Ótrúlega hraðvirk aðferð til að læra tungumál

  Það eru til ýmsar aðferðir til að læra enn eitt tungumálið.  Flestar eru aðferðirnar seinvirkar og kalla á mikla og tímafreka yfirlegu.  Það er líka til aðferð sem kallast ofurminnistækni (super learning memory).  Gallinn við hana er að fyrst þarf að læra ofurminnistæknina.  Það kostar margra daga námskeið.  Kosturinn er að ofurminnistæknin er öflugt hjálpartæki við margt annað en tungumálanám.

  Hraðvirkasta aðferðin við að læra tungumál er jafnframt sú einfaldasta.  Aðferðin felst í því að læra orðin sögð með texta úr móðurmáli viðkomandi.  Tökum dæmi af enskumælandi manneskju sem vill læra íslensku:

sömuleiðis = same old ladies

góða helgi = go to hell key

gerðu svo vel = go there so well

þökk fyrir = duck fairy    

Athugasemdir

[Stefán (IP-tala skráð) 1.11.2013 kl. 14:00]

Talandi um tungumál, þá hefur fyrirbæri sem kallar sig Gillz oftar en ekki gengið fram af fólki með sínum einsleita og öfgafulla talsmáta. Það hlýtur því að gleðja sem allra flesta að í dag voru þau sem Egill Einarsson kærði fyrir ummæli í ,, sinn garð " ( eða öllu heldur Gillz ),  sýknuð af ummælum sínum, annað hefði nú bara verið hneyksli. Lögmaður Egils er Vilhjálmur H Vilhjálmsson. Er það ekki sá hinn sami og var sagður hafa stolið ritgerð frá öðrum sér til gagns við próf ? 

[Jens Guð, 3.11.2013 kl. 21:56]

  Stefán,  ég held að það sé rétt munað hjá þér þetta með ritgerðina.