettur í hug sú skýring að fyrstu sex plötur CCR séu það álíka jafngóðar að þær taki atkvæði hver frá annarri.  Ef Bítlarnir eru frátaldir þá eru flestar hljómsveitir og flytjendur - sem eiga plötur á svona listum - með eina eða tvær plötur sem standa upp úr.  Þær plötur eru þá öruggar inni á listanum.  Atkvæði greidd CCR plötum dreifist hinsvegar á sex plötur með þeirri niðurstöðu að engin nær inn á listann.

  Varðandi Kinks þá hef ég grun um að margir skilgreini þá hljómsveit sem smákífukónga fremur en að heilar plötur með þeim séu málið.  Kannski á það líka við um CCR. 

[Jens Guð, 31.8.2013 kl. 23:33]

  Erlendur,  já,  það er sláandi að nýjar plötur og nýliðar komast ekki á blað á svona listum.  Kannski hefur fátt bitastætt komið á markað síðust 20 - 30 árin?  Ég veit það ekki.  Eins og þú bendir á þá eru flestar plöturnar á listanum 40 - 50 ára gamlar. 

  Fyrir nokkrum árum bjó ég í Ármúlanum og sótti skemmtistaðina Wall Street,  Classic Rock og Pentagon.  Unga fólkið þar sótti í tónlist Bítlanna, Stóns, Clash, Dylan, Hendrix,  Led Zeppelin og svo framvegis.  Jú, jú,  System of a Down og Ministry slæddust með. 

  Margt bitastætt er í Suðurríkjarokkinu.  Það virðist samt ekki vera einhugur um tilteknar plötur sem ná inn á svona lista.  

[Jens Guð, 31.8.2013 kl. 23:48]

  Oddur,  ég er afskaplega ánægður með stöðu "London Calling".  Hún var útnefnd af bandaríska tímaritinu Rolling Stone (söluhæsta tónlistartímariti heims) sem besta plata níunda áratugarins (kom reyndar út 1979). 

  Ég kvitta ekki undir að Bítlarnir séu ofmetnir.  Þeirra mörgu afar merkilegu plötur höfðu og hafa svo djúpstæð áhrif á rokksöguna að undan því verður ekki vikið.  Ég var svo heppinn að upplifa Bitlaæðið í rauntíma.  Það var ekkert smá dæmi.  Bítlarnir breyttu öllum viðmiðunum í músík.  Þeir breyttu hugsunarhætti heillar kynslóðar.  Þeir breyttu viðhorfum til ótal hluta.  Eitt lítið dæmi:  Afstaðan til hárgreiðslu og skeggvaxtar.  Skyndilega hættu karlmenn að vera stuttklipptir og snyrtilega rakaðir.  Menn tóku Bítlana til fyrirmyndar:  Hárið fékk að vaxa niður á herðar og menn hættu að raka skegg.  Þessi útlitsbreyting á karlmönnum undirstrikaði rækilega hvað Bítlarnir höfðu sterk og mótandi áhrif á samfélagið.  Það þarf aðra bloggfærslu til að fara yfir það hvernig Bítlarnir kúventu afstöðu til tónlistar.

[Jens Guð, 31.8.2013 kl. 23:51]

  Ómar Bjarki,  ég er þér sammála.  Mér segir svo hugur að einhverju ráði að eldri plötur Bítlanna höfðu meiri afgerandi áhrif á þróun rokksögunnar.  Abbey Road er engu að síður sú Bítlaplata sem ég tel besta.