Fræga fólkið eldist ekki

  Það er gaman að bera saman ljósmyndir af unglingum annarsvegar og hinsvegar ljósmyndir af sama fólki nokkrum áratugum síðar.  Einkum er gaman að skoða þannig myndir af fræga fólkinu í útlöndum.  Það er eins og það eldist ekki á sama hátt og aðrir.  Kannski vegna þess að fræga fólkið á peninga til að kaupa þjónustu förðunarfræðinga,  stílista,  lýtalækna og þess háttar.  Eða þá að frægðinni fylgir heilsusamlegt líferni,  góður svefn og staðgóður hollur matur.

 

  Enski söngvarinn Boy George naut mikilla vinsælda á níunda áratugnum.  Hann er ennþá að sprikla í músík,  kominn á sextugsaldurinn.  Hann málar sig ennþá til spari.  Þess á milli er hann ófarðaður og strákslegur.

  Annar vinsæll enskur söngvari kallast Billy Idol.  Hann sló í gegn með pönksveitinni Generation X á áttunda áratugnum.  Síðar varð hann ennþá vinsælli sem sólósöngvari.  Hann litar ennþá á sér hárið, notar augnskugga og eyrnalokka. 

  Enski gítarleikarinn og söngvarinn Peter Frampton var ofurstjarna um miðjan áttunda áratuginn.  Hann hefur löngum verið talinn afar snoppufríður.

  Bandaríska söngkonan Barbra Streisand hefur alltaf verið stelpuleg.

 

 

 

 

 

 

 

 

 

 

 

 

  Madonna er vön að gera út á kynþokkann.

  Bandaríska rokkhljómsveitin Guns N´ Roses varð heldur betur vinsæl í lok níunda áratugarins.  Söngvarinn,  Axl Rose,  á í vandræðum með skapið í sér.  Og sitthvað fleira.  En alltaf sami töffarinn.

Allir skotnir í Harry prins

Athugasemdir

[Ásthildur Cesil Þórðardóttir, 6.10.2013 kl. 15:37]

Sumir eru jafnvel flottari með aldrinum, eins og þessi Peter, aðrir eldast fremur illa... eða þannig.

[eyjaskeggi (IP-tala skráð) 7.10.2013 kl. 02:06]

Mér þykir Idolinn ekki koma vel undan eitísinu, allavega ekki miðað við okkar Idol hann Bubba sem er reyndar ári yngri. En margt af þessu fræga liði er á HGH til að halda sér unglegu.

[Jens Guð, 7.10.2013 kl. 21:51]

  Ásthildur Cesil,  satt segir þú.  Æskudýrkun er kjánalegt fyrirbæri.  Þessi eltingarleikur við að líta alla ævi út eins og unglingur í stað þess að fagna því að komast yfir galgopasvip unglingsáranna og öðlast virðulegt yfirbragð þess sem hefur safnað reynslu og þekkingu.  Á hverju einasta ári bætum við gríðarlega miklu í viskubrunninn.

[Jens Guð, 7.10.2013 kl. 22:00]

  Eyjaskeggi,  hvað er HGH?  Idolinn hefur verið nokkuð stórtækur í dópinu.  Það er óhollt.   Það færi honum betur að láta af hárstrípum,  augnskugga og eyrnalokkum.  Þá væri hann reffilegur næstum sextugur karl.  Peter Frampton er gott dæmi um mann sem eldist vel vegna þess að hann ber aldurinn með reisn og reynir ekkert að ríghalda í útlit unglings.  Hann er á sjötugsaldri og flottur. 

[Ásthildur Cesil Þórðardóttir, 8.10.2013 kl. 02:46]

Já fólk ætti að bera meiri respekt fyrir okkur sem eldri erum, unga fólki gæti lært eitthvað af okkur gömlu brýnunum ekki satt

[eyjaskeggi (IP-tala skráð) 8.10.2013 kl. 04:07]

HGH = Human growht hormone, sennilega of seint fyrir Idol að byrja á því úr þessu til að verða unglegri. En er ekki einmitt fólk sem hefur elst of hratt eins og hann, sem gerir í því að lita á sér hárið eða eitthvað til að líta betur út, svo sést ekkert hvað hann er hrukkóttur þegar hann er kominn uppá svið.