Veitingahússumsögn

 

  - Veitingastaður:  Salatbarinn,  Faxafeni 9 í Reykjavík

  - Réttur:  Hlaðborð

  - Verð:  1800 kr.

  - Einkunn:  **** (af 5)

  Hlaðborð margra veitingastaða er góður kostur.  Mörg asísk veitingahús bjóða upp á hlaðborð á ágætu verði (1400 - 1600 kr.).  Sjávarbarinn á Grandagarði býður upp á glæsilegt sjávarréttahlaðborð á 1600 kr.  Salatbarinn á Hótel Cabin er einnig góður kostur. 

  Salatbarinn í Faxafeni er örlítið dýrari en hinir.  Í samanburði við salatbarinn á Hótel Cabin er verðmunurinn réttlátur.  Á Hótel Cabin kostar hádegishlaðborðið 1490 kr. (kvöldverður 1850 kr.).  Hér fyrir neðan má lesa um salatbarinn á Hótel Cabin.  Af öllum hlaðborðum er samanburður á Salatbarnum í Faxafeni og salatbarnum á Hótel Cabin eðlilegastur.  Þeir eru líkastir.  

  Salatbarinn í Faxafeni býður upp á fleiri heita rétti.  Salatbarinn á Hótel Cabin er aðeins með einn heitan rétt (oftast kjúklingavængi eða kjötbollur í brúnsósu).  Salatbarinn í Faxafeni er með marga heita rétti:  Steiktan fisk,  kjötbollur í brúnósu,  rjómapasta með skinku eða grænmeti,  kjúklingabita,  kjúkling í sósu (seasame eða tikka masala eða mango eða teriyaki...),  soðnar skrældar kartöflur,  sætar kartöflur,  grænmetisblöndu,  steiktan lauk,  brokkoli gratín,  lasagna með kjöthakki eða grænmeti,  núðlur með kjöti,  kartöfluklatta,  fylltar kartöflurúllur...

  Heitu réttirnir eru mismunandi eftir dögum.   Suma daga er lambalæri,  bearnaise sósa og brúnaðar kartöflur.  Steiktu fiskréttirnir eru jafnan spennandi:  Karfi eða langa eða steinbítur eða smjörsteiktur þorskur...

  Hægt er að velja á milli tveggja tegunda af súpu.  Oftast er önnur mexíkönsk kjúklingasúpa.  Hin getur verið sveppasúpa eða aspassúpa eða brokkolísúpa eða blómkálssúpa.  Nýbakað grófkorna brauð fylgir.

  Sjálfur salatbarinn er eins og best verður á kosið.  Gott úrval af grænmeti,  baunum,  túnfiski,  sólþurrkuðum tómötum,  niðursoðnum ávöxtum,  ferskum ávöxtum,  soðnum eggjum...  Og gott úrval af köldum sósum.

  Salatbarinn er snyrtilegur staður í milliklassa.  

 

 

 

 

 

 

 

 

 

 

Síðustu 10 umsagnir:

 Hótel Cabin:  http://jensgud.blog.is/blog/jensgud/entry/1309370/

Grillmarkaðurinn:  http://jensgud.blog.is/blog/jensgud/entry/1298062

Ruby Tuesday:  http://www.jensgud.blog.is/blog/jensgud/entry/1296771/

Grill 66:  http://www.jensgud.blog.is/blog/jensgud/entry/1296313/

Prikið:  http://www.jensgud.blog.is/blog/jensgud/entry/1288948/

Noodle Station:  http://jensgud.blog.is/blog/jensgud/entry/1287104

Benzin Café:  http://www.jensgud.blog.is/blog/jensgud/entry/1284984/

Pizza King:  http://www.jensgud.blog.is/blog/jensgud/entry/1282151/

Ikea:  http://www.jensgud.blog.is/blog/jensgud/entry/1280116/

Fljótt og gott:  http://www.jensgud.blog.is/blog/jensgud/entry/1279446/

Athugasemdir

[Anna (IP-tala skráð) 17.10.2013 kl. 08:30]

Ég bíð eftir umsögn um salatbarinn í kjallara Rúgbrauðsgerðarinnar. Það virðist enginn vita um þennan stað nema píparar og byggingarverkamenn.

[Stefán (IP-tala skráð) 17.10.2013 kl. 09:35]

Hvað ætli það sé í matnum í mötuneyti lögreglunnar sem orsakar svona mikið kynferðislegt áreiti í löggæslu-vinnunni, eða er það kleinuhringjaátið ? Reyndar segjast lögreglumenn ,, aðeins ", já ,, aðeins " áreita þriðjung lögreglukvenna - Ætli þriðjungur lögreglukvenna sé þá á stöðugum áreitisflótta í vinnunni, en restin sé alveg stikkfrí ? 

[Jens Guð, 17.10.2013 kl. 23:42]

  Anna Sigríður,  ég hef stundum snætt í kjallara Rúgrauðsgerðarinnar.  Alveg fínn kostur.  Ég þarf að skrifa umsögn um hann næst þegar ég fer þangað. 

[Jens Guð, 17.10.2013 kl. 23:48]

  Stefán,  þetta er skelfileg niðurstaða að lögreglukonur séu áreittar kynferðislega á vinnustaðnum.  Og það í svona miklum mæli.  Þetta kallar á rótækar aðgerðir þegar tekið er tillit til þess að fórnarlömb kynferðisofbeldis þurfa að leita á náðir lögreglunnar.  Það er hryllilegt til þess að vita að þau þurfi þá að eiga samskipti við lögreglumenn sem áreita konur kynferðislega.