Plötuumslög í sínu rétta umhverfi

  Þegar rölt er um New York borg ber margt fyrir auga sem kemur kunnuglega fyrir sjónir.  New York borg er vettvangur margra kvikmynda,  sjónvarpsþátta og tónlistar.  Demókratar eru ráðandi.  Íbúar eru um 8 milljónir.  Daglegir túristar í New York eru jafn margir:  8 milljónir.

  New York er suðupottur fjölmenningar í tónlist og ýmsu öðru,  með sitt  Kínahverfi,  litlu Ítalíu,  fátækrahverfi svertingja (Harlem) og svo framvegis.  New York er heimsálfa ólíkra hverfa,  ólíkra menningarsvæða...

  Mörg af frægustu plötuumslögum rokksögunnar hafa verið ljósmynduð í NY.   Það er þess vegna sem gestkomandi í New York borg kannast við umhverfið.

 

 

 

 

 

 

 

 

 Plötuumslag bresku mod-hljómsveitarinnar The Who  "The Kids are Allright",   byggir á ljósmynd í New York.

 

  Umslag plötunnar "Too Long in Exile" með írska söngvaranum Van Morrison.

 

  "After The Gold Rus" með kanadíska tónlistarmanninum Neil Young skartar ljósmynd frá NY.

  Umslag plötunnar "Live at Max´s Kansas City" með NY sveitinni Velvet Underground.

 

  Hljómsveitin New York Dolls og umslag samnefndrar plötu.

  Ramones, enn ein NY sveitin og umslag plötunnar "Rocket to Russia".

  Steely Dan brugðu sér í Central Park garðinn í NY til að sitja fyrir á mynd á umslag plötunnar "Pretzel Logic".

  Söngleikjaplatan "West Side Story".

  Bob Dylan bjó í NY og þurfti ekki að sækja myndefni langt.

  Dylan fór samt til London til að filma myndband við lagið "Subterranean Homesick Blues".

Athugasemdir

[Stefán (IP-tala skráð) 18.9.2013 kl. 08:53]

Íbúar New York eru um 19 milljónir. Í fjölmennustu borg Evrópu, London, eru íbúar 11 milljónir. Ein allra besta plata meistara Lou Reed heitir New York, en   misheppnuð plata frá meistara John Lennon heitir Some Time in New York City.  Nánast allar uppáhalds jazzplöturnar mínar eru teknar upp í New York og þangað flykktust bestu jazzistarnir frá öðrum ríkjum USA á gullaldarárum jazzins 1950 - 1970.  Í New York eru frægustu og bestu óperur fluttar í Metropolitian Opera House. Hipparokkið kviknaði og blómstraði á Vesturströndinni, en New York átti sína Simon & Garfunkel, Lovin Spoonful og Velvet Underground. Þangað fluttust líka og störfuðu meistarar Bob Dylan og Frank Zappa. Stóra eplið er bæði súrt og sætt í senn.   

[Jens Guð, 18.9.2013 kl. 12:56]

  Stefán,  íbúar New York borgar eru um 8 milljónir.  Það gæti verið að heildaríbúafjöldi alls NY ríkis sé 19 milljónir.

[Stefán (IP-tala skráð) 18.9.2013 kl. 14:18]

Um 20 milljónir búa á New York svæðinu, svona eins og ef talað er um höfuðborgarsvæðið okkar hér, en ekki bara Reykjavík.  

[Jónas Yngvi Ásgrímsson (IP-tala skráð) 18.9.2013 kl. 21:03]

Ég er ekki sammála að Some time in NYC sé misheppnuð. Án hennar hefðum við ekki lög eins og Woman is the nigger of the world, Que pasa New York, The luck of the irish, John40ono Sinclar o.fl. Ég hef alltaf verið hrifinn af þessari plötu.

[Jens Guð, 18.9.2013 kl. 22:53]

  Stefán,  þetta er eflaust rétt hjá þér.

[Jens Guð, 18.9.2013 kl. 23:21]

  Jónas Yngvi,  það eru alveg ljómandi góð lög á NY-plötunni.  En dálítill vandræðagangur á hljómsveitinni.  Samanburður við fyrri tvær plötur Lennons,  "Plastic Ono Band" og "Imagine" er líka óhagstæður.  Þær tvær plötur voru snilldin ein.  Á NY-plötunni er djamm-stemmningin ekki að skila nógu góðu í lögum eins og "We´re All Water",  "Sunday Bloody Sunday" og "Attica State".  

  Lennon var dálítið kærulaus varðandi kröfu til hljómsveitarinnar.  Til að mynda samdi hann " Woman is the Nigger of the World" sem reggílag.  Hljómsveitin réði ekkert við reggí.  Lennon var svo værukær að hann nennti ekki að reyna að kenna hljómsveitinni að spila reggí.  Hugsaði bara með sér að þetta væri plata sem hann ætlaði ekki að liggja yfir eða eltast við smáatriði.  Hljómsveitin mætti spila það sem hún kynni og hann ætlaði ekki að stressa sig á neinu öðru.  Þetta væri djamm þar sem allir væru að skemmta sér.

  Aukaplatan með Zappa dregur plötuna ennfremur niður.

  Á   http://www.allmusic.com/album/some-time-in-new-york-city-mw0000195247  fær NY platan 2 og hálfa stjörnu hjá gagnrýnanda Allmusic og 3 og hálfa stjörnu hjá lesendum.  Ég hallast að stjörnugjöf lesenda.